Apocalipsis 21:14 - Nuevo Testamento Tzeltal de Amatenango

¹⁴ Te smakteꞌal ton te mukꞌul jtejklume ay yichꞌoj lajchayeb tonetik yuꞌun yiptajib, te teꞌ tsꞌibabil sbiilik a te lajchaytul apostoletik yuꞌun te Chꞌin Karnerae.

Bible in Tzeltal Bachajón

¹⁴ Ay lahchayeb yich'o-ip te ts'ahc yu'un te muc'ul pueblo, tey ts'ihbalambil sbihilic a te lahchaytuhl jpuc-c'opetic yu'un te Jcolel Tuminchije.

Bible in Tzeltal de Oxchuc y Tenejapa

¹⁴ Ay lajchayeb ton yiptajib te sts'ajc'ul te lume ta bay ts'ibubil sbiilic te lajchaytul jpuc-c'opetic yu'un te Alalchije.

Apocalipsis 21:14 ပူးပေါင်းရင်းမြစ်များ

San Mateo 16:18

Joꞌon ya kal te jaꞌat jPedroat, te pꞌej ton kꞌoemat te ya kakꞌ ipajuk a te jchꞌuuneletik kuꞌune. Te jchꞌuuneletik kuꞌune ma xjuꞌ te ya stsalot yuꞌun yip te lajele.

Hechos 1:26

Jich a yilik te machꞌa suerte te ya xkꞌote y jaꞌa kꞌot ta skuenta te jMatiase. Mismo tiempo a la sjoyin sba sok te buluchtul apostoletike.

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

Efesios 2:20

Te jaꞌexe jich kꞌoemex tutꞌil jun mukꞌul na te lijkesbil yiptajib yuꞌun, jaꞌ te apostoletike y sok te jꞌalwanejetike. Y te Jesucristoe ja stonil te xchikin nae.

Efesios 3:5

te tut mukul ay te maꞌyuk machꞌa aꞌbot snaꞌ te ay tal kꞌaale. Pero te ora to Dios la yakꞌix ta naꞌel ta skuenta te chꞌul apostoletike y sok te jꞌalwanejetike ta skuenta te Espíritu yuꞌune.

Efesios 4:11

Y stukel mismo la yakꞌ te majtaniletik te ay apostoletike y machꞌatik ya yalik te skꞌop Diose, y yan ya yalbe skꞌoplal te kolele y ay yan pastoretik y maestroetik.

Hebreos 11:10

Porke te jꞌAbrahame la smaliy te ya xba slumalin te mukꞌul jtejklum te tulan ay yiptajibe, te jaꞌ la xchap te Diose y stukel a spas.

Judas 1:17

Pero te jaꞌexe, kermanotak te kꞌuxex ta koꞌtane, naꞌaik me te tut la yalik te apostoletik yuꞌun te Kajwaltik Jesucristoe.

Apocalipsis 18:20

Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Apocalipsis 21:13

Ay oxeb puertaetik ba stojil xlokꞌ tal kꞌajkꞌale, oxeb ta stojil norte, oxeb ta stojil sur y oxeb ta stojil xchꞌay kꞌajkꞌal.