Apocalipsis 3:14 - Nuevo Testamento Tzeltal de Amatenango

¹⁴ Sok la yalbon: —Tsꞌibabeya xan ta sjun te ángel ta stojol te jtijkꞌ hermanoetik te aylan ta Laodiceae: “Jich ya yal te Machꞌa batsꞌi jiche, te stukel jun yoꞌtan ay ta testigo yuꞌun ta yalel te tut batsꞌi jiche. Jaꞌ ta skuenta te Dios la xchiknates spisil te tutik ay.

Bible in Tzeltal Bachajón

¹⁴ Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios:

Bible in Tzeltal de Oxchuc y Tenejapa

¹⁴ Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

Apocalipsis 3:14 ပူးပေါင်းရင်းမြစ်များ

San Juan 1:3

Spisil te tutik aye stukel ta skuenta te Dios a spase. Ni maꞌyuk jkajuk te tutik pasbile te ma jaꞌuk la spase.

San Juan 8:14

Te Jesuse la sjakꞌtalanbe: —Te tut ya kale bale stukel, aunke joꞌon nax mismo ya kal jba. Yuꞌun te joꞌone jnaꞌoj te ba talemone y jnaꞌoj te ba ya xboone. Yan te jaꞌexe ma xꞌanaꞌik ba talemon, y ma xꞌanaꞌik ba ya xboon.

2 Corintios 1:20

yuꞌun stukel ya skꞌoes ta spasel spisil te tutik yaloj te Diose. Jaꞌ yuꞌun te kꞌalal ya kalbetik slekil te Diose, ya kaltik “Jichuk” ta skuenta te Cristo Jesuse.

Colosenses 1:15

Te Cristoe jaꞌ pajal sok ta ilel te Diose te ma xtailub ta ilele. Jaꞌ nail yuꞌun spisil te tutik aye.

Colosenses 1:18

Y sok xan te Cristoe jaꞌ jolol yuꞌun spisil te machꞌatik xchꞌuunejikixe. Stukel ay ta slijkibal, y stukel primero a chaꞌkux tal te ba ay te animaetike. Jich yuꞌun jaꞌ mukꞌ ay stukel yuꞌun spisil tutik aye.

Colosenses 2:1

Yuꞌun ya jkꞌan ya anaꞌik te lom tulan ayon ta spasel puersa ta akuentaike. Sok ta skuenta te machꞌatik ayik ta Laodiceae y ta spisil te machꞌatik ma to yilojikukon ta jteklejale.

Colosenses 4:16

Ta patil teme laj akꞌoponik jaꞌex te karta to, tikonbeyaik bael te hermanoetik te ayik ta Laodiceae, yuꞌun jich me ya xkꞌo yilik a. Y te jaꞌex teme sujt tal te ba ayex te karta la jpasbey ta stojolike, kꞌoponaik euk.

Apocalipsis 1:11

te la yalbone: —Tsꞌibaya ta jun libro te tut ya awile, y tikonbeya bael te juktijkꞌ hermanoetik te aylan ta estado Asiae: Ta Efeso, ta Esmirna, ta Pergamo, ta Tiatira, ta Sardis, ta Filadelfia, y ta Laodicea —xchi.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 19:11

La kil jamal te chꞌulchane, y teꞌ chiknaj jkojt sakil kawu a. Y te machꞌa moem aye: “Jun Yoꞌtan” y “Batsꞌi Jich” te sbiile. Porke ta stojil ya spasawan ta mantal y ya xjuꞌ yuꞌun tsalaw.

Apocalipsis 2:1

Sok la yalbon: —Tsꞌibabeya ta sjun te ángel te ba ay jtijkꞌ hermanoetik te aylan ta Efesoe: “Jaꞌ to jaꞌ a yal te Machꞌa ay jukeb ekꞌetik ta sbatsꞌil kꞌabe, y sok te yipal ta beel ta yolil te jukchꞌix yawil kꞌajkꞌ te puro oroe.

Apocalipsis 21:6

Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Apocalipsis 22:13

Joꞌon te ayon ta slijkibale y sok ta slajibale. Ayon ta neelal to sok ta patil to, jich tutꞌil te A sok te Z —xchi.

Apocalipsis 22:6

Te ángele la yalbon: —Te kꞌopetik to batsꞌi jich, y ya xjuꞌ ya xchꞌuun awoꞌtan te jich ya xkꞌote. Te Kajwaltik Diose, te la skuentainbe yoꞌtan te jꞌalwanejetike, la stikon tal te ángel yuꞌune, yuꞌun ya yaꞌbe yil te yaj aꞌteletik te tut xba kꞌotuk ta pasel —xchi.

Apocalipsis 3:7

Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.