Apocalipsis 20:2 - Nuevo Testamento Tzeltal de Amatenango

² Te ángel to la stsak te chanbalam te xiꞌbentik sbae, jaꞌ te antibo chan te pukuj sok Satanas sbiile, y la xchuk ta kadena jmil jaꞌbil.

Bible in Tzeltal Bachajón

² La stsac te dragón, te antiguo chan, ha te pucuj o Satanás, la schuc lajunwinic yoxbahc' (1,000) ha'bil.

Bible in Tzeltal de Oxchuc y Tenejapa

² Te ch'ul abate la stsac te muc'ul chan te xiweltic sba ta ilele, te ja' te namey q'uinal chan te pucuj soc Satanás xi' te sbiile. Te ch'ul abate la xchuc ta cadena jmil (1,000) ja'wil.

Apocalipsis 20:2 ပူးပေါင်းရင်းမြစ်များ

San Mateo 19:29

Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal.

San Mateo 8:29

Lijk awunikuk te winketike, jicha yalik: —Jesus, ¿tuꞌun te tal awochintayotike?, jaꞌat te Xnichꞌanat Diose. ¿Me yuꞌun tal awilbajinotik te ma to sta skꞌaalele? —xchiik ta aw.

San Marcos 4:15

Te tsꞌunubil te kꞌot ta bee pajal kꞌoem sok te machꞌatik ya yaꞌiyik te skꞌop Diose, pero laj to nax yoꞌtanik ta yaꞌiyel a, ya xtal te Satanase, ya spojbe te skꞌop Dios te tsꞌunbot ta yoꞌtane.

San Marcos 5:7

Jich xꞌawet ta yalel: —Jesus, ¿tuꞌun a tal awochintayon?, jaꞌat te Xnichꞌanat te kuxul Dios te ay ta chꞌulchane. Ya kalbeyat wokol sok Dios, ma me xawilbajinon —xchi ta aw.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

Romanos 16:20

Te Dios te ay bujtsꞌan kꞌinal ta skuentae, nopolix te ya yaꞌbeyex apuchꞌik ta tekꞌel te pukuje. Te Kajwaltik Jesucristoe a me yaꞌbeyex bendision.

Hebreos 2:14

Jich tutꞌil jun nax stiꞌbalul te yuntikil te jwol nae, jich euk te Jesuse la yichꞌ stiꞌbalul y xchꞌichꞌel jich tutꞌi gente, yuꞌun ta skuenta te ya xchame jich ya slajinbey spoder te machꞌa ya xmilawane, jaꞌ bi, jaꞌ te pukuje.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

2 Pedro 2:4

Dios maꞌ spasbe perdon te angeletik te mulawike, sino ke chꞌojtalanot ochel ta kastigo. Teꞌ la yakꞌtalan jilel ta ijkꞌal kꞌinal, chukajtik ta kadena y kꞌejtalanbil jilel yuꞌun te tut ora ya sta skꞌaalel te chapele.

Judas 1:6

Y sok te angeletik te ma yakꞌik ta jkuenta te yaꞌtel aꞌbilike, sino ke la sjilesik te sluwarik ba ayike, jmel nax chuktalanbil ta ijkꞌal kꞌinal yuꞌun te tut ora ya sta skꞌaalel te ichꞌel ta jkuenta yuꞌun te Diose.

Apocalipsis 12:13

Te kꞌalal la yil te mukꞌul chan te chꞌojot tal koel ta balmilale, la snuts te ants te ay ayinem te xchꞌin kereme.

Apocalipsis 12:15

Te chane la xchꞌoj lokꞌel jaꞌ ta stiꞌ yuꞌun ya skꞌajtates ta mukꞌul ukꞌum yuꞌun ya xbajt ta jaꞌa te antse.

Apocalipsis 12:17

Jich mas a ilin te mukꞌul chan ta skontrainel te antse, y ba yaꞌbe sba sok ta skontrainel te jayeb xan stsꞌumbal jilem te antse. Jaꞌ te machꞌatik ya xchꞌuunbeyik te mantaliletik yuꞌun te Diose, y sigue ben jun yoꞌtanik sok te tut batsꞌi jich yaloj te Jesucristoe.

Apocalipsis 12:3

Te nax a chiknaj ta chꞌulchan jun xan señail: jun mam mukꞌul chan te xiꞌbentik sbae. Tsaj te skolorile sok ay jukeb sjol, lajuneb xulbal, y jujun skorona te jujun sjole.

Apocalipsis 12:4

Sok te snee la smes xejtꞌ ta yoxxejtꞌel te ekꞌetik ta chꞌulchan y la xchꞌoj koel ta sba balmilal. Te mukꞌul chane la stejkꞌan sba ta stojol te ants te ya xpajtix yoꞌtan ae, yuꞌun ya stiꞌbey ta ora te kꞌalal ya xꞌayin te xchꞌin yale.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 13:2

Te chanbalam to te lom xiꞌbentik sba te la kile, pajal sok yilel te jkojt leopardoe. Te yok skꞌabe jachik tutꞌil yok skꞌab oso, y te stiꞌe jachik tutꞌil stiꞌ choj. Te mukꞌul chan la yaꞌbe spoder y sok snaktajib y bayal yaꞌtel.

Apocalipsis 13:4

La yichꞌik ta mukꞌ te mukꞌul chan, yuꞌun jaꞌ la yaꞌbe yaꞌtel te chanbalam te xiꞌbentik sbae, sok la yichꞌik ta mukꞌ euk te chanbalame. La yalik: “¿Machꞌa me pajal sok te chanbalam to te xibꞌentik sbae, y machꞌa kꞌan yaꞌbe sba sok ta skontrainel?” xchiik.

Apocalipsis 20:10

Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.

Apocalipsis 20:7

Te kꞌalal tsꞌakayix a te jmil jaꞌbile, te pukuje ya skolesot te ba chukule.

Apocalipsis 9:11

Te statal yuꞌun te kꞌulubetike, ja te ángel yuꞌun te chꞌen te lom toyole. Te sbiil ta hebreo-kꞌope: Abadon, y ta griego-kꞌope: Apolion.