Apocalipsis 9:20 - Nuevo Testamento Tzeltal de Amatenango

²⁰ Pero te jayeb xan sobra te gente, te machꞌatik maꞌ chamik yuꞌun te wokoletik to, ni maꞌ sujtes yoꞌtanik yuꞌun te tut ma lekuk spasojik ta skꞌabike. Ni maꞌ yijkitayik yichꞌel ta mukꞌ te pukujetike y sok te lotil diosetik te pasbil ta oro sok ta plata sok ta bronse sok ta ton sok ta teꞌ, te ma xjuꞌ ya yilik kꞌinal ni ma xyaꞌi kꞌop ni ma spas xbeen.

Bible in Tzeltal Bachajón

²⁰ Te jayeb xan mach'atic ma ba lajic yu'un te wocoletic ini, ma teyuc la suhtes yo'tanic yu'un a te bin spasoj ta sc'abic, soc ma ba la yihquitayic sch'uhunel te pucujetic soc te yahcananic pasticlambil ta oro, plata, bronce, ton, soc te', te ma xyilic q'uinal, ma xya'iyic c'op soc ma xbehenic.

Bible in Tzeltal de Oxchuc y Tenejapa

²⁰ Ja'uc me to, te jayeb xan mach'atic ma ba lajic yu'un te miljibaletique, ma la sujt'es yo'tanic yu'un te bila spasoj ta sc'abique. Ma la yijq'uitayic ta ch'uunel te pucujetic soc loc'ombaetic te pasbilic ta oro soc ta plata soc ta bronce soc ta ton soc ta te', te ma xyilic q'uinal soc te ma xyaiyic stojol c'op soc te ma xju' ya xbeenique.

Apocalipsis 9:20 ပူးပေါင်းရင်းမြစ်များ

San Mateo 21:32

Jich te Juan Akꞌichꞌjaꞌe tal snojpesex tut a te tsaꞌam ta pasele, pero ma la achꞌuunik te tuti yalbeyexe. Yan te jkꞌan-tojemaletike sok te jmulawil-antstike la xchꞌuunik stukelik. Yan te jaꞌexe manchuk me la awilik te jich yipal kꞌoel ta pasele ma la asujtes awoꞌtanik te yauk achꞌuunike.

Hechos 17:29

Jaꞌ yuꞌun te tutꞌil stsꞌumbalotik te Diose ma me jkuytik te Dios pajal sok te tut a te pasbil ta oro sok ta plata o ta ton te pasbil ta skꞌab winik te stukel nax a snop ta yoꞌtan te la spase.

Hechos 19:26

Pero te jaꞌexe awilojikix y awaꞌiyejikix te jPablo xꞌalbote yipal ta yalel te ma jaꞌuk diosetik te pasbil ta skꞌab winketike. Y jich a yakꞌ kꞌotukix ta yoꞌtanik bayal te gentee, ma jaꞌuk nax liꞌ ba Efesoe, kasi jich euk ta spisil te estado Asiae.

Hechos 7:41

Jich a spasik jun santu jich tutꞌil jkojt beseroe. La smilbeyik chambalametik yuꞌun smajtan y la spasbeyik skꞌinul yuꞌun ya yakꞌik ta jkuenta te santu te mismo a spasike.

2 Corintios 12:21

Jaꞌ ya jxiꞌ te kꞌalal ya xtal kilex xane ya me xkꞌexawon ta stojol Dios awuꞌunik, y ya me xꞌokꞌon yuꞌun te bayalexix te jaꞌexe te ayix tiempo lijk a le amulike, y maꞌ jilesejikuk te tut skuenta balmilale, te antsiwejele, sok te tut kꞌexlaltik sba ta pasele.

1 Timoteo 4:1

Pero jamal ya yal te Espiritue: Ta slajibal kꞌaal ay machꞌa ya sjilesik ta chꞌuunel te Diose. Jaꞌ ya xbajt ta yoꞌtanik te skꞌopik jloꞌlawanejetike y te nojpesel yuꞌun te pukujetike.

Apocalipsis 15:1

La kil ta chꞌulchan jun xan mukꞌul señail te yan ta ilele: Jaꞌ te jukeb angeletik te yichꞌoj jukeb slajibal tulan wokole, te jaꞌ ya stsakay a te jayeb kastigo ya yakꞌ te Diose.

Apocalipsis 16:8

Te xchanebal ángele la smal te sbaso ta sba te kꞌajkꞌale, y la yaꞌbe spuersa te kꞌajkꞌale yuꞌun ya xchꞌikꞌ sok kꞌajkꞌ te gentee.

Apocalipsis 9:19

Porke te spoder te kaewuetike ay ta stiꞌik y ta sneik. Yuꞌun te sneike pajal sok chan yilel, y sok te sjolike ya xꞌilbajinwan.

Apocalipsis 9:21

Y ni maꞌ yijkitayik te milawe, ni te spasel akꞌ-chamele, ni te antsiwejele, ni te elekꞌe.