Efesios 2:14 - Nuevo Testamento Tzeltal de Amatenango

¹⁴ Te Cristoe stukel ya yaꞌbotik bujtsꞌan kꞌinal, yuꞌun jun nax a yakꞌojtikix ta jun nax jtejklum, me juriyo o ma juriyouk. La sjim te pajkꞌ te xatꞌoj jbajtik yuꞌun te jkontrainej jbajtike.

Bible in Tzeltal Bachajón

¹⁴ Ha lamal q'uinal cu'untic, la yac' te jun ya xc'oht schebal te pueblohetic, la sjin te ts'ahc macal ta ohlil;

Bible in Tzeltal de Oxchuc y Tenejapa

¹⁴ Ja' mero Jlamantesej-q'uinal cu'untic te Cristoe. La yac'otiquix ta jun nax lum te cha'chajp ayotique. Melel la sjinix te ts'ajc' xatojotic te bit'il jcontroinej jbatique. Ta swenta sbaq'uetal,

Efesios 2:14 ပူးပေါင်းရင်းမြစ်များ

San Lucas 1:79

Ya me yakꞌ sakubuk kꞌinal ta stojol te machꞌatik ayik ta ijkꞌal kꞌinal sok ayik ta yaxinal lajele. Sok ya me stojutesotik bael ta sbelel te sbujtsꞌan kꞌinale —xchi te Zacariase.

San Lucas 2:14

“¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

San Juan 10:16

Ay xan yan karneraetik kuꞌun te ma to jaꞌuk skoral to, y puersa me ya kikꞌ tal euk. Jich me ya yaꞌibikon te jkꞌope, y jun nax me ya xlaj kꞌot, y jtul nax me jkanan ya xkꞌot yuꞌunik.

San Juan 11:52

Y ma jaꞌuk nax yuꞌun te juriyoetike, jaꞌ yuꞌun euk spisil te alnichꞌanetik yuꞌun Dios te chꞌayemik ta ya stsob ta jun naxe.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Hechos 10:28

Te jPedroe la yaltalanbe: —Te jaꞌexe anaꞌojik sluwar te juriyoeitk te ma xjuꞌ ya sta sba sok te jyanlumetike, ni ma xjuꞌ ya xꞌochik ta sna. Pero te Diose la yaꞌbonix kil te ma xjuꞌ ya kal te ma lekuk skꞌoplal jtuluk gentee, sok ma xjuꞌ ya jpꞌaj.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

Romanos 5:1

Jich yuꞌun, libreix ayotik yuꞌun te jmultike ta skuenta nax te xchꞌuunel koꞌtantike. Jich bujtsꞌan kꞌinal ya kaꞌitik ta stojol Dios ta skuenta te Kajwaltik Jesucristoe.

Gálatas 3:28

Ma kocheluk me juriyo o griego, me mosoil o libre ay, me winik o ants. Porke jun xanix ayex ta skuenta Cristo Jesus ta apisilik te jaꞌexe.

Efesios 2:15

Ta stiꞌbalul te Cristoe la slajinbe skꞌoplal te mantaliletik te ya yakꞌ jpastik spisil te tut ya yale. Y jich a spas ta jun nax yachꞌil jtejklum te xchebal jtejklume. Jun nax a kꞌot ta skuenta, sok jich a yakꞌ bujtsꞌan kꞌinal.

Efesios 2:17

Te Cristoe yichꞌoj tal lekil achꞌ kꞌop yuꞌun bujtsꞌan kꞌinal ta spisil, jaꞌ te jaꞌexe te jakal ayex ta stojol Dios sok te machꞌatik tijajtik aye.

Efesios 3:15

Spisil yichꞌoj sbiil yuꞌun te jayeb ta jkaj te tutik ay ta chꞌulchan sok ta balmilale.

Efesios 4:16

Ta skuenta Cristo spisil te jchꞌuunjeletik ya yichꞌik chapel te jun nax ya xkꞌotik yuꞌun, ta skaj te jun ayik soke. Y kꞌalal lek ya spasik te aꞌtel te ay ta skuenta juju-tul spasele, spisilik ya me xchꞌiik bael sok ya me xmukꞌubik bael ta skuenta te skꞌuxul yoꞌtanike.

Colosenses 1:20

Y ta skuenta Cristo jich la skꞌan ya yakꞌ bujtsꞌan kꞌinal ta spisil te tutik aye, spisil te tutik ay ta balmilal sok te tutik ay ta chꞌulchane. La yakꞌ bujtsꞌan kꞌinal ta skuenta te xchꞌichꞌel Cristo te la smal ta kruse.

Colosenses 2:20

Te jaꞌexe chamenex sok te Cristoe, y ma jaꞌukix ya achꞌuunik te jowil pꞌijutesel yuꞌun te balmilale. ¿Tut yuꞌun te jich to ya xꞌanex tutꞌil te machꞌatik ayik to ta skuenta te balmilale? ¿Tut yuꞌun te ya to achꞌuunik te mantalil yuꞌunike,

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.

Colosenses 3:15

Y te bujtsꞌan kꞌinal yuꞌun te Cristoe jaꞌ me ya stojobtesbeyex te awoꞌtanike. Porke la yikꞌex Dios skuenta yuꞌun jun nax ya xkꞌoexe. Y albeyaik kola yal Dios yuꞌun spisil.

Hebreos 13:20

Te Dios yuꞌun butsꞌan kꞌinal la chaꞌkuxes tal te ba animaetik te Kajwaltik Jesuse, te stukel mukꞌul jkanan yuꞌun te karneraetike, ta skuenta xchꞌichꞌel te la xchap a te trate sbajtel kꞌinal aye.

Hebreos 7:2

Jich te jꞌAbrahame la yaꞌbe te jun ta slajunebal ta spisil te tuti staoj tal te xkꞌotuk ta guerrae. Te jMelquisedec sbiile jaꞌ xyal: “rey te toj ya xchapawane”, te xchie. Y te tutꞌil jaꞌ rey yuꞌun te jtejklum Saleme, te jaꞌ xyal “te bujtsꞌan kꞌinale”, te sbiile jaꞌ xyal xan: “te rey yuꞌun te bujtsꞌan kꞌinale”, te xchie.