Apocalipsis 6:2 - Nuevo Testamento Tzeltal de Amatenango

² La kil, y la jta ta ilel jkojt sakil kawu, y te machꞌa moem aye yichꞌoj ta skꞌab jun tꞌim. Sok aꞌbot jun skorona. Yaꞌiyojix tsalaw y lokꞌ bael yuꞌun ba tsalawanuk xan.

Bible in Tzeltal Bachajón

² Hich la jquil ay jcoht saquil cawu. Te mach'a cajal tey a yich'oj st'ihmalte' soc a'bot scorona, ha jtsalawal te loc' bahel ta ya'iyel tsalaw.

Bible in Tzeltal de Oxchuc y Tenejapa

² Jich la quil cojt' saquil caballo. Te mach'a cajal ta spate yich'oj t'imalte' ta sc'ab, soc ac'bot scorona ta sjol. Ju' yu'un tsalaw, ta swenta tsalwanej.

Apocalipsis 6:2 ပူးပေါင်းရင်းမြစ်များ

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

1 Corintios 15:25

Porke te Cristoe puersa ya yichꞌ yaꞌtel ta ajwalil jaꞌto teme la xpuchꞌ ta tekꞌel spisil te skontratake.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

Apocalipsis 11:18

Te nasionetike ilinemik. Pero la staix skꞌaalel te ya awaꞌbe kastigoe, sok yorailix te ya awichꞌ jkuenta te machꞌatik chamenike. Sok ya awakꞌtalanbe smajtan te awaj-aꞌteltak: jaꞌ te jꞌalwanejetike, sok te machꞌatik ayik ta jtejklum awuꞌune, y sok te machꞌatik ya yakꞌ ta jkuenta te abiile, chikan me chꞌin ta mukꞌ. Sok ya ajim te machꞌatik ya yixlan te balmilale”, xchiik.

Apocalipsis 14:14

La kil y la jta ta ilel jun sakil tokal, y ta sba te tokale, teꞌ nakal jtul te pajal sok gente yilele. Yichꞌoj jun skorona oro ta sjol y yichꞌoj ta skꞌab jun luk te beno yee.

Apocalipsis 15:2

La kil xan te tut pajal yilel sok jun mar te xlemet sok te kapal sok kꞌajkꞌe. Te ba te mar te xlemete, teꞌ tekꞌajtik a te machꞌatik juꞌ yuꞌunik te maꞌ yichꞌik ta mukꞌ te chanbalam te xiꞌbentik sbae y sok te slokꞌol, y sok te snumeroil sbiile. Yichꞌojlan yarpaik te akꞌtalanbil yuꞌun Diose.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

Apocalipsis 19:14

Tsꞌaklibil yuꞌun bayal soltaroetik te ay ta chꞌulchane. Slapojik lino pak te ben fino sok te limpio aye, y moemik ta sakil kawuetik.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 9:7

Te kꞌulubetike pajal sok te kawuetik te chapal yuꞌun guerra. Teꞌ ta sjolike yichꞌojlan te jich yilel tutꞌil jun korona te pasbil ta oroe. Y te yelawe jaꞌ pajal sok yelaw gente.