Efesios 2:10 - Nuevo Testamento Tzeltal de Amatenango

¹⁰ Yuꞌun jaꞌ te Dios te machꞌa la spasotike. Stukel a xchiknatesotik ta skuenta te Cristo Jesuse, yuꞌun ya jpastik te lekil aꞌtele, jich tutꞌil xchapoj te nail toe yuꞌun jich me ya kaꞌtelintik spasel.

Bible in Tzeltal Bachajón

¹⁰ Ha ya'telotic te Diose, pasbilotic ta scuenta Cristo Jesús yu'un ya jpastic te lequil a'teliletic te schahpanej ta nahil to te Dios te ya jpastique.

Bible in Tzeltal de Oxchuc y Tenejapa

¹⁰ Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Efesios 2:10 ပူးပေါင်းရင်းမြစ်များ

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

San Juan 3:21

Pero te machꞌa ya skꞌayes sba ta spasel te tut batsꞌi jiche, ya xtijilajik ta sakil kꞌinal stukel, para ke jich ya xchiknaj ta ilel spisil te yaꞌtelike te jich ya skꞌan te Diose.

Hechos 9:31

Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.

Hechos 9:36

Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike.

Romanos 8:1

Jaꞌ yuꞌun, ni maꞌyuk tut kastigoil ay ta skuenta te machꞌatik jun nax ay sok te Cristo Jesuse. Jaꞌ bi, jaꞌ te machꞌatik ma ta skuentaukix stiꞌbalul kuxulike; jaꞌikix te kuxulik ta skuenta te Espiritue.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

1 Corintios 3:9

Te joꞌotike, joy jbajtik ta aꞌtel ta abatinel yuꞌun te Diose, y te jaꞌexe jaꞌex kꞌaltikex kꞌoem yuꞌun Dios. Y jichex euk tutꞌil na te yipal ta stejkꞌanel te Diose.

2 Corintios 5:17

Jich yuꞌun te machꞌa jun nax ay sok te Cristoe achꞌ genteix. Te tutꞌil ay te nail toe, kꞌaxix bael; te tutꞌ ayix te ora to, achꞌubenix.

2 Corintios 5:5

Jaꞌ stukel te Diose jicha xchapbotikix te jich ya xkꞌootike, sok jaꞌ nax yakꞌojbotikix te Chꞌul Espíritu te jaꞌ seña te tut kechel ya to kichꞌtike.

2 Corintios 9:8

Te Diose ya xjuꞌ yuꞌun ya yaꞌbeyex bayal ta jkaj te bendisionetike, yuꞌun jich me ay awuꞌunik sil tiempo spisil te tut ya akꞌanike. Jich me ay sobra awuꞌunik a te ya xtuun awuꞌunik ta spasel bayal ta jkaj te lekil aꞌtele.

Gálatas 6:15

Porke ta skuenta te Cristo Jesuse ma baleukix a kꞌot teme kichꞌojtik o ma kichꞌojtikuk te sirkunsisione. Te tut balee, jaꞌ te achꞌubenotiquixe.

Efesios 1:1

Joꞌon jPabloon, apostolon yuꞌun te Jesucristoe te jich a skꞌan yoꞌtan te Diose. La jtsꞌibay te karta to yuꞌun te jayebex ayex ta skuenta Dios sok te achꞌuunejik te Cristo Jesuse te ayex ta mukꞌul jtejklum Efeso.

Efesios 1:4

Dios la stꞌujotik ta skuenta Cristo antes te ma to spas a te balmilale, yuꞌun jich me tojutesbilotikix ta skuenta y maꞌyukix jmultik ya xkꞌootik ta sit.

Efesios 2:13

Pero te ora to, jun nax ayexix sok te Cristo Jesuse ta skuenta xchꞌichꞌel te stukel a smale. Te jaꞌex te nail toe ben jakal ayex, pero la stijilteselexix.

Efesios 2:15

Ta stiꞌbalul te Cristoe la slajinbe skꞌoplal te mantaliletik te ya yakꞌ jpastik spisil te tut ya yale. Y jich a spas ta jun nax yachꞌil jtejklum te xchebal jtejklume. Jun nax a kꞌot ta skuenta, sok jich a yakꞌ bujtsꞌan kꞌinal.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Efesios 2:6

Dios a xchaꞌkusesotik jun nax sok te Cristo Jesuse, y jun nax la snajkanotik sok ta chꞌulchan.

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Efesios 4:24

Ichꞌaik te yachꞌil akuxlejalik te la xchiknates te Diose sok te pajal yilel soke. Y jich me ya xchiknaj te toj te akuxlejalik sok te ma tut kapal ae, te ipꞌajem yuꞌun te tut batsꞌi jiche.

Filipenses 1:6

Seguro ayon yuꞌun Dios, te la slijkes ta pasel lekil aꞌtel ta atojolik, ya me sjuꞌutes slekil yaꞌtel jaꞌ to te tut kꞌaalil ya sujt tal te Jesucristoe.

Filipenses 2:13

Yuꞌun te Diose stukel me ya yaꞌbeyex te tutik lek ya anopike, y stukel ya skoltayex bael ta spasel te tut ya skꞌan yoꞌtane.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

Colosenses 3:10

Y awichꞌojikix te achꞌ kuxlejal, te yanyan ta achꞌubel jaꞌ to teme pajal a kꞌoex sok te Diose te la spasex, yuꞌun jich ya xkꞌo anaꞌbeyik sba ta lek.

2 Tesalonicenses 2:17

ya me yaꞌbeyex sbujts awoꞌtanik sok spuersa awoꞌtanik. Jich me lek ya xkꞌot spisil te tut ya awalike sok te ya apasike.

1 Timoteo 2:10

Jaꞌ me a xchap sbaik yuꞌun te lekil aꞌtele jich tutꞌil te ya skꞌan spas te antstik te jun yoꞌtanik xchꞌuunejik te Diose.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

1 Timoteo 5:25

Jaꞌ nax jich euk, te lekil aꞌteliletike ya xchiknaj ta jamal. Sok te tutik ma chikanuke, ma spas te sil tiempo nakꞌal ya xjile.

1 Timoteo 6:18

Altalanbeya te lekuk me te tut ya spasike. Jaꞌuk me ya xkꞌulejibik yuꞌun te lekil aꞌtele. Y junuk me yoꞌtan ya me spuk te tut ay yuꞌunike.

2 Timoteo 2:21

Jich yuꞌun teme ay machꞌa ya sakutes sba skuenta yuꞌun ya xtuun yuꞌun te Kajwaltike, ya skꞌan te ya sakutes sba yuꞌun spisil te tut ma tsaꞌamuke. Jich me chapal ya xkꞌot yuꞌun spasel te lekil aꞌtelile.

2 Timoteo 3:17

Yuꞌun jich te swinik Diose lek pꞌijuben y tsꞌakal chapal yuꞌun ta spasel spisil ta jkaj te tut leke.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Tito 2:7

Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

Tito 3:1

Akꞌtalanbeya snaꞌik te ya yakꞌik ta jkuenta te gobiernoe y sok te juꞌeletike. Yauk me xchꞌuunik mantal, y siluk me tiempo chapal ta spasel te tut leke.

Tito 3:14

Te machꞌatik joy jbajtik soke ya skꞌan ya snopik euk ta spasel te tut leke, sok ya me skoltay te machꞌa maꞌyuk tut ay yuꞌune, yuꞌun lek me ya xtuun te xkuxlejalike.

Tito 3:8

Jaꞌ to batsꞌi lom jich. Sok ya jkꞌan te jaꞌ ya awaꞌtelin yalel sil tiempo, skuenta yuꞌun jich ya me yoꞌtanin spasel te tut lek te machꞌatik ya xchꞌuunik te Diose. Lek ta spasel spisil to, sok jaꞌ ya xlekub yuꞌun ta spisilik.

Hebreos 10:24

Ya me jletik tutꞌil ya jkoltay jbajtik ta juju-tul skuenta yuꞌun ay xan mas xkꞌuxul koꞌtantik a, sok skuenta yuꞌun ya jpastik te tut leke.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 2:6

Te machꞌa ya yal te jun nax ayix sok te Diose, jich ya skꞌan xkuxuyin jachik tutꞌil kuxuyin te Jesucristoe.