Apocalipsis 2:7 - Nuevo Testamento Tzeltal de Amatenango

⁷ “Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe, ya me kꞌabe sweꞌ te sit teꞌ yuꞌun te kuxuyinele te teꞌey ba ay te lekilal yuꞌun te Diose”, uta me —xchi.

Bible in Tzeltal Bachajón

⁷ Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Bible in Tzeltal de Oxchuc y Tenejapa

⁷ Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

Apocalipsis 2:7 ပူးပေါင်းရင်းမြစ်များ

San Mateo 11:15

Te machꞌa ay xchikine, aꞌ me yaꞌibeyik sluwaril ta lek.

San Mateo 13:43

Te machꞌatik lek yoꞌtanik ta stojol te Diose ya me xchiknaj stsaꞌamulik te ba ay ta ajwalil te jTatike, jich me tutꞌil ya xtil xojobil te kꞌajkꞌale. Te machꞌatik ay xchikine, a me yaꞌibe sluwaril ta lek.

San Mateo 13:9

Te machꞌa ay xchikine a me yaꞌibe sluwar —xchi te Jesuse.

San Marcos 4:9

La yal tsꞌiin te Jesuse: —Machꞌa ay xchikin a me yaꞌi te sluwar —xchi te Jesuse.

San Marcos 7:15

Ma jaꞌuk ma tsaꞌamuk ya xkꞌoex ta skuenta te tut ya aweꞌike. Jaꞌ ma tsaꞌamuk ya xkꞌoex ta skuenta Dios yuꞌun te tut ya xlokꞌ tal ta awoꞌtanike.

San Marcos 7:16

Teme ay achikinike, aꞌiyaik me lek sluwaril —xchi te Jesuse.

San Lucas 23:43

Te Jesuse la sjakꞌbe: —Jamal ya kalbeyat, te ora to ya me joyin jbajtik ta lekilal —xchi.

San Lucas 8:8

Pero aya kꞌot ta lekil lum te tsꞌunubile. Chij tal, ben lek a yakꞌ yijkꞌats. Ay a yakꞌ sien ta jpꞌej te juju-pꞌej tsꞌunubile —xchi te Jesuse. Jich yipal ta yalel te Jesuse, y ben tulan a lijk yal xan: —Te machꞌa ay xchikin ta yaꞌiyel sluware, aꞌ me yaꞌibe lek sluwaril —xchi.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

1 Corintios 2:10

Dios la yaꞌbotikix jnaꞌtik te tutik ta skuenta te Espiritue. Yuꞌun te Espiritue ya xjuꞌ yuꞌun te ya yakꞌ ta naꞌel spisil, manchuk me jaꞌ te tut mukꞌul ay yuꞌun stukel te Diose.

2 Corintios 12:4

Teꞌ ta utsilal la yaꞌiy kꞌopetik te mukul nax te ma spas ya yal ni jtuluk winik.

1 Juan 2:13

Meꞌil-tatiletik, la jtsꞌibabeyex ta akuentaik porke la anaꞌbeyikix sba te Machꞌa ayix a desde ta slijkibale. Bikꞌtal kermetik, la jtsꞌibabeyex ta akuentaik porke la atsalikix te pukuje. La jtsꞌibabeyex ta akuentaik, kuntikil, porke la anaꞌbeyikix sba te Tatile.

Apocalipsis 13:9

Te machꞌa ay xchikinike, a me yaꞌiy:

Apocalipsis 14:13

Jicha kaꞌiy jun xan kꞌop ta chꞌulchan te jich a yalbone: —Tsꞌibaya ta jun to: “Ben tsaꞌam slekil te ora to sok ta patil bael te machꞌatik ya xchamik ta skuenta te Kajwaltike —xchi. Sok la yal te Espiritue: —Ya me xkux yoꞌtanik yuꞌun te yaꞌtelike, sok ya me xꞌichꞌbot jkuenta yuꞌun te tut spasoje.

Apocalipsis 15:2

La kil xan te tut pajal yilel sok jun mar te xlemet sok te kapal sok kꞌajkꞌe. Te ba te mar te xlemete, teꞌ tekꞌajtik a te machꞌatik juꞌ yuꞌunik te maꞌ yichꞌik ta mukꞌ te chanbalam te xiꞌbentik sbae y sok te slokꞌol, y sok te snumeroil sbiile. Yichꞌojlan yarpaik te akꞌtalanbil yuꞌun Diose.

Apocalipsis 2:11

“Te machꞌa ay xchikine a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe makꞌ me yil swokolik xchꞌinuk yuꞌun te xchꞌamelal lajele”, uta me —xchi.

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

Apocalipsis 21:7

Te machꞌa ya xjuꞌ yuꞌun tsalawe ya me xꞌaꞌbot yuꞌunin spisil te tutik ay. Y joꞌon me Dioson ya xkꞌoon yuꞌunik y te stukelik kal-jnichꞌan ya xkotik.

Apocalipsis 22:14

Ben tsaꞌam slekil te machꞌatik ya sakꞌ te skꞌuꞌ-spakꞌike yuꞌun ya xkꞌot ta skuenta ekꞌa te teꞌ yuꞌun te kuxlejale. Jich me ya xjuꞌ ya xꞌoch te ba ay te puertaetik yuꞌun te mukꞌul jtejklume.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

Apocalipsis 22:2

sok ya xbeen bael ta yolil te smukꞌul kayaul yuꞌun te mukꞌul jtejklume. Y ta juju-jejch te ukꞌume yipal ta chꞌiel te teꞌ yuꞌun kuxlejale, te ya yakꞌ sit ta jujun ue, jaꞌ xyal, te lajchaymel ya yakꞌ ta jaꞌbile. Y te yaꞌnimal teꞌe ya xtuun yuꞌun ya slekutes a te nasionetike.