Apocalipsis 4:11 - Nuevo Testamento Tzeltal de Amatenango

¹¹ “Te jaꞌate Kajwaltikat, sok Diosat kuꞌuntik te ya skꞌan alel te alekilale, y te ya yakꞌelat ta jkuenta, y te ay apodere. Porke jaꞌat la apas spisil te tutik aye, yuꞌun jich a skꞌan awoꞌtan te aylan y te yichꞌoj pasele”, xchiik.

Bible in Tzeltal Bachajón

¹¹ Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.

Bible in Tzeltal de Oxchuc y Tenejapa

¹¹ “Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

Apocalipsis 4:11 ပူးပေါင်းရင်းမြစ်များ

Hechos 14:15

—Pero moletik, ¿tuꞌun te jich ya apasike? Te joꞌotike winikotik nax euk jich tutꞌil te jaꞌexe. Jaꞌa talotik yuꞌun te tal kalbetikex te ya awijkitayik spasel te tutik ma xtuun ta pasele, sok te ya asujtes awoꞌtanik ta stojol te kuxul Dios te la spas chꞌulchan sok balmilal sok te mare y sok spisil te tutik ay ae.

Hechos 17:24

“Te Dios te la spas balmilal y sok spisil te tutik ay teꞌae, jaꞌ yajwal te chꞌulchane sok te lume. Makꞌ snain temploetik te pasbil ta skꞌab te winketike,

Romanos 11:36

Porke spisil te tutik aye ya xtal ta stojol Dios, y jaꞌ pastalanbil yuꞌun y stukel yuꞌun. Ben tsaꞌam slekil ta sbajtel kꞌinal te Diose. Jichuk.

Efesios 3:9

Y jaꞌ aꞌbilon kaꞌtel te ya jpasbe yilik ta spisilik te tut xchapoj ta sil tiempo te mukul ay yuꞌun te Diose, te jaꞌ spasoj spisil te tutik aye.

Hebreos 1:10

Jich a yal xan: “Te jaꞌate, Kajwal, ta slijkibal la awaꞌbe yiptajib te balmilale, sok jaꞌat mismo la apas te chꞌulchane.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

Apocalipsis 1:6

Y la yakꞌotikix ta ajwalil, sok la yakꞌotik ta saserdoteil ta abatinel yuꞌun te Dios te State. Te stukel ben tsaꞌam slekil sok yichꞌoj tulan yaꞌtel ta ora to y ta sbajtel kꞌinal. Jichuk.

Apocalipsis 10:6

Y la yal ta jamal ta stojol te Machꞌa kuxul ta sbajtel kꞌinale te la spas chꞌulchan, balmilal, sok mar, y ta spisil te tutik aylan aye. La yal: “Maꞌyukix jal tiempo.

Apocalipsis 14:7

Tulan la yal: “Xiꞌaik te Diose, y albeyaik slekilal. Yuꞌun kꞌotix yorail te stukel ya xꞌichꞌawan jkuentae. Ichꞌaik ta mukꞌ te machꞌa la spas te chꞌulchane y sok te balmilale, te mare, y te slokꞌib jaꞌetike”, xchiik.

Apocalipsis 19:1

Ta patil la kaꞌiy yipalik ta tulan kꞌop te bayalik ta chꞌulchan, te jich la yalik: —¡Ay ta albeyel ta ichꞌel ta mukꞌ te Kajwaltike! Te kolele jaꞌ yuꞌun te Dios kuꞌuntike. Ay slekilal sok ay spoder.

Apocalipsis 5:12

Lom tulan yipalik ta yalel: “Te Chꞌin Karnera te la yichꞌ milele, stukel ya xjuꞌ ya yichꞌ te poder, te skꞌulejal, te spꞌijil, te spuersa, te akꞌel ta jkuenta, te slekilal, y te albeyel slekilale”, xchiik ta aw.

Apocalipsis 5:2

Y la kil jtul ángel lom bayal spoder, tulan yipal ta sjokꞌoyel: “¿Machꞌa ya xuꞌ yuꞌun sjamel te balbil june, y ya xchꞌiꞌ te seyoetik yichꞌoje?” xchi.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.