Apocalipsis 21:10 - Nuevo Testamento Tzeltal de Amatenango

¹⁰ Y te tut la yaꞌbon kil te Espiritue, jaꞌ te la yikꞌon bael te ángel ta jun mukꞌul wits te lom toyole. Y la yaꞌbon kil te mam mukꞌul jtejklum, jaꞌ te Chꞌul Jerusalene, te yipal tal ta koel ta chꞌulchan ta stojol te Diose.

Bible in Tzeltal Bachajón

¹⁰ Hich ta scuenta te Espíritu la yic'on bahel ta muc'ul toyol wits, la ya'bon quil te muc'ul ch'ul pueblo Jerusalén te yac ta cohel tal ta ch'ulchan ta stojol Dios.

Bible in Tzeltal de Oxchuc y Tenejapa

¹⁰ Te Espíritu la yic'on bael ta bay te muc'ul toyol witse. Tey la yac'bon quil a te muc'ul ch'ul lum Jerusalén te yac ta coel tel ta ch'ulchan te loc' tel ta stojol te Diose.

Apocalipsis 21:10 ပူးပေါင်းရင်းမြစ်များ

Hechos 8:39

Te kꞌalal lokꞌik tal ta jaꞌe, te Espíritu yuꞌun te Kajwaltike ora nax a yikꞌ bael te Felipee, y te etiope-winike ma staꞌix ta ilel a. Pero lijk xan bael ta beel, ben jun kꞌael yoꞌtan.

Gálatas 4:26

Pero te Jerusalen te ay ta chꞌulchan libre ay stukel, y joꞌotik yuntikilotikix.

Apocalipsis 1:10

Y kꞌot ta pasel jun kꞌaal yuꞌun te Kajwaltike la sjapuyon ta spoder te Espiritue, y la kaꞌiy a kꞌopoj tal ta jpat jun tulan kꞌop, jachik tutꞌil ya xꞌokꞌ korneta,

Apocalipsis 11:2

Pero ma me apꞌis stukel te yamakꞌul te temploe, porke jaꞌa aꞌbotix ta skuenta te machꞌatik ma xchꞌuunejuk te Diose. Jaꞌ te machꞌatik ya xba sjuꞌik ta tekꞌel te chꞌul mukꞌul jtejklum te ya xjalaj oxeb jaꞌbil sok olile.

Apocalipsis 17:3

Te nax a, ay tut la yaꞌbon kil te Espiritue. Te ángele la yikꞌon bael ta jojchol tꞌantꞌan luwar. Teꞌ kil jtul ants a te kajal ta jkojt tsajal chanbalam te lom yane. Te skojtol stsꞌibabil biililetik te puru toyba-kꞌopetik ta stojol te Diose. Y ay jukeb sjol y lajuneb xulbal.

Apocalipsis 21:2

La kil chꞌul mukꞌul jtejklum, jaꞌ te achꞌ Jerusalene, te yipal tal ta koel ta chꞌulchan ta stojol te Diose. Lek chapal jachik tutꞌil achꞌix te ya xnujpune.

Apocalipsis 3:12

“Te machꞌatik ya xjuꞌ yuꞌunik tsalawe ya me kakꞌtalan ta yiptajib te ba templo yuꞌun te Dios kuꞌune. Y ni maꞌyuk tut ora te ya xlokꞌik xan teꞌa. Y ya me jtsꞌibabey ta stojolik te sbiil te Dios kuꞌune y sok te sbiil te mukꞌul jtejklum yuꞌun te Diose kuꞌune. Jaꞌ te achꞌ Jerusalen te ya xkoj tal ta chꞌulchan ta ba ay te Dios kuꞌune. Y jich me ya jtsꞌibabey ta stojolik te yachꞌil jbiile.

Apocalipsis 4:2

Mismo tiempo a la sjapuyon ta spoder te Espiritue, y la kil mukꞌul naktajibal te chapbil ta chꞌulchane y ay Machꞌa te nakal a te ba ay te mukꞌul naktajibale.