Efesios 3:1 - Nuevo Testamento Tzeltal de Amatenango

¹ Jaꞌ sluwaril te ayon ta prexo, joꞌon te jPabloone, ta skaj te Cristo Jesuse sok yuꞌun alekilik te jaꞌexe ta ma juriyoukexe.

Bible in Tzeltal Bachajón

¹ Ha scuentahil ho'on, Pablohon, te ayon ta chuquel ta scaj Cristo Jesús ta acuentahic ha'ex te jyanlumex...

Bible in Tzeltal de Oxchuc y Tenejapa

¹ Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

Efesios 3:1 ပူးပေါင်းရင်းမြစ်များ

San Lucas 21:12

“Pero te kꞌalal ma to xkꞌot ta pasel a te tuti kale, te jaꞌexe ya me yakꞌelex ta kꞌabal y ya me yilbajinex. Ya me yikꞌelex bael ta ichꞌel ta kꞌop ta sinagogaetik. Sok ya me yotseselex ta prexo y ya me yikꞌelex bael ta stojol reyetik sok gobiernoetik ta joꞌon ta jkaj.

Hechos 21:33

Jich te statal soltaroe tijilaj bael, la yakꞌ ta tsakel te jPabloe, sok la yal mantal te ya xchukik ta chaꞌlijk kadenae. Patil la sjojkꞌoy machꞌa a y tut spasoj.

Hechos 23:18

Te statal jtijkꞌ soltaroe la yikꞌ bael te ba ay te statal soltaro te ay tulan yaꞌtele, y la yalbe: —Te jPablo te ay ta prexoe la yikꞌon y la skꞌan te ya kikꞌ tal ta atojol te kerem to, yuꞌun ay tut ya skꞌan yalbeyat —xchi.

Hechos 26:29

Te jPabloe la yal: —Me ta ora nax o ma orauk, teme jich ya skꞌan te Diose, ma jaꞌukat nax, koꞌtanuk jich spisil te machꞌatik ya yaꞌibon te jkꞌop te ora to, jichuk ya xkꞌot tutꞌil te joꞌone. Pero ma jaꞌuk ya kal te ya awichꞌik chukel ta kadenae —xchi te jPabloe.

Hechos 9:15

Pero te Kajwaltike la yalbe: —Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike.

2 Corintios 1:6

Yuꞌun teme ay jwokoltike, jaꞌ yuꞌun jich me ay spuersa awoꞌtanik te jaꞌexe y sok ya ataik te kolele. Y teme Dios ya yaꞌbotik spuersa koꞌtantike, yuꞌun jich me ay spuersa awoꞌtanik ekꞌa. Ya skꞌan sok spuersa awoꞌtanik ya atsꞌik awokolik, te pajal sok te jwokoltik te kꞌaxem kuꞌuntike.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

2 Corintios 11:23

Teme jaꞌ jꞌaꞌteletik yuꞌun te Cristoe, joꞌon kꞌaxemon xan a ke te yanetike, aunke jich ya xkꞌopojon tutꞌil jtul jowiyel. Joꞌon mas aꞌtejemon ke te yanetike. Bayal buelta ochemon ta prexo, mas ke te yanetike, y ma ajtabiluk kichꞌoj majel, mas ke te yanetike. Bayal buelta ayon ta peligro yuꞌun lajel.

Gálatas 5:11

Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Gálatas 5:2

Aꞌibikon awaꞌi, joꞌon jPabloon ya kalbeyex: Teme jaꞌex ya awakꞌ abaik ta yichꞌel te sirkunsisione, te Cristo ma baleukix ya xkꞌot awuꞌunik a.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.

Efesios 3:11

Jich a spas to te Diose jich tutꞌil te xchapoj ta sbajtel kꞌinale te jich a kꞌot ta skuenta te Kajwaltik Jesucristoe.

Efesios 3:13

Jaꞌ yuꞌun awokolikuk ma me acheban awoꞌtanik yuꞌun ta skaj te jaꞌex te ayon ta wokole. Yuꞌun tey ya ataik alekilalik a te jaꞌexe.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Efesios 6:20

Dios me stikonejon ta kꞌop yuꞌun te skꞌoplal kolele, te jaꞌ sluwar te ayon ta prexo te ora to. Kꞌoponaik Dios yuꞌun jich me ya kal te tutꞌil ya skꞌan ya kal, te maꞌyuk machꞌa ya xiꞌon yuꞌune.

Filipenses 1:7

Ben lek ya kaꞌiy te jich ayex ta koꞌtan ta apisilik te jaꞌexe, porke ben jkꞌanojex ta koꞌtan. Porke pajal kichꞌojtik mismo bendisionetik, aunke liꞌ ayonix ta prexo to, o manchuk me ya kichꞌ ikꞌel ta stojol te jꞌuꞌeletike yuꞌun jich me ya jkoltay jba y ya kal te skꞌoplal te kolele.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

Colosenses 4:18

Joꞌon jPabloon la jtsꞌibabeyex te spajtil-oꞌtanil to ta jkꞌab y ta letra. Naꞌaik me te ayon ta prexoe. Te Diose aꞌ yaꞌbeyex te slekilal ta akuentaik te jaꞌexe. Jichuk.

Colosenses 4:3

Kꞌoponbotik Dios euk te joꞌotike te yakuk sjambotik puerta te Kajwaltike ta yalel te skꞌope, sok ta yalel te tut mukul ay yuꞌun te Cristoe, te jaꞌ ayon ta prexo yuꞌun.

2 Timoteo 1:16

Pero ya me yichꞌik te xkꞌuxul yoꞌtan te Kajwaltik te machꞌatik ay yuꞌun te Onesiforoe, porke stukel bayalix buelta a yichꞌbon tal spuersa koꞌtan y ma kꞌexaw yuꞌun te ayon ta prexoe.

2 Timoteo 1:8

Ma me kꞌexawan yuꞌun ta yalel te skꞌoplal te Kajwaltike, ni ma me kꞌexawan kuꞌun te ayon ta prexo ta skaje. Tsꞌijkuk me awuꞌun te wokoletik te ya ata ta skuenta te lek achꞌ kꞌop yuꞌun kolele. Ya me skoltayat ta spoder te Diose.

Filemón 1:1

Joꞌon jPabloon, te ayon ta prexo ta skaj te Cristo Jesuse, jun nax sok te hermano jTimoteoe, ya jtsꞌibabeyat te karta to, jaꞌat Filemon, te kꞌuxat ta koꞌtan sok te joy jbajtik ta aꞌtele,

Filemón 1:23

Ya stikon spajtil awoꞌtanik te Epafras, te joy jba sok ta prexo ta skaj te Cristo Jesuse.

Filemón 1:9

Pero jaꞌ ya kalbeyat awokoluk ta skuenta te skꞌuxul awoꞌtane. Joꞌon jPabloon, te mamalonix, y te ora to ayon ta prexo ta skaj te Cristo Jesuse,

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.