Apocalipsis 22:11 - Nuevo Testamento Tzeltal de Amatenango

¹¹ Te machꞌa maꞌ tsaꞌamuk tut ya spase, a me spas bael; y te machꞌa ma lekuk yoꞌtane, sigueuk sok te ma lekuk yoꞌtane. Pero te machꞌa lek yoꞌtane, a me spas bael te tut leke; y te winik te tojutesbilix yuꞌun te Diose, sigueuk me jun yoꞌtan —xchi.

Bible in Tzeltal Bachajón

¹¹ Te mach'a ma tojuc, ac'a spas xan te bin ma tojuque; te mach'a bohloben, bohloben ac'a hiluc; te mach'a toj yo'tan, ac'a spas xan te bin toj ta pasel; soc te mach'a ch'ultesbil, ch'ultesbil ac'a hiluc.

Bible in Tzeltal de Oxchuc y Tenejapa

¹¹ Te mach'a amen yo'tane, jichuc ac'a spas xan bael te bila amene. Te mach'a bol yo'tane, jichuc ayuc bael te yo'tane. Yan te mach'a lec yo'tane, ac'a spas xan bael te bila lec ta pasele; soc te mach'a ch'ultesbil yu'un te Diose, ch'ultesbiluc me bael te yo'tane” —la yuton.

Apocalipsis 22:11 ပူးပေါင်းရင်းမြစ်များ

San Mateo 15:14

Teꞌ yil sbaik a, te ya stojutesik ta be te choketike, pero pajal chok kꞌoem sok. Teme jtul chok ya stojutes ta be te jtul xan choke, pajal me ya xchꞌay sok koel ta chꞌen —xchi te Jesuse.

San Mateo 21:19

La yil pejt ikux te ay ta tiꞌbee, tijilaj bael teꞌa. Pero maꞌyuk sit a stabe. Puru yaꞌnimal nax ay. Te Jesuse la yalbe te ikuxe: —Ni jaymel ya awakꞌ asit —la yut. Y tsꞌin a takej te ikuxe.

San Mateo 25:10

“Pero baemik tal ta smanel spetrolioik a te joꞌtul aꞌchetik te maꞌyuk spꞌijil yoꞌtanike, jul te jnujpunele. Te joꞌtul aꞌchetik te chapalik sok skantilike la sjoyinik ochel te jnujpunel te ba ya spas kꞌine, y stsꞌusot te puertae.

San Mateo 5:45

Jich me yal-xnichꞌanex ya xkꞌoex te jTatik te ay ta chꞌulchane. Jich pajal ya yakꞌ lokꞌuk tal kꞌajkꞌal ta stojol machꞌatik lek yoꞌtanik sok machꞌatik ma lekuk yoꞌtanik. Sok pajal ya yakꞌ tal jaꞌal ta stojol te machꞌatik toj ta genteile y sok machꞌatik ma tojuke.

San Mateo 5:6

“Ben me tsaꞌam slekilik te machꞌatik jun yoꞌtanik ta spasel te tut ya skꞌan te Diose, jich me ya xkoltayot yuꞌun.

San Juan 8:21

Te Jesuse la yal xan: —Te joꞌone ya xboon, y te jaꞌexe ya xba aleikon. Pero akuchoj amulik ya xchamex. Te ba ya xboon te joꞌone, te jaꞌexe ma spas xbaex teꞌa —xchi.

Efesios 5:27

Yuꞌun jich me ya xkꞌaxik ta stojol jich tutꞌil jtijkꞌ hermanoetik te ben tsaꞌam slekilike. Te maꞌyukix yijkꞌal sok maꞌyuk ixtaꞌajem sok maꞌyuk tut chikan, yuꞌun yichꞌojix lekutesel y tojobenix.

Colosenses 1:22

Pero te ora to Dios la yakꞌ te ya xjunaj awoꞌtanik soke ta skuenta Cristo, jaꞌ te tutꞌil kꞌax swokol ta milel sok te stiꞌbalule. Jich a spas, yuꞌun jich me ya ataik tutꞌil lek ya xkꞌoex ta skuentae, te chꞌultesbilex, sok te maꞌyuk awijkꞌalik ta skuenta, sok te maꞌyuk amulike.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.

Apocalipsis 16:21

Y ta chꞌulchan chꞌay tal koel ta sba te gentee mukꞌul bat te kꞌaxem yalal ta kuarenta kiloe. Y te genteetike la yalik tutik la stoyba-kꞌoptay ta skontrainel te Dios yuꞌun te tulan wokol yuꞌun te bate, porke jun tulan kastigo a kꞌot.

Apocalipsis 22:3

Ni maꞌyukix teꞌa te tut ya xꞌakꞌot bael ta chꞌayele. Te smukꞌul naktijib te Diose y sok te chꞌin karnerae te ay ta yolil te mukꞌul jtejklume, y te jꞌaꞌteletik yuꞌune ya xꞌichꞌot ta mukꞌ yuꞌunik teꞌa.