Apocalipsis 6:13 - Nuevo Testamento Tzeltal de Amatenango

¹³ sok te ekꞌetike chꞌay tal koel ta chꞌulchan jul ta balmilal, jachik tutꞌil ya xtꞌuxaj koel yaxal ikux ta steꞌel te kꞌalal ya xnikot ta tulan ikꞌe.

Bible in Tzeltal Bachajón

¹³ soc te eq'uetic ta ch'ulchan luhbajic cohel tal ta bahlumilal hich te bin ut'il ya xluhbaj sit higuera teme yuc'ot yu'un tulan ic'.

Bible in Tzeltal de Oxchuc y Tenejapa

¹³ Te eq'uetic te ayic ta ch'ulchane, ch'ayic coel tel ta balumilal, jich bit'il xbuquet nax ya xco xyaxal sit te higo-te' teme yuc'ot yu'un te tulan iq'ue.

Apocalipsis 6:13 ပူးပေါင်းရင်းမြစ်များ

San Mateo 24:29

“Teme kꞌaxix skꞌaalel a te wokole sok te ikꞌtinele, ya xꞌijkꞌub te kꞌajkꞌale, sok te ue makꞌ xtilix a. Sok ya me xtꞌuxaj ta koel te ekꞌetik ta chꞌulchane, sok ya me xtijtalanot te tutik ay ta yolil te chꞌulchane.

San Marcos 13:25

sok te ekꞌetike ya me xchꞌay ta koel ta chꞌulchan. Sok ya xnikot te tutik ay spuersa ta yolil te chꞌulchane.

San Lucas 21:25

Ay me señailetik ya xchiknaj ta kꞌajkꞌal, sok ta u, sok ta ekꞌetik; y te genteetik ta balmilale ya me xlijkik ta wokol yuꞌun xiꞌel. Ya me xiꞌik yuꞌun te ya xkꞌopoj tulan te mare y te xwilawete.

Apocalipsis 9:1

Te yoꞌebal ángel la yokꞌesin te skornetae, y la kil jun ekꞌ te chꞌay tal koel ta chꞌulchan jul ta balmilal. Te ekꞌe aꞌbot te syaweul te chꞌen te lom toyole.