Efesios 2:16 - Nuevo Testamento Tzeltal de Amatenango

¹⁶ Te tutꞌil a cham ta krus te Cristoe, la slajinbe skꞌoplal te tutꞌil kontra la yil sbaik ta xchebal te jtejklume. Y la yakꞌtalan ta bujtsꞌan kꞌinal yuꞌunik sok Dios, y jich a spasbe te jun nax a yakꞌe.

Bible in Tzeltal Bachajón

¹⁶ soc ta scuenta te laj ta cruz te Cristo la yac' te lecub yo'tanic soc Dios, junax baq'uet c'oht schebalic, hich la slajin te bin scontrahinej sbahique.

Bible in Tzeltal de Oxchuc y Tenejapa

¹⁶ Ta swenta bit'il la yac' sba ta lajel ta cruz te Cristo, jich la slajinbey sc'oplal te bit'il contro yiloj sbaic te cha'chajp lume. Soc tey la yac' junajuc yo'tan sbaic soc a te Diose, te bit'il la yac' ta jun naxe.

Efesios 2:16 ပူးပေါင်းရင်းမြစ်များ

Romanos 5:10

Porke te Diose, te kꞌalal jkontrainejtik to aye, la yaꞌbotik bujtsꞌan kꞌinal ta skuenta te tutꞌil a cham te Xnichꞌane. Mas to xan a kolotik a te la yakꞌ xkuxlejale. Te ora to junix koꞌtantik sok

Romanos 6:6

Jnaꞌojtik te tutꞌil ayotik te nail toe jojkꞌaj ta krus sok Cristo, yuꞌun teꞌ jimix jilel a te spoder te jkꞌaꞌ kuxlejaltik te puru mulil aye, y ma ba ya smosoinotik xan te mulile.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

Romanos 8:7

Te machꞌatik jaꞌ yajtal yoꞌtanik te tut ya skꞌan te stiꞌbalulike, jaꞌ skontrainejik Dios yuꞌun, porke ni ma skꞌanik ni ma xjuꞌ yuꞌunik te ya xchꞌuunbeyik te smantale.

1 Corintios 10:17

Aunke lom bayalotik, jpisiltik jun nax te waj ya jweꞌtike yuꞌun jun nax kꞌoemotik sok a.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Efesios 2:15

Ta stiꞌbalul te Cristoe la slajinbe skꞌoplal te mantaliletik te ya yakꞌ jpastik spisil te tut ya yale. Y jich a spas ta jun nax yachꞌil jtejklum te xchebal jtejklume. Jun nax a kꞌot ta skuenta, sok jich a yakꞌ bujtsꞌan kꞌinal.

Efesios 3:6

Te tut mukul aye, jaꞌ to: Jaꞌ ta skuenta te skꞌoplal kolel, te machꞌatik ma juriyouke mismo ya yichꞌik te majtanil te tutꞌ yuꞌun te juriyoetike. Yuꞌun jun nax mismo stiꞌbalulikix, sok yuꞌunik ekꞌa te tut sjapoj Dios ta skuenta te Cristo Jesuse.

Efesios 4:4

Jun nax atiꞌbalulik y jun nax te Espíritu awikꞌojike, jich tutꞌil te Dios te la yikꞌex te jun nax te tut ya amaliyike.

Colosenses 2:14

Dios la stupꞌbotikix ta jun te jayeb buelta la jkꞌaxintaybetik te smantale te kechel ta jkuentatik stojele. La slajinbe skꞌoplal a te la yichꞌ kꞌojel ta lawux ta kruse.

Colosenses 3:15

Y te bujtsꞌan kꞌinal yuꞌun te Cristoe jaꞌ me ya stojobtesbeyex te awoꞌtanike. Porke la yikꞌex Dios skuenta yuꞌun jun nax ya xkꞌoexe. Y albeyaik kola yal Dios yuꞌun spisil.