Apocalipsis 21:8 - Nuevo Testamento Tzeltal de Amatenango

⁸ Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Bible in Tzeltal Bachajón

⁸ Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Bible in Tzeltal de Oxchuc y Tenejapa

⁸ Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 21:8 ပူးပေါင်းရင်းမြစ်များ

San Mateo 10:28

Ma me xiꞌanik yuꞌun te machꞌa ya skꞌan smilbeyex te atiꞌbalulike, pero ma xjuꞌ yuꞌunik te ya smilbeyex stukel te achꞌulelike. Jaꞌ me xꞌaxiꞌik te machꞌa ya xjuꞌ yuꞌun te ya yakꞌex ta lajel sok te atiꞌbalulike sok achꞌulel te ba kꞌakꞌ te max tupꞌ sbajtel kꞌinale.

San Mateo 25:25

Jaꞌa xiꞌon yuꞌun. Jich ba jmuk ta lum te takꞌine. Awil, liꞌ me ay to te tut kichꞌojbeyate”, xchi.

San Mateo 8:26

La yal te Jesuse: —¿Tut yuꞌun te ben xiꞌexe? Maꞌyuk tut xchꞌuunej awoꞌtanik ya kil —xchi. Jich a stejkꞌan sba jajchel, la skom te ikꞌe sok te jaꞌe, y ben tsaꞌam a jil.

San Marcos 9:44

te ba ma xcham sjaul te machꞌatik ya sle smulike, sok te ba kꞌajkꞌ nunka xtupꞌ sbajtel kꞌinal.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

2 Tesalonicenses 2:9

Te tutꞌil ya xtal te machꞌa ma lekuke, jaꞌ me ya xkoltayot yuꞌun te pukuje. Ya me xtal yakꞌ ta ilel bayal spoder y sok seña milagroetik te skuenta loꞌlayele.

1 Timoteo 4:2

Jaꞌ ya yakꞌ ta jkuenta te gente te ma tsaꞌamuk yoꞌtanike y te puro lot ya yalik soke. Kꞌax tulanejemix yoꞌtanik.

Tito 1:16

Ya yalik te snaꞌojbe sba te Diose. Pero ta skuenta te tut ya spasike, ya xchiknaj te ma snaꞌbe sbae. Jpꞌajawetik sok jkꞌaxintawanejetik. Ni ma xjuꞌ yuꞌun spasel te tut lek ta pasele.

Hebreos 12:24

sok te ba ay Jesus, te tejkꞌanbil ta kꞌop yuꞌun te yachꞌil tratee, sok te ba ay te xchꞌichꞌel te jaꞌ a slekutesotike, te kꞌax ben tsaꞌam ya yalbotik ke te xchꞌichꞌel jꞌAbele.

Hebreos 13:4

Ta apisilik akꞌaik me ta jkuenta te nujpunele. Y ma me akapik ta mulil te jun nax awayibike, porke Dios ya yichꞌ jkuenta te machꞌatik ya xꞌantsiweje y te machꞌatik ya xkremiweje.

1 Juan 2:22

¿Machꞌa a te jloꞌlawaneje? Jaꞌ te machꞌa ya yal te ma jaꞌuk Cristo te Jesuse. Jaꞌ bi, jaꞌ skontra te Cristoe, yuꞌun ma xyakꞌ ta akꞌel ta jkuenta te Tatile sok te Nichꞌanile.

1 Juan 3:15

Spisil te machꞌa ya spꞌaj te yermanoe, jaꞌ jmilaw abi. Y te jaꞌexe anaꞌojik te ni jtuluk jmilaw ya xjuꞌ ya sta te kuxlejal sbajtel kꞌinal stukele.

1 Juan 5:10

Te machꞌa ya xchꞌuun te Xnichꞌan Dios, ay ta yoꞌtan te testigo-kꞌope. Te machꞌa ma xchꞌuune, jaꞌ skuyoj ta jle-lot te Diose, porke ma xchꞌuun te testigo-kꞌop te Dios a yalbe ta skuenta te Xnichꞌane.

Apocalipsis 14:10

ya me yichꞌ te tulan kastigo yuꞌun Dios, te jich chapalix te maꞌyuk skꞌap te ayix ta yawil yuꞌun te kastigo yuꞌun Diose. Y ya me xꞌaꞌbot kꞌaxuk bayal swokolik ta kꞌajkꞌ y sok asufre ta stojol te chꞌul angeletik y sok te Chꞌin Karnerae.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

Apocalipsis 2:11

“Te machꞌa ay xchikine a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe makꞌ me yil swokolik xchꞌinuk yuꞌun te xchꞌamelal lajele”, uta me —xchi.

Apocalipsis 2:2

“Joꞌon jnaꞌoj spisil te tut ya apase. Kiloj te tulan ya xꞌaꞌtejate, y te ya stsꞌijk awuꞌune, y jnaꞌoj te ma xkujch awuꞌun te machꞌatik ma lekikuke. Y jnaꞌoj te awilojix tutꞌ ay yoꞌtanik te machꞌatik te ya skuy sbaik ta apostole y ma jaꞌukik, y ataojbeyix slotik.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.

Apocalipsis 9:17

Jich yilel te kawuetik sok te machꞌatik moemik aye te la yaꞌbelon kile: Te machꞌatik moemik aye smakojik te stiꞌ yoꞌtane ta jun smajkil te pajal sok yilel te kꞌajkꞌe: asultik sba sok kꞌankꞌantik sba. Te sjol te kawuetike jachik tutꞌil sjol choj, y ta stiꞌ ya xlokꞌ kꞌajkꞌ a sok chꞌail y sok asufre.

Apocalipsis 9:21

Y ni maꞌ yijkitayik te milawe, ni te spasel akꞌ-chamele, ni te antsiwejele, ni te elekꞌe.