Apocalipsis 7:3 - Nuevo Testamento Tzeltal de Amatenango

³ Jich a yal: “Ma to awixlanik te balmilale ni te mare ni te teꞌetike, jaꞌ to teme la kaꞌbetik smarkaik ta stiꞌsbaik te machꞌatik jꞌaꞌteletik yuꞌun te Dios kuꞌuntike”, xchi.

Bible in Tzeltal Bachajón

³ hich la yal: Ma to me xajinic te q'uinal, te mar o te te'etic ha to teme la jcac'ticlambecotic sello ta sti'bahic te a'batetic yu'un te Dios cu'untique, xchi.

Bible in Tzeltal de Oxchuc y Tenejapa

³ Jich la yal: “Ma to me x'alajinic te lum q'uinale soc te mare soc ni pejt'uc te te'etique. Ja' to teme la cac'beytic sello ta stibaic te abatetic yu'un te Dios cu'untique”, xiic.

Apocalipsis 7:3 ပူးပေါင်းရင်းမြစ်များ

San Mateo 24:22

Te jichuk makꞌ xatꞌbe skꞌaalel te Diose, maꞌyuk machꞌa ya xkol te jichuke. Pero chapalix yuꞌun te ya yichꞌ komel ta skaj te machꞌatik tꞌujbil yuꞌune.

San Mateo 24:31

Te kꞌalal ya xꞌokꞌ tulan te kornetae, ya me stikon bael te chꞌul angeletik yuꞌune, ya me xba stsobik ta xchanmejchel balmilal te machꞌatik tꞌujbil yuꞌune.

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

San Juan 3:33

Pero te machꞌa ya xchꞌuune ya yakꞌ chiknajuk te tut batsꞌil jich ya yal te Diose.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

Apocalipsis 13:16

Sok la yal mantal te ya yakꞌtalanbe jun marka ta sbatsꞌil kꞌab o ta stiꞌsba ta spisilik, ta chꞌin ta mukꞌ, ta jkꞌulejetik y ta meꞌbaetik, ta libre aylan o ayik ta mosoil.

Apocalipsis 13:17

Y ni jtuluk ya xjuꞌ xmanba ni ya xchonba teme maꞌyuk yichꞌoj te marka ta skuenta te chanbalam te xiꞌbentik sbae, o te yajtalul te sbiile.

Apocalipsis 14:1

La kil te chꞌin karnerae, te kotol te ba ay te wits Sione. Sjoyinej te siento kuarenta y kuatro mil ta jtul genteetike te yichꞌojlan tsꞌibayel ta stiꞌsbaik te sbiil te Chin Karnera y sok te State.

Apocalipsis 14:9

Teꞌ nax a tsaklilanot xan yuꞌun te yoxebal ángele te tulan la yale: “Teme ay machꞌa ya yichꞌ ta mukꞌ te chanbalam te xiꞌbentik sbae y sok te slokꞌole, y teme ya yichꞌbe te smarka ta stiꞌsbae o ta skꞌabe,

Apocalipsis 19:2

Porke stukel toj ya xchapawan y sok batsꞌi jich. Yuꞌun la yaꞌbeyix kastigo te mera jmulawil ants te la yixlan ta kremiwejel te balmilale. Aꞌbotix stoj te la smilbey te machꞌatik jꞌaꞌteletik yuꞌun te Diose —xchiik.

Apocalipsis 20:4

La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.

Apocalipsis 22:4

Ta sit ya yilbeyik sit te Diose, y yichꞌojbeyik sbiil ta stiꞌsbaik.

Apocalipsis 6:6

Y te ba yolil ta xchanebal te tut kuxajtike la kaꞌiy jun kꞌop te la yale: “Jaꞌ nax jun kilo triwu te stojol te jun kꞌaal aꞌtele, y oxeb kilo sebada te stojol jun kꞌaal aꞌtele. Pero ma me awakꞌ chꞌayuk te aseite ni te binoe”, xchi.

Apocalipsis 7:1

Ta patil la kil chantul angeletik te tekꞌajtik te ba ay xchanmejchelul te balmilale. Skomojik te xchanmejchel ikꞌ yuꞌun makꞌ ya yikꞌay te sba te balmilale, ni ta sba te mare, ni ta sba jwoluk teꞌ.

Apocalipsis 7:2

Jich a kil xan yan ángel te yipal ta talel te ba stojil xlokꞌ tal kꞌajkꞌale. Yichꞌoj te seyo yuꞌun te kuxul Diose. Te ángel to tulan a awun ta kꞌop ta stojol te yan chantul xan te yichꞌoj spoder yuꞌun te ya yixlan te balmilale y te mare.

Apocalipsis 9:4

Altalanbot mantal te makꞌ ya yixtalan te wamal te ay ta balmilal, ni junuk te tutik yaxe, ni jwoluk teꞌ, sinoke jaꞌ nax te machꞌatik ma yichꞌojikuk te seyo yuꞌun Dios ta stiꞌ sbaike.