Apocalipsis 5:5 - Nuevo Testamento Tzeltal de Amatenango

⁵ Pero ay jtul te lom mamalikixe la yalbon: —Ma okꞌan ta mas. Yuꞌun te mukꞌul choj te stsꞌumbal Juda, te jaꞌ mismo stsꞌumbal te rey Davide, juꞌix yuꞌun tsalaw. Y ya xjuꞌ yuꞌun te ya sjam te balbil june, sok ya xjuꞌ ya xchꞌiꞌ te jukeb seyoetike”, xchi.

Bible in Tzeltal Bachajón

⁵ Ay jtuhl te mamaletic la yalbon: Ma x'oc'at, como te Choj yu'un te jchahp yu'un Judá, ha te slohp' David, la ya'iy tsalaw, ya xhu' ya sjam te balbil hun soc te huqueb sellohetic yu'une, xchi.

Bible in Tzeltal de Oxchuc y Tenejapa

⁵ La yalbon ts'iin te jtul mamale: —Ma x'oc'atix. Melel ya xju' yu'un sjamel selloetic te León-choj yu'un te sts'umbal Judá te ja' nix sts'umbal te muc' ajwalil Davide. Melel ju'ix yu'un tsalaw. Jich ya xju' yu'un sjamel soc spolel te juqueb selloe —xi'.

Apocalipsis 5:5 ပူးပေါင်းရင်းမြစ်များ

San Lucas 23:28

Pero te Jesuse la skꞌelu sujtel y la yaltalanbe: —Antstik yuꞌun Jerusalen, ma xꞌawokꞌetayikon. Okꞌetaya aba atukelik, y sok te awuntikilike.

San Lucas 7:13

La yil te Kajwaltike sok la snaꞌbe yoꞌolil sba te meꞌba antse. Jich a yalbe: —Ma okꞌan —xyut.

San Lucas 8:52

Spisil yipalik ta okꞌel, sok xꞌuylajan ta yokꞌetayel te achꞌixe. Te Jesuse la yaltalanbe: —Ma okꞌanik. Te achꞌixe ma chamenuk. Wayal nax —xchi.

San Juan 20:13

Te chꞌul angeletike la yalik: —Ants, ¿tuꞌun te ya xꞌokate? —xchiik. Te antse la yalbe: —Yuꞌun la yichꞌbeyik bael stiꞌbalul te Kajwale, y ma jnaꞌ ba la yakꞌik —xchi.

Romanos 1:3

Jaꞌ skꞌoplal te xnichꞌane te Kajwaltik Jesucristoe, te jachik tut winik a kꞌot, te stsꞌumbal rey Davide.

Romanos 15:12

Te jꞌIsaiase jich a stsꞌibay jilel euk: “Ya me xchiknaj stsꞌumbal te Isai te ya xkꞌot ta gobiernoil yuꞌun te nasionetike. Jich me ya staik spuersa yoꞌtanik yuꞌun”, xchi me.

Hebreos 7:14

Porke lek naꞌbil te jaꞌ tal ta jtijkꞌ stsꞌumbal Juda te Kajwaltike, y te jMoisese ni maꞌyuk a yal teme ay ya yichꞌ yaꞌtel ta saserdote jaꞌ jtijkꞌ abi.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Apocalipsis 22:16

La yal xan te Jesuse: —Joꞌon Jesuson te la jtikon tal te ángel kuꞌune yuꞌun ya yal ta jamal ta spisil to ta stojol te juju-tijkꞌ hermanoetike. Joꞌon slujp kꞌoemon te stsꞌumbal te jDavide. Joꞌon te ekꞌ te ya xojobin ta ben sabe —xchi.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 4:10

Ta jujumel te beintikuatro ta jtul te mamalikixe ya skejan sbaik ta sit stukel, y ya yichꞌik ta mukꞌ. Ya spꞌejkan te skoronaik ta sit te ba ay te mukꞌul naktajibale, sok ya yalik:

Apocalipsis 4:4

Ta sjoylejal te mukꞌul naktajibale la kil beintikuatro naktajibaletik te jaꞌ nakajtik a te beintikuatro ta tul te mamalikixe. Sak te skꞌuꞌ-spakꞌ slapojike y yichꞌojik jun korona pasbil ta oro ta sjol.

Apocalipsis 5:4

Y te joꞌone ben xꞌokꞌon yuꞌun, porke maꞌyuk machꞌa wejt te ya xjuꞌ yuꞌun sjamel te balbil june, ni te ya xjuꞌ ya yile.

Apocalipsis 6:1

Te nax a la kil te kꞌalal te Chꞌin Karnerae la xchꞌiꞌ te primero ta sjukebal te seyoetike, y la kaꞌiy te jtul te ta xchanebal te tut kaxajtik tulan la yal ta kꞌop te pajal sok te ay tut ya xtꞌome: —Laꞌ —xchi.

Apocalipsis 7:13

Ay jtul te machꞌatik lom mamalikixe la sjojkꞌobon: —¿Machꞌatik a to te sak skꞌuꞌ-spakꞌike, sok ba talemik? —xchi.