Apocalipsis 21:4 - Nuevo Testamento Tzeltal de Amatenango

⁴ Ya me skustalanbot yaꞌlel sitik yuꞌun. Y ma me ayukix lajel a, ni okꞌel, ni ajtal-oꞌtan, ni tut kꞌux. Porke spisil te tut ay ta nail toe, chꞌayix bael”, xchi.

Bible in Tzeltal Bachajón

⁴ Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.

Bible in Tzeltal de Oxchuc y Tenejapa

⁴ Soc ya me scusbot ya'lel sitic yu'un te Diose. Soc ma'yuquix te lajele soc te oq'uele soc te mel-o'tane soc te bila ay xc'uxule. Yu'un te bila ay ta neelale, ch'ayix bael ta spisil”, xi' la caiy.

Apocalipsis 21:4 ပူးပေါင်းရင်းမြစ်များ

San Mateo 24:35

Te chꞌulchane sok te balmilale ya me xlaj stukel. Yan te jkꞌope ma xlaj skꞌoplal stukel.

1 Corintios 15:26

Y te slajibal skontra te ya yichꞌ lajinele, jaꞌ te lajele.

1 Corintios 7:31

Y te jayebex ay tut ya atuuntesik tut ay liꞌ ba balmilale, jich me skꞌan xꞌanex te tutꞌil maꞌyuk tut ya atuuntesike. Porke te balmilal to te ya kiltike ya me xlaj jilel stukel.

2 Corintios 5:17

Jich yuꞌun te machꞌa jun nax ay sok te Cristoe achꞌ genteix. Te tutꞌil ay te nail toe, kꞌaxix bael; te tutꞌ ayix te ora to, achꞌubenix.

2 Corintios 6:17

Jaꞌ yuꞌun jich a yal euk te Kajwaltike: “Lokꞌanik tal te ba yolilike y parte xꞌawakꞌ abaik. Ma me atsakik te tut ya xꞌixlanwane. Jich me joꞌon ya kikꞌex.

Hebreos 12:27

Te tut la yal: “Jmel xan ya jnik”, te xchie, jich ya jnaꞌtik a te ya sjim te tutik yichꞌoj pasele, te tutik ya xjuꞌ ta nikele. Jaꞌ xanix ya xjil te tut ma spas ta nikele.

2 Pedro 3:10

Pero te tut kꞌaalil ya xtal te Kajwaltike, ya xtal jichuk jꞌelekꞌ ta ajkꞌubal. Jich ora ya xlaj te chꞌulchane, te xiꞌxiꞌtik ta aꞌiyele. Te tutik pasbile ya me xlaj ta kꞌajkꞌ, y te balmilale sok spisil te tutik ay ae ya me xlaj ta chikꞌel.

1 Juan 2:17

Pero te balmilale yipal bael ta lajel, y sok spisil te tut ma lekuk ta kꞌanele. Yan te machꞌa jaꞌ ya spasbe te tut ya skꞌan yoꞌtan te Diose, ya xkuxuyin sbajtel kꞌinal stukel.

Apocalipsis 20:13

Te mare la yakꞌ entregal te machꞌatik te chamenik aye. Te lajele y sok te yawil animaetike la yakꞌ entregal te machꞌatik teꞌeyik aye. Y spisilik a ichꞌtalanot jkuenta ta juju-tul, chikan te tut spasojike.

Apocalipsis 20:14

Te nax a te lajele sok te yawil animaetike la yichꞌik chꞌojel ochel ta kꞌajkꞌ te ba yipal ta tilele. Te kꞌajkꞌ te yipal ta tilele jaꞌ te xchaꞌmelal lajele.

Apocalipsis 21:1

Ta patil la kil jun achꞌ chꞌulchan y jun achꞌ balmilal. Porke te primero chꞌulchan y te primero balmilale chꞌayikix bael, y jich ekꞌa te mare.

Apocalipsis 22:3

Ni maꞌyukix teꞌa te tut ya xꞌakꞌot bael ta chꞌayele. Te smukꞌul naktijib te Diose y sok te chꞌin karnerae te ay ta yolil te mukꞌul jtejklume, y te jꞌaꞌteletik yuꞌune ya xꞌichꞌot ta mukꞌ yuꞌunik teꞌa.

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.