Apocalipsis 22:15 - Nuevo Testamento Tzeltal de Amatenango

¹⁵ Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.

Bible in Tzeltal Bachajón

¹⁵ Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Bible in Tzeltal de Oxchuc y Tenejapa

¹⁵ Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Apocalipsis 22:15 ပူးပေါင်းရင်းမြစ်များ

San Mateo 7:6

“Ma me xꞌawaꞌbe yixlan genteetik te tutik ben tsaꞌam yuꞌun te Diose. Porke ay me pajal yoꞌtanik tut tsꞌiꞌetik te ya xeꞌtalan ta weꞌel te tut ya xꞌaꞌbote sok ya xjuꞌ somex ta tiꞌel euk. Jich te tutik yuꞌun te Diose pajal sok perlaetik te ben tsaꞌam ta ilele. Jaꞌ yuꞌun maꞌyuk machꞌa ya yakꞌ ta ixtalanel ta tekꞌulanel yuꞌun chitametik te perlaetike.

San Mateo 8:12

Pero te machꞌatik skꞌoplal ya xꞌochik te ba ay ta mantal te Diose, jaꞌ me ya yichꞌik chꞌojel bael ta ijkꞌal kꞌinal. Teꞌ me ya xkꞌo yokꞌetay sbaik a, sok teꞌ me ya xkꞌo skꞌuxilan yeꞌik a —xchi te Jesuse.

San Juan 8:46

¿Me ay jtulukex te ya yakꞌ ta ilel te ay jmule? Teme ya kal te tut batsꞌi jiche, ¿tuꞌun te ma xꞌachꞌuunik teꞌ?

Hechos 8:11

Y yakꞌojik ta jkuenta yuꞌun bayalix tiempo te sloꞌlaylanej yuꞌun te tut ma tsaꞌamuk snopoje.

Filipenses 3:2

Ila me abaik yuꞌun te gente te jachik tutꞌil tsꞌiꞌetik te ma tsaꞌamuk yaꞌtelike. Ila me abaik yuꞌun te machꞌa ya sbojbeyex ta atiꞌbalulike.

Colosenses 3:6

Te tutik to, jaꞌ te ya xtal tulan kastigo yuꞌun Dios ta skuenta te machꞌatik ma xchꞌuunike.

1 Timoteo 1:10

sok te machꞌatik ya sꞌantsiwejike, sok te pajal winiketik te ma lekuk tut ya spasik soke, sok te machꞌatik ya yelkꞌanik sok ya xchonik gentee, sok te jloꞌlawanejetike, y sok te machꞌatik palso te tut ya yalik ta testigoe, sok xan te machꞌatik ya spasik te tutik skontrainej te lekil nojpesele.

Apocalipsis 18:23

Sok ma xojobin xan ta atojol te lus yuꞌun te jun lamparae. Sok makꞌ me xꞌaꞌiyotix ta atojol te xniket kꞌin yuꞌun te nujpunele. Aunke te bayal yipik ta balmilal te jchonbajeletik awuꞌune, sok la aloꞌlay ta spisil te nasionetik sok te ma lekuk poxetik yuun pukuje —xchi me.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.