Efesios 2:12 - Nuevo Testamento Tzeltal de Amatenango

¹² Naꞌaik me te ay kꞌaal maꞌyukex ta skuenta te Cristoe. Parte ayex sok te nasion yuꞌun Israele, y maꞌyuk awochelik a te trateetik sjapꞌoj te Diose. Jich nax kuxulex ta balmilal. Maꞌyuk Dios awuꞌunik y ni maꞌyuk tut ya amaliyik.

Bible in Tzeltal Bachajón

¹² Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

Bible in Tzeltal de Oxchuc y Tenejapa

¹² Ta neelal to, ma'yuquex ta swenta te Cristoe. Ma junuc ayex soc te lum Israele, soc ma'yuc ta awentaic te bila yaloj ta tratoetic te Diose. Jich nax cuxulex ta q'uinal. Ma'yuc smuc'ul awo'tanic soc ma'yuc Dios ta awo'tanic ta balumilal.

Efesios 2:12 ပူးပေါင်းရင်းမြစ်များ

San Lucas 1:72

Yaloj te ya xkꞌuxutay te antibo jmeꞌjtatike, sok te ma xchꞌay ta yoꞌtan te chꞌul trate yaloje.

San Juan 10:16

Ay xan yan karneraetik kuꞌun te ma to jaꞌuk skoral to, y puersa me ya kikꞌ tal euk. Jich me ya yaꞌibikon te jkꞌope, y jun nax me ya xlaj kꞌot, y jtul nax me jkanan ya xkꞌot yuꞌunik.

San Juan 15:5

“Te joꞌone jaꞌ smukꞌul yakꞌilon; yan te jaꞌexe jaꞌ jkꞌab-kꞌabex. Te machꞌa jmel nax ya yakꞌ sba ta jtojole y te joꞌone jun nax ayon sok, jich me ya sitin ta lek. Ni maꞌyuk tut xjuꞌ awuꞌunik teme parte ya awakꞌ abaike.

San Juan 4:22

Te jaꞌexe ma xꞌanaꞌik te machꞌa ya akejan abaik ta stojole. Yan te joꞌotike ya jnaꞌtik te machꞌa ya jkejan jbajtik ta stojole, yuꞌun te kolele talemix te ba ay te juriyoetike.

Hechos 2:39

Porke yalojix te Diose te ya yaꞌbeyex te Chꞌul Espiritue, sok euk te awuntikilike, y jich euk spisil te machꞌatik jakal ayike, chikan te jayeb machꞌa ya xꞌikꞌot yuꞌun te Kajwaltik Diose —xchi.

Hechos 28:20

Jaꞌ yuꞌun te la kakꞌex tal ta ikꞌele, yuꞌun ya awilik sok ya awaꞌiyik. Porke te tutꞌil chukulon ta kadena ya awilike, jaꞌ nax ta skaj te tut yipalotik ta smaliyel joꞌotik te israelotike —xchi te jPabloe.

Hechos 3:25

Joꞌotik kuꞌuntik te tut yaloj Dios ta skuenta te jꞌalwanejetike, y jaꞌ kuꞌuntik euk te tut yaloj Dios te trate sok te antibo jmeꞌ-jtatike. Yuꞌun te Diose la yalbey te jꞌAbrahame: “Spisil te nasionetik yuꞌun te balmilale ya me yichꞌ bendision ta skaj te atsꞌumbale”, xchi me.

Romanos 9:8

Jaꞌ ya yaꞌbotik jnaꞌtik te maꞌyuk machꞌa xnichꞌan Dios ya xkꞌot ta skaj nax te stsꞌumbale. Jaꞌ nax batsꞌi xnichꞌan Dios te machꞌatik ayinik ta skuenta te tut sjapoj te Diose.

Gálatas 4:8

Te nail toe, kꞌalal ma to xꞌanaꞌbeyik sba Dios te jaꞌexe, ayex to ta mosoinel yuꞌun te lotil diosetike.

Efesios 2:19

Jaꞌ yuꞌun te jaꞌexe ma jyanlumukexix sok ma jakaluk ay te alumalike. Pajal alumal abaikix sok te jtejklum yuꞌun Dios sok pajal xnichꞌanexix te Diose.

Efesios 4:18

sok te ijkꞌuben ay te yoꞌtanike. Te stukelike makꞌ skꞌupinik te xkuxlejalik te ya xtal ta stojol te Diose. Porke yuꞌun ma snaꞌik kꞌinal ta skaj te stulanil yoꞌtanike.

Colosenses 1:21

Te jaꞌexe jyanlumex ta nail to, sok akontrainejik ta awoꞌtanik te Diose yuꞌun te tutik ma lekuk la apasike.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 1:5

Yuꞌun jich ay ta awoꞌtanik te tut yipalex ta smaliyel te tut kꞌejbilex ta chꞌulchan te ya awichꞌike. Jaꞌ te la awaꞌiyikix te kꞌop te batsꞌi jiche, jaꞌ te lek yachꞌil kꞌop yuꞌun te kolele.

1 Tesalonicenses 4:13

Kermanotak, ya jkꞌantik te ya anaꞌik te tut ya xkꞌot ta pasel yuꞌun te machꞌatik chamenike, skuenta yuꞌun ma me lom tristeukex te jaꞌexe, jich tutꞌil te yanetik te maꞌyuk tut smukꞌulinej yoꞌtanike.

1 Tesalonicenses 4:5

Ma me jaꞌuk nax ta skuenta skꞌanojel atiꞌbalul te ya awikꞌ awinamin te antse, jich tutꞌil te genteetik te ma snaꞌbeyik sba te Diose.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

1 Timoteo 1:1

Joꞌon jPabloon, apostolon yuꞌun te Jesucristoe. Tikonbilon ta smantal Dios te Koltawanej kuꞌuntike y te Kajwaltik Jesucristoe te jaꞌ yip koꞌtantike.

Hebreos 11:34

la stupꞌik te tulan kꞌajkꞌetik, sok juꞌ yuꞌunik te maꞌyuk a lajik ta puñale. Aꞌbot spuersaik te machꞌatik maꞌyuk spuersaike, ay tulan a laj kꞌot yuꞌun te guerrae, la stsalik te soltaroetik yuꞌun te skontraike.

Hebreos 6:18

Jich ay xchaꞌkajal te tutik te ma xjuꞌ xyaneje, yuꞌun maꞌ xjuꞌ ya sle lot te Diose. Jich la kichꞌtikix yip koꞌtantik te joꞌotik te la jlejtik koltayel yuꞌun Diose, y smukꞌulinej koꞌtantik te ya jmalitik te tut ya yakꞌbotike.

Hebreos 8:6

Pero te statal saserdote kuꞌuntike, mas ben tsaꞌam te yaꞌtel te yipal ta spasele. Jich te achꞌ trate te tejkꞌanbil ta kꞌop ta xchapele, mas ben tsaꞌam, yuꞌun ben tsaꞌam te tut yalojix te Diose.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

1 Pedro 1:3

Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

1 Pedro 3:15

Sino ke jaꞌ xꞌawakꞌik ta jkuenta te Cristoe, sok jaꞌ me xꞌawajwalinik ta awoꞌtanik. Siluk me tiempo chapalex ta sjakꞌbeyel skꞌopik spisil te machꞌatik ya xchꞌamik razon te ay smukꞌul awoꞌtanik te jaꞌexe.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.