Apocalipsis 20:11 - Nuevo Testamento Tzeltal de Amatenango

¹¹ La kil jun mam mukꞌul sakil naktajibal, y te machꞌa teꞌ nakal aye. Ta sit lokꞌ bael ta anel ta stojol te chꞌulchan sok te balmilale, y ni maꞌ ba staikix sluwarik a.

Bible in Tzeltal Bachajón

¹¹ La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Bible in Tzeltal de Oxchuc y Tenejapa

¹¹ La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Apocalipsis 20:11 ပူးပေါင်းရင်းမြစ်များ

San Mateo 11:22

Pero ya kalbeyex: Tulan me kastigo ya yichꞌ te jtejklum Corazin sok te jtejklum Betsaida te tut ora ya xꞌilbot yaꞌtelik yuꞌun Dios te genteetike. Yan te jtejklum Tiro sok Sidon ma sta jich kastigo ya yichꞌ stukelik.

San Mateo 24:35

Te chꞌulchane sok te balmilale ya me xlaj stukel. Yan te jkꞌope ma xlaj skꞌoplal stukel.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

Romanos 2:5

Pero te jaꞌate, lom tulan awoꞌtan, y ma xꞌakꞌan ya asujtes awoꞌtan ta stojol Dios. Jaꞌat mismo yipalat ta sleel mas kastigo ta atojol te ya sta skꞌaalel te kastigoe, te kꞌalal ya xchiknaj te Diose, ya xtal yalbe ta jamal te machꞌa ya yichꞌ kastigoe,

2 Pedro 3:7

Pero te chꞌulchane y sok te balmilal te chikan ora to, chapalix yuꞌun ya xlaj ta kꞌajkꞌ, yuꞌun jaꞌ mismo smantal te Diose. Jaꞌ ya xlaj ta kꞌajkꞌ te tut ora ya sta skꞌaalel te ya yichꞌ chapel te machꞌatik ma lekikuke sok te ya xꞌakꞌtalanot bael ta chꞌayele.

Apocalipsis 12:8

maꞌ juꞌ yuꞌunik stsalel y maꞌ staix sluwarik a te ba chꞌulchane.

Apocalipsis 16:20

Spisil te chꞌin luwaretik te joybil ta jaꞌe y sok te witstikile, laj chꞌay bael.

Apocalipsis 19:11

La kil jamal te chꞌulchane, y teꞌ chiknaj jkojt sakil kawu a. Y te machꞌa moem aye: “Jun Yoꞌtan” y “Batsꞌi Jich” te sbiile. Porke ta stojil ya spasawan ta mantal y ya xjuꞌ yuꞌun tsalaw.

Apocalipsis 20:2

Te ángel to la stsak te chanbalam te xiꞌbentik sbae, jaꞌ te antibo chan te pukuj sok Satanas sbiile, y la xchuk ta kadena jmil jaꞌbil.

Apocalipsis 21:1

Ta patil la kil jun achꞌ chꞌulchan y jun achꞌ balmilal. Porke te primero chꞌulchan y te primero balmilale chꞌayikix bael, y jich ekꞌa te mare.

Apocalipsis 21:5

Te machꞌa te teꞌ nakal ba ay te mukꞌul naktajibale, la yal: “Joꞌon ya jpas ta achꞌ spisil te tutik aye”, xchi. Sok jich a yalbon: —Tsꞌibaya te tut la kale. Porke te kꞌopetik to batsꞌi jich. Ayuk me smukꞌul awoꞌtan te jich ya xkꞌot ta pasele —xchi.

Apocalipsis 4:2

Mismo tiempo a la sjapuyon ta spoder te Espiritue, y la kil mukꞌul naktajibal te chapbil ta chꞌulchane y ay Machꞌa te nakal a te ba ay te mukꞌul naktajibale.

Apocalipsis 6:14

Te chꞌulchane chꞌay bael jachik tutꞌil ya xbalot te june. Y spisil te witstikile y sok te chꞌinik luwar te joybil ta jaꞌe, jeltalanbot sluwar.