Colosenses 2:3 - Nuevo Testamento Tzeltal de Amatenango

³ Yuꞌun stukel smakoj ta spisil te slekil skꞌulejal te pꞌijilile y te tut ya yakꞌ ta naꞌele.

Bible in Tzeltal Bachajón

³ te ha nac'bil ta stojol spisil te sc'uhlejal te p'ijil-o'tanil soc te bintic ay ta na'el.

Bible in Tzeltal de Oxchuc y Tenejapa

³ Stuquel ay ta swenta spisil p'ijil-o'tanil soc spisil te bila ya sc'an ya jna'tic stojol te q'uejbil yu'un ta spisile.

Colosenses 2:3 ပူးပေါင်းရင်းမြစ်များ

San Mateo 10:26

“Jaꞌ yuꞌun maꞌ me xiꞌanik yuꞌun te genteetike. Jich maꞌyuk tut nakꞌal te ma xchiknaje, sok maꞌyuk tut mukul te ma xꞌakꞌot ta naꞌel sluwarile.

San Lucas 11:49

“Jaꞌ yuꞌun te Dios, te ay spꞌijil yoꞌtan stukele, la yal: “Ya jtikombeyex jꞌalwanejetik sok jpuk-kꞌopetik. Ay ya amilik sok ay ya awilbajinik”, xchi me.

Romanos 11:33

Yuꞌun lom kꞌax mukꞌ y bayal te slekil yoꞌtan Diose. Sok lom bayal te spꞌijile y sok te tut ya snaꞌe. Maꞌyuk machꞌa ya xjuꞌ yuꞌun snaꞌel te tut snopoj ta yoꞌtane, sok ni ma xjuꞌ ta naꞌel te tut ya spase.

1 Corintios 1:24

Pero te machꞌatik ikꞌbilik yuꞌun te Diose, me juriyoetik o griegoetik, jaꞌ kꞌoem ta yoꞌtanik te jaꞌ spoder Dios sok jaꞌ spꞌijil Dios te Cristoe.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

Efesios 1:8

Dios la yaꞌbotik kiltik te slekil yoꞌtane sok la yaꞌbotik spisil pꞌijilil y sok rasonil.

Colosenses 1:19

Te Cristoe tsꞌakal yichꞌojbey te slekilal te Tatile, yuꞌun jich la skꞌan yoꞌtan te Diose.

Colosenses 1:28

Te joꞌotike ya kalbetik skꞌoplal te Cristoe, ya jtsitstik y ya jnojpestik ta spisilik ta spꞌejel pꞌijilil, yuꞌun jich me tojobenikix ya xlaj kꞌot ta skuenta a te Cristoe.

Colosenses 1:9

Ja yuꞌun te joꞌotike, jaꞌ to kꞌalal la kaꞌiytik te akꞌoplale, maꞌyuk ya jkom jbajtik ta skꞌoponel Dios ta akuentaik. Ya jkꞌanbeytik Dios te ya yaꞌbeyex anaꞌik te tut ya skꞌan yoꞌtane, sok te ya yaꞌbeyex spisil ta jkaj pꞌijilil y ta snaꞌel te tut skuenta te Espiritue.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

Colosenses 3:3

Yuꞌun te jaꞌexe chamex, y te ora to tey mukul ay te akuxlejalik sok Cristo ta stojol Diose.

2 Pedro 1:5

Jaꞌ yuꞌun ya skꞌan ya awakꞌik puersa te ayuk bayal xchꞌuunel awoꞌtanik sok te lekuk spisil te tut ya apasike, sok te yakuk anaꞌik kꞌinal ta leke,

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.