Apocalipsis 5:9 - Nuevo Testamento Tzeltal de Amatenango

⁹ Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.

Bible in Tzeltal Bachajón

⁹ Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

Bible in Tzeltal de Oxchuc y Tenejapa

⁹ La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

Apocalipsis 5:9 ပူးပေါင်းရင်းမြစ်များ

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Mateo 26:28

Jaꞌ to jaꞌ jchꞌichꞌel te ay spuersa ya xkꞌot a te achꞌ tratee te ya yichꞌ malele skuenta xchꞌayil smulik te bayal ta jtule.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

1 Corintios 6:20

porke Dios toyol a stojtalan. Jaꞌ yuꞌun ya skꞌan ya awakꞌik ta jkuenta a te Dios sok te atiꞌbalulike.

1 Corintios 7:23

Dios la smanex te jaꞌex te lom toyol a stojexe. Ma me awakꞌ abaik ta mosoil yuꞌun jtul xan winik.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 5:19

Alaik ta juju-tul salmoetik sok kꞌayojetik sok yanetik kꞌayoj ta skuenta Espíritu. Kꞌayojinaik y albeyaik slekilal ta spꞌejel awoꞌtanik te Kajwaltike.

Colosenses 1:14

te jaꞌ a skoltayotik y la yaꞌbotik perdon yuꞌun te jmultike.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 11:14

Y te machꞌatik jich a yalike, jamal ya yakꞌ ta naꞌel te ayik to ta sleel te ba mero slumalike.

2 Pedro 2:1

Ta namey ay palso jꞌalwanejetik te ba ay te jtejklum Israel; y jich me ay palso maestroetik te ba ayex te jaꞌexe. Ya me snojpeswanik ta mukul te tut snopojike te ya xjimawanike. Jaꞌ ya spꞌajik te Kajwaltik te jaꞌ a koltalanot yuꞌune. Jich me ora ya yichꞌik jimel stukelik.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 2:2

Te Jesucristoe la yakꞌ sba ta smajtan Dios yuꞌun jich la spasbelotikix perdon yuꞌun te jmultike. Y ma joꞌukotik nax, sino ke ta spisil te machꞌatik ayik ta balmilal.

Apocalipsis 10:11

Jich a yalbikon: —Puersa ya xba awal xan te tut ya yal Dios te tutꞌil ay skꞌoplal te bayal jtejklumetike, nasionetik, te skajalskaj xkꞌopoje, sok reyetik —xyuton.

Apocalipsis 11:9

Y ta oxeb kꞌaal sok olil te gente te yanetik slumalike, sok te yanetik stsꞌumbalike, y te yanetik skꞌopike, y yanetik nasionetike ya me yilbeyik te stiꞌbalulik y ma xyakꞌik ta mukel.

Apocalipsis 13:7

Jicha aꞌbot xan permiso te ya yaꞌbe sba sok guerra ta skontrainel te machꞌatik yuꞌunik te Diose asta ya stsaltalan. Y aꞌbot yaꞌtel ta stojol spisil ta skajalkaj stsꞌumbal te gentee ta jujun jtejklum, ta skajalkaj skꞌopik, sok ta yanetik nasionetik.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.

Apocalipsis 14:6

La kil jtul xan ángel te ya xwil ta yolil te chꞌulchane, y te yichꞌoj te skꞌoplal kolel sbajtel kꞌinal yuꞌun ya yaltalanbe te machꞌatik kuxajtik ta balmilale. Sok ta spisil te nasionetike, skajalkaj stsꞌumbal, y skꞌopik y jtejklumetik.

Apocalipsis 15:3

Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.

Apocalipsis 17:15

Te ángele jich a yalbon euk: —Te jaꞌetik la awile te jaꞌ nakal a te jmulawil antse, jaꞌ seña jtejklumetik, genteetik, y yanetik skꞌop y yanetik nasionetik.

Apocalipsis 4:11

“Te jaꞌate Kajwaltikat, sok Diosat kuꞌuntik te ya skꞌan alel te alekilale, y te ya yakꞌelat ta jkuenta, y te ay apodere. Porke jaꞌat la apas spisil te tutik aye, yuꞌun jich a skꞌan awoꞌtan te aylan y te yichꞌoj pasele”, xchiik.

Apocalipsis 5:12

Lom tulan yipalik ta yalel: “Te Chꞌin Karnera te la yichꞌ milele, stukel ya xjuꞌ ya yichꞌ te poder, te skꞌulejal, te spꞌijil, te spuersa, te akꞌel ta jkuenta, te slekilal, y te albeyel slekilale”, xchiik ta aw.

Apocalipsis 5:6

Y la kil jkojt Chꞌin Karnera teꞌ ta yolil te mukꞌul naktajibale, y te chaneb te tutik kuxajtike, y ta yolil te machꞌatik lom mamalikixe. Teꞌ kotol a, aunke milbil yilel. Ay jukeb xulbal y jukeb sit. Jaꞌ te jukeb Espirituetik yuꞌun Dios te tikonlanbil ta spisil balmilale.