Apocalipsis 9:1 - Nuevo Testamento Tzeltal de Amatenango

¹ Te yoꞌebal ángel la yokꞌesin te skornetae, y la kil jun ekꞌ te chꞌay tal koel ta chꞌulchan jul ta balmilal. Te ekꞌe aꞌbot te syaweul te chꞌen te lom toyole.

Bible in Tzeltal Bachajón

¹ Te yo'ebal ch'ul a'bat la yoq'uesin te scorneta; la jquil ay ec' ch'ay cohel tal ta ch'ulchan, hul ta bahlumilal. A'bot te llave yu'un te xahabe.

Bible in Tzeltal de Oxchuc y Tenejapa

¹ Te yo'ebal ch'ul abate la yoq'uesin te oq'uese. La quil te ay ec' ch'ay coel tel ta ch'ulchan te c'ot ta sba te balumilale. Te eq'ue ac'bot ta sc'ab te sllaveil sti'il te xaabe.

Apocalipsis 9:1 ပူးပေါင်းရင်းမြစ်များ

San Lucas 10:18

Te Jesuse la yaltalanbe: —Laꞌ nix a. Yuꞌun yipalon ta yilel te chꞌay ta koel ta chꞌulchan te Satanase. Jich xlemeta koel tutꞌil te chawuke.

San Lucas 8:31

Te pukujetike la skꞌambeyik pawor te Jesuse te manchuk ya xchꞌojot ochel ta chꞌen yuꞌune.

Romanos 10:7

“Sok ma me jichuk ya awal xan: ‘Machꞌa me te ya xko bael te ba ay yutil chꞌene’, ma me xchiukex”, xchi te Moisese. Jaꞌ bi yuꞌun ya yikꞌ moel Cristo te ba ay te animaetike.

Apocalipsis 1:18

Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.

Apocalipsis 1:20

Jaꞌ to jaꞌ skꞌoplal te jukeb ekꞌetik te la awil te ay ta jbatsꞌil kꞌabe, y sok te jukchꞌix yawil kꞌajkꞌ te pasbil ta oroe. Te jukeb ekꞌetike jaꞌ xyal te juktul angeletik ta stojol te juktijkꞌ hermanoetike. Y te jukchꞌix yawil kꞌajkꞌe jaꞌ xyal te juktijkꞌ hermanoetike —xchi.

Apocalipsis 11:7

Pero te kꞌalal lajix yoꞌtanik ta yalel a te skꞌoplale, te chanbalam te xiꞌbentik sba ta ilel ya xlokꞌ tal ta chꞌen yuꞌun ya xtal smak. Ya me stsalotik yuꞌun sok ya me xmilotik yuꞌun.

Apocalipsis 17:8

Te chanbalam te lom yan la awile, jaꞌ te kuxul ta nail toe, pero ma chikanukix. Pero ya xba lokꞌuk tal ta chꞌen antes te ya xba yichꞌ lajinel ta spisile. Te genteetik ta balmilale te ma nakaluk sbiilik te ba slibroal yuꞌun te kuxlejal desde pas te balmilale, lom cham me ya yaꞌiyik te kꞌalal ya yilik te chanbalam te lom yane, te kuxul ta nail toe, y ma chikanukix, pero ya me chiknaj xan.

Apocalipsis 20:1

La kil jtul ángel te yipal tal ta koel ta chꞌulchane. Yichꞌojbe syaweal te mam chꞌene y sok yichꞌoj jlijk mam kadena ta skꞌab.

Apocalipsis 20:10

Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.

Apocalipsis 6:13

sok te ekꞌetike chꞌay tal koel ta chꞌulchan jul ta balmilal, jachik tutꞌil ya xtꞌuxaj koel yaxal ikux ta steꞌel te kꞌalal ya xnikot ta tulan ikꞌe.

Apocalipsis 8:10

Te yoxebal ángel la yokꞌesin te skornetae, y ay jun mukꞌul ekꞌ, yipal ta tilel jachik tutꞌil jtuch-kꞌajkꞌ, tꞌuxaj tal koel ta chꞌulchan ta sba te yoxxejtꞌel te mukꞌul ukꞌumetike y ta sba te lokꞌib jaꞌetike.

Apocalipsis 8:12

Te xchanebal ángel la yokꞌesin te skornetae. La yixlan xejtꞌ ta yoxxejtꞌel te kajkꞌale, y xejtꞌ ta yoxxejtꞌel te ue, y xejtꞌ ta yoxxejtꞌel te ekꞌetike. Yuꞌun jicha laj ijkꞌub xejtꞌ ta yoxxejtꞌelalik, y maꞌ sakub kꞌinal xejtꞌ ta yoxxejtꞌelal te jun kꞌaale ni ta ajkꞌubal.

Apocalipsis 8:2

Teꞌ nax a la kil jukeb angeletik te tekꞌajtik ta sit te Diose. Akꞌtalanbot jukeb kornetaetik.

Apocalipsis 9:2

La sjeꞌ te chꞌen te lom toyole, y moj tal xchꞌailel te chꞌene, jachik tutꞌil jun mukꞌul jorna. Y te xchꞌailel te chꞌene la yijkꞌutes te kꞌajkꞌale y te ikꞌe.