Efesios 2:20 - Nuevo Testamento Tzeltal de Amatenango

²⁰ Te jaꞌexe jich kꞌoemex tutꞌil jun mukꞌul na te lijkesbil yiptajib yuꞌun, jaꞌ te apostoletike y sok te jꞌalwanejetike. Y te Jesucristoe ja stonil te xchikin nae.

Bible in Tzeltal Bachajón

²⁰ awich'ojic ts'ahcuyel ta sba te jpuc-c'opetic soc te jalwanejetic, soc te yich'o-ip xuhc na ha te Jesucristo.

Bible in Tzeltal de Oxchuc y Tenejapa

²⁰ Ts'ajc'ubilex moel ta muc'ul na. Ta sba te yiptajib la yotsesic te jpuc-c'opetic soc te j'alwanejetic yu'un te Diose. Ja' mero smuc'ul stonil chiquin-na te Jesucristoe.

Efesios 2:20 ပူးပေါင်းရင်းမြစ်များ

San Mateo 16:18

Joꞌon ya kal te jaꞌat jPedroat, te pꞌej ton kꞌoemat te ya kakꞌ ipajuk a te jchꞌuuneletik kuꞌune. Te jchꞌuuneletik kuꞌune ma xjuꞌ te ya stsalot yuꞌun yip te lajele.

San Mateo 21:42

Te Jesuse la yaltalanbe: —¿Me ma awilojuk ta Sjun Dios te jich ya yale?: “Te ton te ma tsaꞌamuk a yilik te jꞌalwaniletike, jaꞌ yipajib chikin-na a kꞌotix stukel. Jaꞌ a yakꞌ kꞌotuk ta pasel te Kajwaltike. Ben tsaꞌam slekil ya kiltik”, xchi me.

1 Corintios 12:28

Dios jicha skꞌan ta juju-tijkꞌ hermanoetik te jaꞌ nail ay te apostoletike; y ta xchebal, jꞌalwanejetik; y ta yoxebal, maestroetik. Teꞌ nax ay ekꞌa te machꞌatik ya xꞌaꞌbot spas milagroetik, y ay yan te ya slekutes jchameletik, o ya xkoltawanik, o ya stsobawanik, o ya xkꞌopojik ta yanetik kꞌop.

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

Efesios 3:5

te tut mukul ay te maꞌyuk machꞌa aꞌbot snaꞌ te ay tal kꞌaale. Pero te ora to Dios la yakꞌix ta naꞌel ta skuenta te chꞌul apostoletike y sok te jꞌalwanejetike ta skuenta te Espíritu yuꞌune.

Colosenses 2:7

Tsꞌunulukex me lek ta skuenta stukel, jmel nax junuk awoꞌtanik yuꞌun ta skuenta te xchꞌuunel awoꞌtanik, jich tutꞌil te la awichꞌik nojpesele. Y sil tiempo albeyaik kola yal Dios.

1 Pedro 2:6

Jaꞌ yuꞌun te jich ya yal te Sjun Diose: “Joꞌon me ya kakꞌ ta Sion te jpꞌej ton te yiptajib te tsabil te ben tulan skꞌoplale. Te machꞌa ya xchꞌuune makꞌ ya xjil ta kꞌexlal yuꞌun.

Apocalipsis 21:14

Te smakteꞌal ton te mukꞌul jtejklume ay yichꞌoj lajchayeb tonetik yuꞌun yiptajib, te teꞌ tsꞌibabil sbiilik a te lajchaytul apostoletik yuꞌun te Chꞌin Karnerae.