Apocalipsis 4:10 - Nuevo Testamento Tzeltal de Amatenango

¹⁰ Ta jujumel te beintikuatro ta jtul te mamalikixe ya skejan sbaik ta sit stukel, y ya yichꞌik ta mukꞌ. Ya spꞌejkan te skoronaik ta sit te ba ay te mukꞌul naktajibale, sok ya yalik:

Bible in Tzeltal Bachajón

¹⁰ te chaneb scha'winic (24) ta tuhl mamaletic ya spahcan sbahic ta stojol te Mach'a hucul ta smuc'ul-huctajib, ya sch'uhuntayic te Mach'a stalel cuxul sbahtel q'uinal, ya xohtan scoronahic ta stojol te muc'ul-huctajibal soc hich ya yalic:

Bible in Tzeltal de Oxchuc y Tenejapa

¹⁰ Te chaneb xcha'winic (24) mamaletique ya squejan sbaic ta stojol te mach'a nacal ta smuc'ul nactijib te stalel cuxul sbajt'el q'uinale. Ya scojt'es scoronaic ta stojol te muc'ul nactijibale soc jich ya yalic:

Apocalipsis 4:10 ပူးပေါင်းရင်းမြစ်များ

San Mateo 2:11

Jich a ochik tsꞌin te ba nae, y la yilik te alale sok te smeꞌe, jaꞌ te xMariae. La skꞌejan sbaik ta stojol, y la sjeꞌ te stutik yuꞌunike. La yaꞌbeyik smajtan: oro sok pom y sok mirra.

San Lucas 24:52

Patil te kꞌalal laj yoꞌtanik ta yalbeyel kola yale, ben kontentoik a la sujt bael ta Jerusalen.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

Apocalipsis 10:6

Y la yal ta jamal ta stojol te Machꞌa kuxul ta sbajtel kꞌinale te la spas chꞌulchan, balmilal, sok mar, y ta spisil te tutik aylan aye. La yal: “Maꞌyukix jal tiempo.

Apocalipsis 11:16

Te beintikuatro ta jtul te machꞌatik lom mamalikixe te nakꞌajtik te ba ay snaktajibik ta stojol te Diose, la skejan sbaik kꞌalal ta lum y la yichꞌik ta mukꞌ te Diose.

Apocalipsis 15:4

¿Me ay machꞌa a te makꞌ ya xiꞌate, jaꞌat Kajwal? ¿Me ay machꞌa te ma xyalbeyat slekil akꞌoplale? Yuꞌun jaꞌat nax te lek ayate. Spisil nasionetik ya xlaj tal y ya yichꞌat ta mukꞌ, porke chikanix ta ilel te lek ya xchapawanate”, xchiik.

Apocalipsis 15:7

Jkojt te ta xchankojtol te tut kuxajtike la yakꞌtalanbe ta juju-tul te juktul angeletik jun baso pasbil ta oro, nojel ta tulan kastigo te ya xtal ta stojol Dios te stalel kuxul sbajtel kꞌinale.

Apocalipsis 19:4

Y te beintikuatro ta tul te lom mamalikixe y sok te chaneb te tut kuxajtike la skejan sbaik kꞌalal ta lum, y la yichꞌik ta mukꞌ te Diose te nakal te ba ay te smukꞌul snaktajibe. Y la yalik: —Jichuk. Ay ta albeyel ta ichꞌel ta mukꞌ te Kajwaltike —xchiik.

Apocalipsis 4:2

Mismo tiempo a la sjapuyon ta spoder te Espiritue, y la kil mukꞌul naktajibal te chapbil ta chꞌulchane y ay Machꞌa te nakal a te ba ay te mukꞌul naktajibale.

Apocalipsis 4:4

Ta sjoylejal te mukꞌul naktajibale la kil beintikuatro naktajibaletik te jaꞌ nakajtik a te beintikuatro ta tul te mamalikixe. Sak te skꞌuꞌ-spakꞌ slapojike y yichꞌojik jun korona pasbil ta oro ta sjol.

Apocalipsis 4:9

Te tut kuxajtik ya yalbeyik slekil te Machꞌa nakal ta mukꞌul naktajibal te stalel kuxul sbajtel kꞌinale, sok ya yakꞌik ta jkuenta, y ya yalbeyik kola yal.

Apocalipsis 5:14

Te chaneb te tutik kuxajtike ya sjakꞌik: “Jichuk”, xchiik. Y te beintikuatro ta jtul te lom mamalikixe la skejan sbaik y la yichꞌik ta mukꞌ.

Apocalipsis 5:8

Te kꞌalal la yichꞌ te balbil june, te chaneb te tutik kuxajtike y sok te beintikuatro ta jtul te lom mamalikixe la skejan sbaik ta sit te Chꞌin Karnerae. Te spisilik ay yarpaik, y yichꞌojik sbasoik pasbil ta oro nojel ta pom, te jaꞌ skꞌopik ta skꞌoponel Dios te machꞌatik yuꞌunik te Diose.

Apocalipsis 7:11

Y spisil te angeletike te tekꞌajtik ta sjoylejal te ba ay te mukꞌul naktajibale, sok te machꞌatik lom mamalikixe, y sok te chaneb tutik kuxajtike, la skejan sbaik asta la sta lum te stiꞌsbae ta sit Dios te ba ay te mukꞌul naktajibale, asta la sta lum te stiꞌsbae y la yichꞌik ta mukꞌ te Dios.