Apocalipsis 8:3 - Nuevo Testamento Tzeltal de Amatenango

³ Patil tal jtul xan ángel, yichꞌoj tal xchijkꞌil pom pasbil ta oro, y la stejkꞌan sba ta stsꞌeel te altare. Aꞌbot bayal pom, yuꞌun ya xchikꞌ te ba ay te altar te pasbil ta oroe, te ay ta sit te mukꞌul naktajibale. Jun nax smajtan Dios a kꞌot sok skꞌopik ta spisil te machꞌatik yuꞌunik te Diose.

Bible in Tzeltal Bachajón

³ Soc ay yan ch'ul a'bat tal stehc'an sba ta sts'ehl te scajtajib ta chiq'uel pom, yich'oj schic'ojibal pom pasbil ta oro. A'bot bayel pom yu'un ya scap soc te bintic ya yalic ta sc'oponel Dios spisil te mach'atic ch'uhltesbilic, yu'un ya yac' ta scajtajib ta chiq'uel pom pasbil ta oro te snuhp'usitayej sba soc te muc'ul-huctajibale.

Bible in Tzeltal de Oxchuc y Tenejapa

³ Tal yan ch'ul abat. C'o stejc'an sba ta bay sts'eel scajtijib majt'anil. Yich'oj ta sc'ab te yawil xchic'jibal pom te pasbil ta oroe. Ac'bot ta sc'ab bayal pom swenta stsac'tesjibal sc'oponel Dios yu'un te mach'atic ch'ul lum yu'un te Diose. La yac' ta sba te scajtijib majt'anil te pasbil ta oro te ay ta stojol te muc'ul nactijibale.

Apocalipsis 8:3 ပူးပေါင်းရင်းမြစ်များ

San Lucas 1:10

Yipal ta xchikꞌel a te pome, sok spisil te jtejklume yipalik ta skꞌoponel Dios ta yamakꞌul te temploe,

Romanos 8:34

¿Machꞌa kꞌan yakꞌotik bael ta chꞌayel? Maꞌyukix. Yuꞌun jaꞌ a cham Cristo Jesus kuꞌuntik. Sok ma jipuk a. Te Cristoe chaꞌkux y teꞌ ayix ta sbatsꞌi kꞌab te Diose; jaꞌ yipal ta kꞌop kuꞌuntik.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

Hebreos 9:4

Ay jun altar teꞌa te puru oro yuꞌun ya xchikꞌot teꞌa te pome, y teꞌey a te xkaxaul trate te makbil ta oro ta sjoylejal te spate. Te ba kaxae ay jun xaru pasbil ta oro te nojel te manae, y teꞌey ekꞌa te snabateꞌ jꞌAaron te la yakꞌ slujpe, y sok te chaꞌpejch ton te tsꞌibabil a te tratee.

Apocalipsis 10:1

La kil jtul xan ángel te beno spodere te yipal tal ta koel ta chꞌuchan. Potsol tal ta tokal, sok ay xojob ta sjol. Te yelawe xlemet jachik tutꞌil kꞌajkꞌal, y te yoke pajal sok mukꞌul xutun teꞌ te chik joman nax skꞌajkꞌale.

Apocalipsis 14:18

Y te ba altare lokꞌ xan tal jtul ángel te yichꞌoj yaꞌtel yuꞌun skuenta kꞌajkꞌ. Y tulan a yawutay te machꞌa yichꞌoj te mam luk te beno yee. Jich la yalbey: “Otsesa te aluk te beno yee, y kꞌoka a te palajtik te ubailtik te ay ta balmilal, porke te yubailtike ben yijikix”, xchi.

Apocalipsis 5:8

Te kꞌalal la yichꞌ te balbil june, te chaneb te tutik kuxajtike y sok te beintikuatro ta jtul te lom mamalikixe la skejan sbaik ta sit te Chꞌin Karnerae. Te spisilik ay yarpaik, y yichꞌojik sbasoik pasbil ta oro nojel ta pom, te jaꞌ skꞌopik ta skꞌoponel Dios te machꞌatik yuꞌunik te Diose.

Apocalipsis 6:9

Te kꞌalal la xchꞌiꞌ te sjoꞌebal seyoe te Chꞌin Karnerae, la kil te ba yeꞌtal altare te machꞌatik yichꞌojik milel ta skaj te la yalik te skꞌop Diose.

Apocalipsis 7:2

Jich a kil xan yan ángel te yipal ta talel te ba stojil xlokꞌ tal kꞌajkꞌale. Yichꞌoj te seyo yuꞌun te kuxul Diose. Te ángel to tulan a awun ta kꞌop ta stojol te yan chantul xan te yichꞌoj spoder yuꞌun te ya yixlan te balmilale y te mare.

Apocalipsis 8:4

Te xchꞌailel pome mo bael ta skꞌab te ángel ta sit te Diose. Pajal mo bael sok skꞌopik te machꞌatik yuꞌunik te Diose.

Apocalipsis 8:5

Jich te ángele la yichꞌ te xchijkꞌil pome, la snojes ta yakꞌalel skꞌajkꞌal te ba altare, y la sbuskꞌin koel ta lum. Y ay tutꞌi chiknaj a xpumet bael, xixixet, y sansewal y jikichab.

Apocalipsis 9:13

Te swakebal ángele la yokꞌesin te skornetae, y la kaꞌiy jun kꞌop te lokꞌ tal ba ay yolil chaneb xulbaletik te ba ay altar te pasbil ta oro te ay ta stojol Diose.