Apocalipsis 22:6 - Nuevo Testamento Tzeltal de Amatenango

⁶ Te ángele la yalbon: —Te kꞌopetik to batsꞌi jich, y ya xjuꞌ ya xchꞌuun awoꞌtan te jich ya xkꞌote. Te Kajwaltik Diose, te la skuentainbe yoꞌtan te jꞌalwanejetike, la stikon tal te ángel yuꞌune, yuꞌun ya yaꞌbe yil te yaj aꞌteletik te tut xba kꞌotuk ta pasel —xchi.

Bible in Tzeltal Bachajón

⁶ Hich la yalbon te ch'ul a'bat: Melel ha'i c'op ini soc ay ta ich'el ta cuenta. Te Cajwaltic, te Dios yu'un te espírituhetic yu'un te jalwanejetic, sticonej tal te ch'ul a'bat yu'un scuenta yu'un ya ya'be yilic te a'batetic yu'un te bintic nopol ya xc'oht ta pasel, xchi.

Bible in Tzeltal de Oxchuc y Tenejapa

⁶ Soc la yalbon te ch'ul abate: —Ja' in smelelil c'op to, ac'a xch'uun awo'tan. Te Cajwaltic Dios te swentainejbey yo'tanic te j'alwanejetic yu'une, ja' sticunej tel te ch'ul abat yu'une, tal yac'bey yil te abatetic yu'un te bila nopol ya xc'ot bael ta pasele —la yuton.

Apocalipsis 22:6 ပူးပေါင်းရင်းမြစ်များ

San Mateo 13:41

Te Nichꞌanile ya me stikon te chꞌul angeletik yuꞌune, ya xtal stsobik lokel ta balmilal te machꞌatik ya syaleswanik ta mulile sok te machꞌatik ma tsaꞌamuk yatꞌelike.

San Lucas 1:70

Jich te tutꞌil yaloj ta stojol te antibo chꞌul jꞌalwanejetik yuꞌune

San Lucas 16:16

Te mantaliletik yuꞌun te Moisese sok te tuti yalik jilel te jꞌalwanejetik yuꞌun te Diose, jaꞌ nax a spꞌijutesotik stukel jaꞌto te kꞌalal tal te Juane. Jicha lijk ta alel te lek achꞌ kꞌop te tutꞌil ay ta ajwalinel te Diose, y spisil genteetik ya stenten sbaik ochel teꞌa.

Hechos 12:11

Te jPedroe kꞌo snop kꞌinal, y la yal: “Ta ora to la jnaꞌix te batsꞌi jich te jaꞌ a stikon tal chꞌul ángel yuꞌun te Kajwaltike. Yuꞌun tal skoltayon ta skꞌab te jHerodese, sok te tut snopoj ya spasbikon te juriyoetike”, xchi.

Hechos 3:18

Pero jaꞌ a spas kumplir te tut yaloj te Dios ta skuenta spisil te jꞌalwanejetik yuꞌune, te puersa ya xkꞌax swokol te Cristo yuꞌune.

Romanos 1:2

Ta skuenta te jꞌalwanejetik yuꞌune, Dios yalojbeyix skꞌoplal te lekil achꞌ kꞌop to ta xchꞌul sjune.

1 Corintios 14:32

Te machꞌa ya yal te skꞌop Diose, ya xjuꞌ yuꞌun te ya skom sba ta kꞌop sok te yoꞌtane.

1 Corintios 7:29

Kermanotak, te tut ya jkꞌan kalbeyexe, jaꞌ te maꞌyukix ipal kꞌaal. Jaꞌ yuꞌun, te jayebex te nujpunemex jich me awakꞌ anukex te tutꞌil maꞌyuk awinamike.

2 Tesalonicenses 1:7

Y te jaꞌexe ya me yaꞌbeyex a kux awoꞌtanik yuꞌun te awokolile, jich mismo te tutꞌil joꞌotik. Jaꞌ te tut kꞌaalil ya xchiknaj tal te Kajwaltik Jesuse sok te angeletik yuꞌune, te ay spoderike te xpumet sok kꞌajkꞌ te ya xtal ta chꞌulchane.

Hebreos 12:9

Sok te kꞌalal chꞌinotik to ae, te jtatik liꞌ ba balmilale ya stojutesotik y ya kakꞌtik ta jkuenta. ¿Tuꞌun te ma jaꞌuk kꞌax to xan ya kakꞌtik ta jkuenta te Jtatik te ay ta chꞌulchane? Yuꞌun jich ya jtatik a te kuxlejal sbajtel kꞌinale.

2 Pedro 1:21

Porke te jꞌalwanejetike maꞌyuk a yalik ta skꞌanojel nax yoꞌtanik. Sino ke jaꞌik winketik te kꞌopojik ta skuenta Dios te tojuteslanbil yuꞌun te Chꞌul Espiritue.

2 Pedro 3:2

Naꞌaik me te tut la yalik te nail toe te chꞌul jꞌalwanejetike, y sok te smantal te Kajwaltik, te jKoltawanej kuꞌuntike, te la snojpesex te apostoletike.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Apocalipsis 18:20

Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.

Apocalipsis 21:5

Te machꞌa te teꞌ nakal ba ay te mukꞌul naktajibale, la yal: “Joꞌon ya jpas ta achꞌ spisil te tutik aye”, xchi. Sok jich a yalbon: —Tsꞌibaya te tut la kale. Porke te kꞌopetik to batsꞌi jich. Ayuk me smukꞌul awoꞌtan te jich ya xkꞌot ta pasele —xchi.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 22:16

La yal xan te Jesuse: —Joꞌon Jesuson te la jtikon tal te ángel kuꞌune yuꞌun ya yal ta jamal ta spisil to ta stojol te juju-tijkꞌ hermanoetike. Joꞌon slujp kꞌoemon te stsꞌumbal te jDavide. Joꞌon te ekꞌ te ya xojobin ta ben sabe —xchi.

Apocalipsis 22:7

La yal te Jesuse: —Ya me xtalon ta ora. Ben tsaꞌam slekil te machꞌa ya yakꞌ ta jkuenta te skꞌoplal te tut tsꞌibabil liꞌ ba libro to —xchi.

Apocalipsis 4:1

Ta patil tsꞌin to la kil y la jta ta ilel jun tiꞌ puerta jeꞌel ta chꞌulchan, y te kꞌop te la kaꞌiy ta primeroe, te pajal sok te jtujtel yokꞌel kornetae, la yalbon: —Liꞌ xmoat tal to, y ya kakꞌ awil te tutik te puersa ya xkꞌot ta pasel ta patil baele —xchi.