Apocalipsis 22:14 - Nuevo Testamento Tzeltal de Amatenango

¹⁴ Ben tsaꞌam slekil te machꞌatik ya sakꞌ te skꞌuꞌ-spakꞌike yuꞌun ya xkꞌot ta skuenta ekꞌa te teꞌ yuꞌun te kuxlejale. Jich me ya xjuꞌ ya xꞌoch te ba ay te puertaetik yuꞌun te mukꞌul jtejklume.

Bible in Tzeltal Bachajón

¹⁴ Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.

Bible in Tzeltal de Oxchuc y Tenejapa

¹⁴ Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

Apocalipsis 22:14 ပူးပေါင်းရင်းမြစ်များ

San Juan 10:7

Te Jesuse la yaltalanbe xan: —Jaꞌ to jamal ya kalbeyex: Joꞌon te trankaon te ba ya xꞌoch te karneraetike.

San Juan 10:9

Joꞌon te tiꞌ korale. Te machꞌa ya xꞌoch ta jtojole ya me xkol. Jich me ya xkꞌot te tutꞌil jkojt karnera te ya xlokꞌ y ya xꞌoch te ya sta sweꞌele.

San Juan 14:15

“Teme kꞌux ya awaꞌiyikone, ya achꞌuunik spisil te jmantale.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 4:12

Te antibo jtatik Jacobe la yaꞌbotik jilel te poso to te liꞌ mismo la yuchꞌ jaꞌ euk te yuntikile sok te xchambalamike. ¿Meꞌn jaꞌat mas nailat yuꞌun? —xchi te antse.

1 Corintios 7:19

Porke ma tulanuk skꞌoplal teme kichꞌojtik o ma kichꞌojtikuk sirkunsisione. Yan te tut ben tulan skꞌoplale jaꞌ te ya jchꞌuunbetik te mantaletik yuꞌun te Diose.

1 Corintios 8:9

Pero koma me abaik te tutꞌil ayex ta libree yuꞌun te tutꞌ ya xweꞌexe. Ma me teyuk ya sta smul a te machꞌatik ma to ayuk spuersa sok te xchꞌuunel yoꞌtane.

1 Corintios 9:5

y sok ya xjuꞌ ya kikꞌ ta beel kinam te jchꞌuunej Dios sok te ayuke. Jich tutꞌil ya spas te yanetik apostoletike, y sok te yijtsꞌinab Kajwaltike y sok euk te jPedroe.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.

1 Juan 5:3

Te xkꞌuxutayel te Diose jaꞌ teme ya jchꞌuunbetik te mantaliletik yuꞌune. Y te mantaliletik yuꞌune ma aluk ta aꞌiyel.

Apocalipsis 2:7

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe, ya me kꞌabe sweꞌ te sit teꞌ yuꞌun te kuxuyinele te teꞌey ba ay te lekilal yuꞌun te Diose”, uta me —xchi.

Apocalipsis 21:12

Te sjoylejal te mukꞌul jtejklume ay smam makteꞌal ton y lom toyol. Ay lajchayeb puertaetik y ta jujun te puertae ay jtul ángel a. Te ba ay te puertaetike teꞌ tsꞌibalanbil sbiilik a te lajchaytijkꞌ stsꞌumbal Israele.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Apocalipsis 22:2

sok ya xbeen bael ta yolil te smukꞌul kayaul yuꞌun te mukꞌul jtejklume. Y ta juju-jejch te ukꞌume yipal ta chꞌiel te teꞌ yuꞌun kuxlejale, te ya yakꞌ sit ta jujun ue, jaꞌ xyal, te lajchaymel ya yakꞌ ta jaꞌbile. Y te yaꞌnimal teꞌe ya xtuun yuꞌun ya slekutes a te nasionetike.

Apocalipsis 22:7

La yal te Jesuse: —Ya me xtalon ta ora. Ben tsaꞌam slekil te machꞌa ya yakꞌ ta jkuenta te skꞌoplal te tut tsꞌibabil liꞌ ba libro to —xchi.

Apocalipsis 7:14

La kalbe: —Jaꞌat anaꞌoj, kajwal —xkut. Y jich a yalbon: —Jaꞌlan to te machꞌatik te kꞌaxemik tal ta tulan wokole. Jaꞌlan te machꞌatik sakꞌojik te skꞌuꞌ-spakꞌike y jaꞌ sakutesojik a te xchꞌichꞌel te Chꞌin Karnerae.