Apocalipsis 21:6 - Nuevo Testamento Tzeltal de Amatenango

⁶ Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Bible in Tzeltal Bachajón

⁶ Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

Bible in Tzeltal de Oxchuc y Tenejapa

⁶ Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

Apocalipsis 21:6 ပူးပေါင်းရင်းမြစ်များ

San Juan 4:10

Te Jesuse la sjakꞌbe: —Te yauk anaꞌ te tut ya yakꞌ te Diose sok te yauk anaꞌbon jba, joꞌon te ya jkꞌanbeyat jaꞌe, jaꞌat me ya akꞌanbon jaꞌ te jichuke. Jich me ya kaꞌbeyat te kuxul jaꞌ stukele —xchi.

San Juan 4:11

Te antse la yalbe: —Xiꞌlel, maꞌyuk tut ay awuꞌun yuꞌun ya alokꞌes tal a te jaꞌe, yuꞌun ben toyol te posoe. ¿Ba xba ata te kuxul jaꞌ te ya awaꞌbone?

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

Romanos 3:24

Pero te Diose, ta slekil yoꞌtan y majtanil nax te la yakꞌotik ta libre yuꞌun te jmultike, ta skuenta te tojbilix jmultik yuꞌun te Cristo Jesuse.

Romanos 8:32

Te Diose maꞌ spꞌajotik ni te batsꞌi Xnichꞌane, asta la yakꞌ entregal ta lajel ta joꞌotik ta jkajtik. Teme jich a yaꞌbotik ta majtanil te Xnichꞌane, ¿me makꞌ ya yaꞌbotik spisil te tut ya jkꞌantike?

1 Corintios 2:12

Y te joꞌotike ma jaꞌuk kichꞌojtik te spꞌijil te balmilale. Jaꞌ kikꞌojtik te Espíritu te tikonbil tal yuꞌun te Diose, yuꞌun jich me ya jnaꞌbeytik sluwar a te tutik yakꞌojbotik te Diose ta skuenta slekil yoꞌtan.

1 Corintios 3:12

Te tutik ya yichꞌ tsꞌakel moel ae, ay jtul ya xlijk spas ta oro, ta plata y ta ben tsaꞌam ton, o ta teꞌ, o ta ak, o ta kꞌajben.

1 Corintios 3:21

Jaꞌ yuꞌun ma me ayuk machꞌa lom bujtsꞌan kꞌinal ya yaꞌiy yuꞌun ta skuenta jtul winik te jaꞌ ya stsꞌakliye. Yuꞌun spisil te tutik aye, jaꞌex awuꞌunik.

1 Corintios 3:5

Ya skꞌan ya anaꞌik: ¿Machꞌa a te jPabloe? ¿Y machꞌa a te Apolose? Kꞌouk ta awoꞌtanik te abat nax ayotik yuꞌun Dios te la kaꞌbeyex achꞌuunikix te Kajwaltike. Yuꞌun ta juju-tul te joꞌotike jaꞌ la jpastik te aꞌtel a yaꞌbotik te Kajwaltike.

Apocalipsis 1:11

te la yalbone: —Tsꞌibaya ta jun libro te tut ya awile, y tikonbeya bael te juktijkꞌ hermanoetik te aylan ta estado Asiae: Ta Efeso, ta Esmirna, ta Pergamo, ta Tiatira, ta Sardis, ta Filadelfia, y ta Laodicea —xchi.

Apocalipsis 1:17

Te kꞌalal la kile, tꞌuxajon koel ta yok, jachik a kꞌoon te tutꞌil machꞌa chamenixe. Pero jaꞌ la yakꞌ tal sbatsꞌil kꞌab ta jtojol, sok la yalbon: —Ma me xiꞌan. Joꞌon ayon ta slijkibal y sok ta slajibal.

Apocalipsis 1:8

“Joꞌon ayon ta slijkibal y sok ta slajibal”, xchi te Kajwaltike te spisil ya xjuꞌ yuꞌune, te stalel aye, sok te stalel ay ta namey, sok te stalel ay ta sbajtel kꞌinal.

Apocalipsis 10:6

Y la yal ta jamal ta stojol te Machꞌa kuxul ta sbajtel kꞌinale te la spas chꞌulchan, balmilal, sok mar, y ta spisil te tutik aylan aye. La yal: “Maꞌyukix jal tiempo.

Apocalipsis 16:17

Te sjukebal ángele la smal bael te sbasoe ta ikꞌ. Y te ba templo ta chꞌulchane, lokꞌ tal jun tulan kꞌop te teꞌ lijk tal baꞌ ay te mukꞌul naktajibale, y la yal: “Juꞌix ta pasel”, xchi.

Apocalipsis 22:13

Joꞌon te ayon ta slijkibale y sok ta slajibale. Ayon ta neelal to sok ta patil to, jich tutꞌil te A sok te Z —xchi.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

Apocalipsis 3:14

Sok la yalbon: —Tsꞌibabeya xan ta sjun te ángel ta stojol te jtijkꞌ hermanoetik te aylan ta Laodiceae: “Jich ya yal te Machꞌa batsꞌi jiche, te stukel jun yoꞌtan ay ta testigo yuꞌun ta yalel te tut batsꞌi jiche. Jaꞌ ta skuenta te Dios la xchiknates spisil te tutik ay.

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.