Efesios 2:2 - Nuevo Testamento Tzeltal de Amatenango

² yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Bible in Tzeltal Bachajón

² te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Bible in Tzeltal de Oxchuc y Tenejapa

² Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Efesios 2:2 ပူးပေါင်းရင်းမြစ်များ

San Mateo 11:19

Teꞌ nax a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌa, sok te ya sjoyin jmulawiletik sok jkꞌan-tojemaletik. Yan te spꞌijil yoꞌtan te Diose jaꞌ ya xchiknaj ta skuenta te tut ya yakꞌ kꞌotuk ta pasele —xchi te Jesuse.

San Mateo 13:22

Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

San Mateo 13:38

Te triwualtike jaꞌ te genteetik ta balmilale. Te lekil tsꞌunubile jaꞌ te machꞌatik yajwalinejik te Diose. Te ak te ma tsaꞌamuke jaꞌ te machꞌa yajwalinejik te pukuje.

San Marcos 4:19

pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun, sok jaꞌ ya xbikꞌtaj yoꞌtanik yuꞌun spisil te tutik aye. Spisil to ya xkꞌot ta skuentaik ya smuk te skꞌop Diose jich ma xyakꞌ sitinuk.

San Lucas 16:8

“Te yajwale la snaꞌbe sluwar. Jich a yal: “Te jkanan ma tsaꞌamuke ay spꞌijil yuꞌun te tutik ya spase”, xchi yuꞌun. Jich te machꞌatik ayik ta skuenta te balmilal to, mas ay spꞌijilik ta xchapel sbaik stukelik ke te machꞌatik ayikix ta sakil kꞌinale.

San Lucas 22:31

La yal xan te Kajwaltike: —Simon, Simon, aꞌiya awaꞌi. Te pukuje la skꞌanix permiso te ya yikꞌayex jich tutꞌil te ya xꞌikꞌayot te triwue.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

San Juan 13:2

Te pukuje ochemix ta yoꞌtan a te Judas, te xnichꞌan te Simon Iscariote, te snopoj ya yakꞌ entregal te Jesuse. Te Jesuse snaꞌoj te talem ta stojol Dios sok te ya sujtix bael ta stojol Diose, y snaꞌoj ta yoꞌtan te aꞌbilix tulan yaꞌtel yuꞌun te sTate. Jaꞌ yuꞌun te yipalik to ta weꞌel ta mexae, tejkꞌa jajchel, la slokꞌes te xkamixe y la xchuk ta xchꞌujt te jun toayae.

San Juan 13:27

Y te Judase ora stsak te waje y och Satanas ta yoꞌtan. Te Jesuse la yalbe: —Te tut ya apase, pasa me ta ora —xyut.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 15:19

Te jaꞌuk yuꞌunex te balmilale, te genteetik ta balmilale ben kꞌuxex ta yoꞌtan te jichuke, jich tutꞌil te kꞌux ya yaꞌi ta yoꞌtan te sjoꞌtake. Pero joꞌon a jtsaex tal lokꞌel ta yolilik te machꞌatik yuꞌun te balmilale. Jaꞌ sluwar te ya spꞌajexe, porke ma yuꞌunukexix te balmilale.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

San Juan 7:7

Te genteetik yuꞌun te balmilale makꞌ spꞌajex. Pero te joꞌone ya spꞌajikon, porke ya kalbe ta jamal te tut ma tsaꞌamuk ya spasike.

San Juan 8:23

Te Jesuse la yaltalanbe: —Te jaꞌexe liꞌiyex ba alane; pero te joꞌone lijkemon tal ta ajkꞌol. Te jaꞌexe skuenta balmilal ayex; pero te joꞌone ma skuentaukon te balmilal to.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

Hechos 19:35

Jich te sekretario yuꞌun te jtejklume te kꞌalal juꞌ yuꞌun skomel ta gente, la yal: —Jlumal efesioetik, spisil gente ta balmilal snaꞌoj te jtejklum to ay ta skuenta skanantayel te chꞌulna yuꞌun te kaj-santutik xDianae te koem tal ta chꞌulchane.

Hechos 5:3

Te jPedroe la yalbe: —Ananias, ¿tuꞌun te och pukuj ta awoꞌtane? Yuꞌun la apasix ta lot te Chꞌul Espiritue te tutꞌil la akꞌej jilel oliluk te stojol alume.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

1 Corintios 5:10

Y ma yuꞌunuk ya kal te jkꞌaxel ya apit abaik sok spisil te machꞌatik ayik ta skuenta te balmilale: te jmulawiletike, sok te jbikꞌtal-oꞌtanetike, sok te jꞌeleketike, sok te ya xchꞌuunik lotil diosetike. Yuꞌun jaꞌ to ya xjuꞌ awuꞌunik a te ya xlokꞌex bael liꞌ ba balmilale.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Efesios 1:21

Jaꞌ muk a kꞌot yuꞌun spisil te tutik ay spuersa, sok te ay yaꞌtelike, sok te ay spodere y sok te ya xmantalteswanike. Y jaꞌ mukꞌ a kꞌot yuꞌun spisil te tutik aye te tutik ay ta balmilal sok te tutik ya xtal ta patile.

Efesios 2:11

Jich yuꞌun te jaꞌexe te ma juriyoukexe, ay machꞌatik ya yalbeyex te ma awichꞌojikuk te sirkunsisione. Te juriyoetik te ya yaꞌbeyik sirkunsision ta stiꞌbalul te winike, jich mismo sbiilinejik te yichꞌojik sirkunsisione.

Efesios 2:13

Pero te ora to, jun nax ayexix sok te Cristo Jesuse ta skuenta xchꞌichꞌel te stukel a smale. Te jaꞌex te nail toe ben jakal ayex, pero la stijilteselexix.

Efesios 2:3

Y jich ayotik ta jpisilik ekꞌa te ay kꞌaale. Jaꞌ jtamojtik te tut ya skꞌan te jtiꞌbalultike, y jaꞌ la jpastik te tutik nax ya skꞌan te jmulawil tiꞌbalultike y sok te tutik ya jnoptike. Ta skaj te jich ayotike tey ya jtatik kastigo yuꞌun te Diose, jich tutꞌil te yanetike.

Efesios 4:17

Jich yuꞌun ya kalbeyex y ya jpasex ta mantal ta skuenta te Kajwaltike: Te ma me jichukix ya xꞌanex te tutꞌil yanetik genteetike te ma xchꞌuunejikuk te Diose, te jaꞌ nax ya spasik te tut ya snop ta jowil nax spensarike,

Efesios 4:22

Te tutꞌil ay te antibo akuxlejalike, jilesaik ta pasel te kꞌaꞌ kuxlejal yuꞌun atiꞌbalulik te makꞌ xtuune, yuꞌun loꞌlabilex yuꞌun te tut ma tsaꞌamuk ya skꞌan awoꞌtanike.

Efesios 5:6

Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

Efesios 5:8

Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

Efesios 6:12

Porke ma jaꞌuk ya jtsal jbajtik sok te gente te pajal genteotik soke. Yuꞌun jaꞌ ya jtsal jbajtik sok te spuersa pukujetik te ma tsaꞌamuk yaꞌtele. Jaꞌik ya xmantalejik, ay yaꞌtelik, y ya skuentainik te balmilal to te ay ta ijkꞌal kꞌinale.

Colosenses 1:21

Te jaꞌexe jyanlumex ta nail to, sok akontrainejik ta awoꞌtanik te Diose yuꞌun te tutik ma lekuk la apasike.

2 Timoteo 4:10

Yuꞌun te jDemase, jaꞌ bikꞌtajix yoꞌtan yuꞌun te tutik skuenta te balmilal to. La sjilesonix y bajtix ta Tesalónica. Te Crescentee bajtix ta estado yuꞌun Galacia, y te jTitoe bajt ta Dalmacia.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.

Santiago 1:7

Te machꞌa jich aye ma me wakꞌ snaꞌ te ay tut ya xꞌaꞌbot yuꞌun te Kajwaltike.

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.

1 Pedro 1:14

Jachik tutꞌil alnichꞌaniletik te chꞌuunej mantale, ma me jichuk ya xkuxuyinex te tutik ya skꞌan awoꞌtanik te ay la apasik te nail to te ma to xꞌanaꞌbeyik sba a te Diose.

1 Pedro 4:3

Bayal kꞌaal la apasik te jaꞌexe jich mismo te tutik ya spasik te machꞌatik ma snaꞌbeyik sba te Diose. Jich kꞌayex ta spasel te mulile, sok te tut ma tsaꞌamuk te ya skꞌan awoꞌtanike, sok te yakubele, y niketel ta pas-kꞌin, y lom nax la alajinik atakꞌinik, y la akejan abaik ta stojol lotil diosetik te kꞌax ma tsaꞌamuke.

2 Pedro 2:14

Te sitike jaꞌ nax yaꞌtel te ya skꞌeluyik te ants te ya skꞌupine. Ni ma xlubik ta sleulanel smulik. Ya sloꞌlayik bael te machꞌatik maꞌyuk spuersa yoꞌtanike. Kaꞌyem yoꞌtanik a te tutik ya skꞌupin. Jaꞌ uꞌuninbilik yuꞌun te chꞌayele.

1 Juan 3:10

Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.

1 Juan 3:8

Pero te machꞌa ya yaꞌtelin sleel smule, jaꞌ yuꞌun te pukuje. Porke te pukuje la sle smul desde ta slijkibal to tal. Jaꞌ yuꞌun te puersa a tal te Xnichꞌan Diose yuꞌun tal sjimbey te tut ya spas te pukuje.

1 Juan 4:4

Kuntikil, te jaꞌexe jaꞌ yuꞌunex te Diose, y la atsalikix te jloꞌlawanejetik abi. Porke te machꞌa ay ta atojolike, jaꞌ mas bayal spoder ke ta machꞌatik ayik ta skuenta te balmilale.

1 Juan 5:19

Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

1 Juan 5:4

Porke spisil te machꞌa yuntikil te Diose ya me stsalik te balmilale. Te xchꞌuunel koꞌtantike jaꞌ ya yaꞌbotik jtsaltik te tut skuenta balmilale.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 13:14

Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.

Apocalipsis 16:17

Te sjukebal ángele la smal bael te sbasoe ta ikꞌ. Y te ba templo ta chꞌulchane, lokꞌ tal jun tulan kꞌop te teꞌ lijk tal baꞌ ay te mukꞌul naktajibale, y la yal: “Juꞌix ta pasel”, xchi.

Apocalipsis 20:2

Te ángel to la stsak te chanbalam te xiꞌbentik sbae, jaꞌ te antibo chan te pukuj sok Satanas sbiile, y la xchuk ta kadena jmil jaꞌbil.