Efesios 1:15 - Nuevo Testamento Tzeltal de Amatenango

¹⁵ Yuꞌun la jnaꞌix te jaꞌex te ay xchꞌuunel awoꞌtanik ta skuenta te Kajwaltik Jesuse y sok ay xkꞌuxul awoꞌtanik ta stojol spisil te machꞌatik yuꞌun te Diose.

Bible in Tzeltal Bachajón

¹⁵ Ha scuentahil ini, te c'alal la jca'iy te ay sch'uhunel awo'tanic ta stojol te Cajwaltic Jesús soc te c'ux ta awo'tanic spisil te mach'atic ch'uhltesbilic,

Bible in Tzeltal de Oxchuc y Tenejapa

¹⁵ La caiyix stojol te bit'il ay xch'uunjel awo'tanic ta swenta te Cajwaltic Jesuse soc te bit'il c'ux ya awaiy ta awo'tanic spisil te mach'atic ch'ul lum yu'un te Diose.

Efesios 1:15 ပူးပေါင်းရင်းမြစ်များ

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Romanos 1:8

Te primeroe, ta skuenta te Jesucristoe, ya kalbe kolayal te Dios kuꞌune ta juju-tul te jaꞌexe, porke ta bayuk ya xꞌalot te achꞌuunejikixe.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Efesios 1:1

Joꞌon jPabloon, apostolon yuꞌun te Jesucristoe te jich a skꞌan yoꞌtan te Diose. La jtsꞌibay te karta to yuꞌun te jayebex ayex ta skuenta Dios sok te achꞌuunejik te Cristo Jesuse te ayex ta mukꞌul jtejklum Efeso.

Efesios 3:18

Jich ya xjuꞌ awuꞌunik ta snaꞌel sok spisil te hermanoetike te lom jamal, lom najtꞌ, y lom toyol kꞌoel, y lom toyol moem te skꞌuxul yoꞌtan te Cristoe.

1 Tesalonicenses 1:3

Maꞌyuk ya jkom jbajtik ta snaꞌulanelex ta stojol te Jtatik Diose te tutꞌil bayal xchꞌuunel awoꞌtanik aꞌtejemexix te jaꞌexe, sok te tutꞌil bayal slekil awoꞌtanik la awakꞌ abaik ta abatinele, y sok te tutꞌil yipalex ta smaliyel te Kajwaltik Jesucristoe te la skoltayex te juꞌ awuꞌunik te kujch awuꞌunik te wokoletike.

1 Tesalonicenses 4:9

Ma puersaukix te ya jtsꞌibabeyex te ayuk xkꞌuxul awoꞌtanik sok te awermano abaike, porke te Diose la yaꞌbeyex anopikix te kꞌux ya awaꞌiy abaik ta juju-tule.

2 Tesalonicenses 1:3

Kermanotak, sil tiempo ya skꞌan kalbetik kola yal Dios yuꞌun te jaꞌexe. Jaꞌ lek te jich ya jpastike porke te xchꞌuunel awoꞌtanike yipal ta mukꞌubel, y te xkꞌuxul awoꞌtanik te ay awuꞌunik ta juju-tule yipal ta mukꞌubel ta stojol te yanetike.

1 Timoteo 1:14

Jich te Kajwaltike la yaꞌbon bayal te slekil yoꞌtan ta jtojol, y la yaꞌbon xchꞌuunel-oꞌtanil y sok te skꞌuxul-oꞌtanil te kichꞌojtik ta skuenta te jun nax ayotik sok te Cristo Jesuse.

1 Timoteo 1:5

Te tut sluwar te jich la jpasat ta mantale, yuꞌun jaꞌ skꞌan te kꞌux ya kaꞌi jbajtik ta juju-tule. Jaꞌ te skꞌuxul-oꞌtanil te ya xchiknaj teme sakubenix te koꞌtantike, sok teme tojobenotike, y sok teme lek jchꞌuunejtik te Diose.

Filemón 1:5

Porke la kaꞌiy akꞌoplal, jaꞌ te skꞌuxul awoꞌtan y sok te xchꞌuunel awoꞌtan ta skuenta te Kajwaltik Jesuse, sok kaꞌiyoj skꞌoplal te xkꞌuxul awoꞌtan ta stojol spisil te machꞌatik jtejklumix yuꞌun te Diose.

Hebreos 6:10

Porke te Diose ben toj yoꞌtan y ma xchꞌay ta yoꞌtan te tut ya apasik te jaꞌexe, y te slekil awoꞌtanik te la awakꞌik ta ilel te la akoltayik te hermanoetik te xchꞌuunejike, jich tutꞌil te yipalex ta spasele.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

1 Juan 3:17

Yuꞌun teme ay jtuluk te jkꞌuleje y ya yil te yermano te ay tut puersa ya skꞌan koltayele, pero teme makꞌ ya yaꞌbeye, ¿tutꞌil kꞌan ayuk skꞌuxul yoꞌtan Dios ta yoꞌtan?

1 Juan 4:21

Te Jesucristoe la yaꞌbotik te mantaliletik to: “Te machꞌa kꞌux ya yaꞌiy te Diose, kꞌux me ya yaꞌiy ekꞌa te yermanoe”, te xchie.