Efesios 1:18 - Nuevo Testamento Tzeltal de Amatenango

¹⁸ Ya jkꞌanbe Dios te yauk sjambeyex apensarike yuꞌun ya me anaꞌik a te tut yipalex ta smaliyel te jaꞌ ikꞌbilexix yuꞌune. Ben tsaꞌam y ben chapal te majtanil te Dios ya yaꞌbe te machꞌatik yuꞌune.

Bible in Tzeltal Bachajón

¹⁸ Ya jc'ambe Dios te yacuc sjambeyex awo'tanic scuenta yu'un yac ana'ic bin a te yac amahlibelic te ha ic'bilex yu'une, soc yu'un yac ana'ic bin ut'il ay te yutsil sc'uhlejal te bin ya yich' hilel te Dios, ha te mach'atic ch'uhltesbilic,

Bible in Tzeltal de Oxchuc y Tenejapa

¹⁸ Soc ya jc'anbey Dios te yacuc sjambeyex asitic soc te ya yac'beyex sp'ijil awo'tanic, swenta yu'un jich me ya ana'ic stojol te bit'il ya xc'ootic yu'un ta jpisiltic te ic'bilotic yu'une, soc jich me ya xc'ot ta awo'tanic te bit'il jelawen yutsilal te sc'ulejal te ya yac'botic ta patil jo'otic te ch'ul lumotic yu'un te Diose,

Efesios 1:18 ပူးပေါင်းရင်းမြစ်များ

San Mateo 13:15

Yuꞌun kꞌax tulanix yoꞌtanik te gente to. Wokol ya xkꞌot ta xchikinik te kꞌope. Smutsꞌoj sitik yuꞌun ma skꞌan yilik ta sitik, sok ma skꞌan yaꞌibeyik sluwar kꞌop ta xchikinik, sok ma xkꞌot ta yoꞌtanik. Sok ma skꞌan sujtes yoꞌtanik ta jtojol, yuꞌun ma skꞌanik koltayel kuꞌun”, xchi te Diose.

San Marcos 10:17

Te kꞌalal xlijkꞌ xan ta beel te Jesuse, tsꞌin xyaletal jtul winik. Jul skejan sba ta yok te Jesuse y la sjokꞌobe: —Maestro te ben lekate, ¿tut lek ya jpas yuꞌun ya xkuxiyinon sbajtel kꞌinale? —xchi julel.

San Lucas 24:45

Jich la yaꞌbey snaꞌ sluwar te tut tsꞌibabil jilel ta Sjun te Diose.

Hechos 16:14

Ay jtul ants te teꞌey ae, xLidia sbiil, te lijkem tal ta jtejklum Tiatirae. Jaꞌ yaꞌtelinej xchonel te ben tsaꞌam tsajal ijkꞌsukantik pakꞌ te ben toyol stojole. Te ants to ben lek xchꞌuunej te Diose, yipal ta yaꞌiyel te tut ya yal te jPabloe te nikbot yoꞌtan yuꞌun te Kajwaltike.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Romanos 11:29

Batsꞌi jich teme Dios la yal te ya xkuxutaylan, ma ba ya xchꞌaybey skꞌop. Ni makꞌ ya stikon sujtel te machꞌatik ikꞌbilix yuꞌun te Diose.

Romanos 2:4

¿Me ya apꞌaj te lom bayal slekil te xkꞌuxutayejat te Diose sok te ya to smaliyate? ¿Meꞌn ma xꞌanaꞌ te puersa ya kichꞌbetik slekil yoꞌtan te ya sujtes koꞌtantik ta skuentae?

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Gálatas 5:5

Pero te joꞌotike, ta skuenta te Espiritue y sok te xchꞌuunel-oꞌtanile, jich ayotik ta smaliyel te libre ya xkꞌootik yuꞌun te jmultike.

Efesios 1:11

Dios a stꞌujotik ta slijkibal to tal, yuꞌun te jun nax ya xkꞌootik sok te Cristo sok ya me xba kichꞌtik te jmajtantik te xatꞌbilotike. Jich tutꞌil snopoj stukel mismo te Diose, sok ya xkꞌot ta pasel yuꞌun spisil te tut lek ya yile.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 2:12

Naꞌaik me te ay kꞌaal maꞌyukex ta skuenta te Cristoe. Parte ayex sok te nasion yuꞌun Israele, y maꞌyuk awochelik a te trateetik sjapꞌoj te Diose. Jich nax kuxulex ta balmilal. Maꞌyuk Dios awuꞌunik y ni maꞌyuk tut ya amaliyik.

Efesios 3:16

Ya jkꞌanbe te ya yaꞌbeyex ta awoꞌtanik te slekilal stsaꞌamule sok apuersaik sok apoderik ta skuenta te Espíritu yuꞌune.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Efesios 4:4

Jun nax atiꞌbalulik y jun nax te Espíritu awikꞌojike, jich tutꞌil te Dios te la yikꞌex te jun nax te tut ya amaliyike.

Efesios 5:8

Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

Filipenses 3:14

Yuꞌun jich me ya xkꞌoon te ba ya xkꞌoone, y ya me xkꞌo kichꞌ te jmajtan te ya yaꞌbotik te Diose ta skuenta te Cristo Jesuse.

Colosenses 1:12

Sok jich me xꞌawalbeyik kola yal sok sbujts awoꞌtanik te Jtatik Diose, te jaꞌ xchapojex yuꞌun ya awichꞌik te ba sakil kꞌinal te majtanil te stukel ya yaꞌbe te machꞌatik jtejklumix yuꞌune.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 1:5

Yuꞌun jich ay ta awoꞌtanik te tut yipalex ta smaliyel te tut kꞌejbilex ta chꞌulchan te ya awichꞌike. Jaꞌ te la awaꞌiyikix te kꞌop te batsꞌi jiche, jaꞌ te lek yachꞌil kꞌop yuꞌun te kolele.

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

Colosenses 3:15

Y te bujtsꞌan kꞌinal yuꞌun te Cristoe jaꞌ me ya stojobtesbeyex te awoꞌtanike. Porke la yikꞌex Dios skuenta yuꞌun jun nax ya xkꞌoexe. Y albeyaik kola yal Dios yuꞌun spisil.

1 Tesalonicenses 2:12

La kalbetikex te jich me xꞌapasik te tutꞌil ya skꞌan ya spas te machꞌatik yuꞌun te Diose, te la yikꞌex skuenta yuꞌun ya xkꞌoex ta ba ay ta ajwalinel y sok te ba ay te slekilale.

1 Tesalonicenses 5:8

Pero te joꞌotik te ayotik ta kꞌajkꞌaltike, ya skꞌan te siluk tiempo pꞌij ayotike. Ya skꞌan te jaꞌ ya jkoltay jbatik a ta skuenta te xchꞌuunel koꞌtantik y sok te skꞌuxul koꞌtantike. Y ya skꞌan ya jmak jbajtik jich tutꞌil jun kasko, jaꞌ te ay smukꞌul koꞌtanik yuꞌun te kolele.

2 Tesalonicenses 1:11

Jich yuꞌun te sil tiempo ya jkꞌoponbetikex te Diose. Jaꞌ ya jkꞌanbetik te Dios kuꞌuntike te lekuk ya yilex yuꞌun te la yikꞌex stukele. Y stukel ya yakꞌ kꞌotuk ta pasel sok spoder ta spisil te tut lek ya anopik te jaꞌexe, y sok te aꞌtel ya apasik yuꞌun te xchꞌuunel awoꞌtanike.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

1 Timoteo 6:12

Ma me akoles ta akꞌab te kuxlejal sbajtel kꞌinale. Yuꞌun jaꞌ a yikꞌat Dios yuꞌun, te kꞌalal la awalix ta jamal ta sit te bayal testigoetike te tutꞌil achꞌuunej te Diose.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

Tito 3:7

yuꞌun la me skoltayotik yuꞌun jmultik ta skuenta te slekil yoꞌtane. Jich ya me kichꞌtik te kuxlejal sbajtel kꞌinal te ya jmalitike.

Hebreos 10:32

Pero naꞌaik me te jaꞌexe te tiempo a kꞌaxixe, te kꞌalal la awichꞌik te sakil kꞌinale. Naꞌaik me tutꞌil kujch awuꞌunik te tulan wokoletik te tulan la awichꞌik kontrainele.

Hebreos 6:4

Porke te machꞌatik jmel nax a yichꞌik te sakil kꞌinale, y tsaꞌam a yaꞌiyik te majtanil yuꞌun te Diose, y la yichꞌikix te Chꞌul Espiritue,

1 Pedro 1:3

Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

1 Pedro 3:9

Ma me apakbeyik te tut ma lekuk ya spasbeyexe, sok ma me xꞌawutik te machꞌa ya yutexe. Jaꞌ lek kꞌanbeyaik bendision. Yuꞌun anaꞌojik te la yikꞌex Dios yuꞌun ya awichꞌik bendision euk te jaꞌexe.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.