Apocalipsis 3:18 - Nuevo Testamento Tzeltal de Amatenango

¹⁸ “Jaꞌ yuꞌun ya kalbeyat te ya amanbon te oro te pasbilix tal ta kꞌajkꞌe, yuꞌun jich batsꞌi kꞌulejat a. Y sok te ya amanbon te sakil kꞌuꞌul-pakꞌal yuꞌun ya alap y ya amuk aba a te kꞌexlaltik sba te tꞌaxalate. Y sok ya amanbon te jun pox yuꞌun te ya awaꞌbey asit te ya awil kꞌinal ae.

Bible in Tzeltal Bachajón

¹⁸ Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

Bible in Tzeltal de Oxchuc y Tenejapa

¹⁸ Jich yu'un ya calbat te ya amanbon te oro cu'un te lecubtesbil ta c'ajq'ue, swenta yu'un ay me ac'ulejal ta mero melel. Soc ya calbat te ya amanbon uuc te saquil c'u'ul ya alape, swenta yu'un ma ba ya xq'uexawat te bit'il t'analate. Soc ya me amanbon uuc spoxil asit swenta yu'un jich me ya apoxtay asit a. Yu'un jich ya xju' awu'un te ya awil q'uinale.

Apocalipsis 3:18 ပူးပေါင်းရင်းမြစ်များ

San Mateo 13:44

“Te tutꞌil ya xkꞌot ta ajwalinel te Diose, jich kꞌoem te tutꞌil bayal oro te mukul ta jlom chꞌin luware. Ay jtul winik te la stae sok la xchaꞌmuk xan jilel teꞌa. Ben jun yoꞌtan a sujt bael yuꞌun. Jicha ba xchon spisil te tut ay yuꞌune y ba sman a te luwar te ba ay mukul te oroe.

San Mateo 25:9

Te aꞌchetik te ay spꞌijil yoꞌtanike la yalik ta spisilik: “Ma xjuꞌ, porke ma xjuꞌotik ekꞌa te joꞌotike ni te jaꞌexe. Jaꞌ lek baan manaik tal awuꞌunik te ba ya xchonote”, xyutik.

San Lucas 12:21

Jich me ya xkꞌot te winik teme jaꞌ nax baem yoꞌtan stsobel te skꞌulejal te ya xtuun yuꞌun stukel naxe, pero meꞌbaꞌ ta stojol Dios —xchi te Jesuse.

2 Corintios 5:3

Te jich me ya jlaptik te tutꞌil jun kꞌuꞌul-pakꞌal, yuꞌun jich me ma tꞌaxalukotik ya xjilotik a.

2 Corintios 8:9

Porke ya anaꞌikix te jaꞌexe, te Kajwaltik Jesucristoe ta slekil yoꞌtan, aunke kꞌulej stukel, la yakꞌ sba ta meꞌbaꞌ ta akajik te jaꞌexe. Yuꞌun te tutꞌil meꞌbaꞌ a yakꞌ sbae, jaꞌex akulejibex a.

1 Timoteo 6:18

Altalanbeya te lekuk me te tut ya spasike. Jaꞌuk me ya xkꞌulejibik yuꞌun te lekil aꞌtele. Y junuk me yoꞌtan ya me spuk te tut ay yuꞌunike.

Santiago 2:5

Kermanotak, te kꞌuxex ta koꞌtane, aꞌiya awaꞌiyik to: Te Dios la stsa te machꞌatik meꞌbaik liꞌ ba balmilale, yuꞌun jaꞌ me skꞌulejalik ya xkꞌot te xchꞌuunejik Diose sok te ya xba yichꞌik smajtanik te ba ay ta ajwalinel te Diose, te stukel yaloj ta skuenta te machꞌatik lek skꞌanojik te Diose.

1 Pedro 1:7

Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.

Apocalipsis 16:15

“Aꞌiya awaꞌiyik, te joꞌone ya me xtalon, te ma naꞌbiluk tut orae, te jachik tutꞌil jtul jꞌeleke. Ben tsaꞌam slekil te machꞌa xkuxoj yoꞌtane y sok te slapoj skꞌuꞌ-spakꞌe, yuꞌun ma me tꞌaxaluk a y ma me sta kꞌexlal te ya xꞌilot te tꞌaxale”, xchi te Kajwaltike.

Apocalipsis 19:8

Akꞌtalanbotix ta slapel te lino pakꞌ te ben finoe, te limpio ay, sok te xlemlune —xchiik. Porke te lino pakꞌe jaꞌ seña te toj te tut ya spas te machꞌatik yuꞌun te Diose.

Apocalipsis 2:9

“Joꞌon jnaꞌoj te awokol sok te ameꞌbaale. Pero te jaꞌate jkꞌulejat. Y jnaꞌoj te ma lekuk akꞌoplal ya yalbelat yuꞌun te machꞌatik ya yalik te juriyoike pero ma jaꞌuklan. Jaꞌik jtijkꞌ yuꞌun Satanas.

Apocalipsis 3:17

Yuꞌun te jaꞌate jich ya awal te jkꞌulejate, sok te lek ayat bael, sok te ni maꞌyuk tut palta ya awaꞌiye. Y ni makꞌ ya awaꞌiy aba tutꞌ ayat te toj oꞌol abae, sok te maꞌyuk tut ay awuꞌune, sok te ma xꞌawil kꞌinale, sok te tꞌaxalate.

Apocalipsis 4:4

Ta sjoylejal te mukꞌul naktajibale la kil beintikuatro naktajibaletik te jaꞌ nakajtik a te beintikuatro ta tul te mamalikixe. Sak te skꞌuꞌ-spakꞌ slapojike y yichꞌojik jun korona pasbil ta oro ta sjol.

Apocalipsis 7:13

Ay jtul te machꞌatik lom mamalikixe la sjojkꞌobon: —¿Machꞌatik a to te sak skꞌuꞌ-spakꞌike, sok ba talemik? —xchi.