Efesios 3:16 - Nuevo Testamento Tzeltal de Amatenango

¹⁶ Ya jkꞌanbe te ya yaꞌbeyex ta awoꞌtanik te slekilal stsaꞌamule sok apuersaik sok apoderik ta skuenta te Espíritu yuꞌune.

Bible in Tzeltal Bachajón

¹⁶ ya jc'ambe te yacuc ya'beyex, hich te bin ut'il te sc'uhlejal te yutsilal, yu'un yacuc yich' yip awo'tanic ta scuenta te Espíritu yu'un;

Bible in Tzeltal de Oxchuc y Tenejapa

¹⁶ Ja' ya jc'anbey te Tatil te ya yac'beyex te yutsil sc'ulejale, soc te ya yac'beyex stulanil awo'tanic soc awu'elic ta swenta te Espíritu yu'une,

Efesios 3:16 ပူးပေါင်းရင်းမြစ်များ

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

Romanos 2:29

Te machꞌa batsꞌi juriyoe jich ay ta yoꞌtane sok te yichꞌoj sirkunsision ta yoꞌtane. Ma jaꞌuk ya xꞌaꞌtej te tut ya yal te tsꞌibabile. Jaꞌ ya xꞌaꞌtej stukel te Chꞌul Espiritue. Te machꞌa jich aye, lek ay skꞌoplal stukel. Ma jaꞌuk lek skꞌoplal yuꞌun te winketike, jaꞌ lek skꞌoplal yuꞌun te Diose.

Romanos 7:22

Ta koꞌtan ben tsaꞌam ya kaꞌiy te smantal Diose.

Romanos 9:23

Sok jich a yakꞌ ta naꞌel ta jtojoltik te smukꞌul slekilale. Yuꞌun la xpichꞌinotik yoꞌtan y la xchapotik ta antes yuꞌun ya kichꞌbetik te slekilale.

1 Corintios 16:13

Kuxa me awoꞌtanik y junuk me awoꞌtanik ta xchꞌuunel te Cristoe. Pasaik me winikil, y ayuk me spuersa awoꞌtanik.

2 Corintios 12:9

Pero te Kajwaltike la yalbon: “Teyatix a te slekil koꞌtan awuꞌune, porke te jpodere jich ya xchiknaj ta lek a te maꞌyuk tut ya xjuꞌ awuꞌun ta atukele”, xyuton. Jich yuꞌun ben jun koꞌtan te maꞌyuk tut ya xjuꞌ kuꞌune, yuꞌun jich me ya xchiknaj ta jkuenta a te spoder Cristoe.

2 Corintios 4:16

Jaꞌ yuꞌun ma me wakꞌ chebajuk koꞌtantik, aunke yipal ta lajel yip te jtiꞌbalultike. Pero te yutil koꞌtantike yipal ta achꞌubel jujun kꞌaal.

Efesios 1:18

Ya jkꞌanbe Dios te yauk sjambeyex apensarike yuꞌun ya me anaꞌik a te tut yipalex ta smaliyel te jaꞌ ikꞌbilexix yuꞌune. Ben tsaꞌam y ben chapal te majtanil te Dios ya yaꞌbe te machꞌatik yuꞌune.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 2:7

Jich me ya xchiknaj ta ilel ta patil bael te lom bayal skꞌuxul yoꞌtan yakꞌojbotike, sok ay slekil yoꞌtan ta jtojoltik ta skuenta te Cristo Jesuse.

Efesios 3:15

Spisil yichꞌoj sbiil yuꞌun te jayeb ta jkaj te tutik ay ta chꞌulchan sok ta balmilale.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Efesios 6:10

Y te ora to, kermanotak, tulan xꞌawakꞌ abaik te jun nax ayex sok te Kajwaltike ta skuenta te spuersa spodere.

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

Filipenses 4:19

Te Dios kuꞌune ya me yaꞌbeyex spisil te tut palta ya awaꞌiyike, jich tutꞌil te slekilal skꞌulejal te ay yuꞌun te Cristo Jesuse.

Colosenses 1:11

Ya jkꞌanbetik stukel te jaꞌ ya yaꞌbeyex apuersaike ta skuenta te stsaꞌamul spodere. Jich ya xjuꞌ awuꞌunik te ya xkujch awuꞌunik ta spisil yuꞌun te spuersa awoꞌtanike sok yuꞌun te apasensiae.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

2 Timoteo 4:17

Pero te Kajwaltike la skoltayon y la yaꞌbon jpuersa. Jich a juꞌ kuꞌun yalel te skꞌoplal kolele, y jich a yaꞌiyik spisil te genteetike. Jich te Kajwaltike la skoltayon te ba ay chojetik te ya xtiꞌawane.

Hebreos 11:34

la stupꞌik te tulan kꞌajkꞌetik, sok juꞌ yuꞌunik te maꞌyuk a lajik ta puñale. Aꞌbot spuersaik te machꞌatik maꞌyuk spuersaike, ay tulan a laj kꞌot yuꞌun te guerrae, la stsalik te soltaroetik yuꞌun te skontraike.

1 Pedro 3:4

Jaꞌ me xꞌachap te yutil awoꞌtanike, te ben tsaꞌam te ma xkꞌaꞌe, sok te ben jun awoꞌtanike. Jaꞌ me te chapel te ben bale ta sit te Diose.