Efesios 2:11 - Nuevo Testamento Tzeltal de Amatenango

¹¹ Jich yuꞌun te jaꞌexe te ma juriyoukexe, ay machꞌatik ya yalbeyex te ma awichꞌojikuk te sirkunsisione. Te juriyoetik te ya yaꞌbeyik sirkunsision ta stiꞌbalul te winike, jich mismo sbiilinejik te yichꞌojik sirkunsisione.

Bible in Tzeltal Bachajón

¹¹ Ha yu'un na'ahic me bin ut'il ayex ta nahil to, ha'ex jyanlumex ta scuenta ch'ich'-baq'uet, te halbil te ma ba awich'ojic circuncisión, xchi ac'oblalic yu'un te mach'atic yich'ojic circuncisión, ha te bin pasbil ta c'abal ta sbaq'uetalic.

Bible in Tzeltal de Oxchuc y Tenejapa

¹¹ Jich yu'un juluc me ta awo'tanic te bit'il ayex ta neelal toe. Melel jyanlumex ta swenta nax te abaq'uetalique, ja' abiilinejic te ma ba awich'oj circuncisión yu'un te mach'atic yich'ojic circuncisión ta sbaq'uetalic te pasbil ta c'abale.

Efesios 2:11 ပူးပေါင်းရင်းမြစ်များ

San Mateo 20:7

La yalik: “Yuꞌun maꞌyuk machꞌa yikꞌotik ta aꞌtel”, xchiik. Jicha altalanbot yuꞌun: “Baanik ta aꞌtel te ba kaꞌtele”, xyut.

Romanos 11:17

Ay jich tutꞌil batsꞌi skꞌab-kꞌab olivo teꞌ chaꞌoxtul te juriyoetik, te bojtalanot lokꞌele. Te jachikat tutꞌil jun skꞌab olivo teꞌ te ma tsꞌunbiluke, teꞌ ba sluwar ta tsꞌumbal olivo teꞌ la awich tsꞌakel te jaꞌate. Jich jun xanix a kꞌoat sok te yisime y mismo yutsilal a kꞌoat sok te tsꞌunbil olivo teꞌe.

Romanos 2:26

Sok te machꞌa ma yichꞌojuk sirkunsision, teme lek xchꞌuunej te tut ya yal te mantaliletike, jich kꞌoem te yichꞌoj sirkunsision keseme ma yichꞌojuk.

Romanos 2:27

Te machꞌa ya xchꞌuun te mantaliletike, keseme ma yichꞌojuk sirkunsision ta stiꞌbalul, ya yakꞌ ta kꞌexlal te machꞌatik yichꞌojik te mantaliletike sok te yichꞌojik sirkunsisione, pero ma xchꞌuunejuk.

1 Corintios 12:2

Te jaꞌexe anaꞌojik te kꞌalal ma to achꞌuunejikuk a te Diose, jun awoꞌtanik likbilex te chꞌayemex bael te ba ay te lotil diosetik te makꞌ xlaj kꞌopoje.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

Gálatas 2:15

Joꞌotik juriyootik ta kayinabtike, y ma jmulawilukotik, jich tutꞌil te yanetike.

Gálatas 6:12

Te machꞌatik ya skꞌan ya sujex ta yichꞌel te sirkunsisione, jaꞌ nax ya spasik yuꞌun te lek ya xꞌilot yuꞌun a te gentee, skuenta yuꞌun maꞌyukik ta ilbajinej yuꞌun te xchꞌuunejik te laj ta krus kuꞌuntik te Cristoe.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Efesios 5:8

Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

Filipenses 3:3

Porke te machꞌatik batsꞌi yichꞌojik sirkunsisione joꞌotik abi, yuꞌun jchꞌuunejtik te Diose ta skuenta te Espíritu, y ben jun koꞌtantik te ayotikix ta skuenta te Cristo Jesuse. Ma jaꞌuk ya kichꞌtik ta jkuenta te tutik ya spasbot te jtiꞌbalultike.

Colosenses 1:21

Te jaꞌexe jyanlumex ta nail to, sok akontrainejik ta awoꞌtanik te Diose yuꞌun te tutik ma lekuk la apasike.

Colosenses 2:11

Sok xan, te jaꞌex te jun nax ayex sok te Cristoe, awichꞌojikix sirkunsision. Ma jaꞌuk te sirkunsision te ya xꞌakꞌot ta tiꞌbalulile, sino ke jaꞌ te libre ayexix yuꞌun te amulawil tiꞌbalulike. Jaꞌ te sirkunsision te talem ta skuenta te Cristoe.

Colosenses 2:13

Te jaꞌex te namey tale, chamenex kꞌoem ta skaj te amulike sok ta skaj te ma ba ochemex ta jtejklum yuꞌun Diose. Pero te ora to, Dios a yaꞌbeyexix akuxlejalik jun nax sok te Cristoe, yuꞌun la spasbeyex perdon yuꞌun spisil te amulike.

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.