Apocalipsis 2:5 - Nuevo Testamento Tzeltal de Amatenango

⁵ Jaꞌ yuꞌun, naꞌame te ba ay te chꞌayemate. Sujtesa awoꞌtan ta stojol Dios, y pasa me xan jich tutꞌil te la apas ta nail toe. Teme maꞌuke, ya xtalon ta ora ta atojol y ya jpojbeyat te yawil akꞌajkꞌ te ba ay awuꞌune, teme max asujtes awoꞌtan ta stojol Diose.

Bible in Tzeltal Bachajón

⁵ Na'a te banti yahlemat, suhtesa awo'tan soc pasa te bin nahil la apase. Teme ma ba yac asuhtes awo'tan, ya me xtalon ta ban ayat soc ya me jpojbat te yawil c'ahc' awu'un ta yawil.

Bible in Tzeltal de Oxchuc y Tenejapa

⁵ Juluc me ta awo'tan te banti ch'ayemate. Sujt'esa me awo'tan yu'un. Pasa me xan te bit'il nix ay awat'el ta neelal toe. Teme ma xapase, ya me xtalon ta ora ta atojol, ya me jloq'uesbat te xtuchtijib c'ajc' awu'un ta ba ay te yawile, teme ma ba ya asujt'es awo'tane.

Apocalipsis 2:5 ပူးပေါင်းရင်းမြစ်များ

San Mateo 5:14

“Te jaꞌexe lusex yuꞌun te genteetik ta balmilale. Jun jtejklum teme ay ta jol witse ma xjuꞌ ta nakꞌel.

San Mateo 5:15

Sok teme ya atsun lampara, ma spas ta mukel ta kaja. Ya atujchꞌanik ta xtuchtajib, jich ya yil kꞌinal spisil te machꞌatik ayik ta nae.

San Marcos 12:9

“¿Tut me ya spas te yajwal tsꞌusubiltike? Ya kalbeyex te ya me xtal smil jilel te aꞌteletike, sok ay me yan aꞌteletik ya yaꞌbey jilel ta skuentaik.

San Lucas 1:17

Te Juane ya me xnalaj ta yalel skꞌoplal te Kajwaltike. Jich me yoꞌtan te tutꞌil te jꞌElias te antibo jꞌalwaneje, y pajal me yaꞌtel sok. Ya me yakꞌ jelonuk xkuxlejalik te meꞌil-tatiletike sok te yuntikilike, sok ya me yaꞌbe snopik xchꞌuunel mantal te jkꞌaxintayej-mantaliletike. Jich me chapalix yoꞌtanik a te jtejklume te ya smaliyik a te Kajwaltike —xchi te chꞌul ángele.

San Lucas 20:16

Ya me xtal smil jilel te jꞌaꞌteletike, y ya me yakꞌ ta kanantayel ta yan te ubailtik yuꞌune —xchi te Jesuse. Te machꞌatik la yaꞌiyike la yalik: —Ma wan jichuk ya skꞌan te Diose —xchiik.

Gálatas 5:4

Jaꞌex te ya aleik te tutꞌil libre ya xjilex yuꞌun amulik ta skuenta spasel te mantaliletike, jich la apit abaikix ta stojol Cristo yuꞌun a, sok jich la apit abaikix ta slekil yoꞌtan te Diose.

Filipenses 2:15

Jich me maꞌyuk machꞌa ay smul sok maꞌyuk palta ay awuꞌunik a. Jich me ya xꞌanex tutꞌil yal-xnichꞌan Dios ta yolil te gente te ma lekuk sok te ma tsaꞌamuk yoꞌtanike. Yuꞌun jich kꞌoemex ta yolilik tutꞌil ekꞌetik te ya xtil ta ijkꞌal kꞌinal ta balmilale.

Hebreos 10:32

Pero naꞌaik me te jaꞌexe te tiempo a kꞌaxixe, te kꞌalal la awichꞌik te sakil kꞌinale. Naꞌaik me tutꞌil kujch awuꞌunik te tulan wokoletik te tulan la awichꞌik kontrainele.

2 Pedro 3:17

Jaꞌ yuꞌun, kermanotak te kꞌuxex ta koꞌtane, ya ke nail to ya anaꞌik te tutik to, ila me abaik, yuꞌun ma me sjochex bael ta loꞌlayel te machꞌatik ma lekikuke, ni ma me chꞌayanik te jun awoꞌtanike.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.

Apocalipsis 1:20

Jaꞌ to jaꞌ skꞌoplal te jukeb ekꞌetik te la awil te ay ta jbatsꞌil kꞌabe, y sok te jukchꞌix yawil kꞌajkꞌ te pasbil ta oroe. Te jukeb ekꞌetike jaꞌ xyal te juktul angeletik ta stojol te juktijkꞌ hermanoetike. Y te jukchꞌix yawil kꞌajkꞌe jaꞌ xyal te juktijkꞌ hermanoetike —xchi.

Apocalipsis 16:9

Y spisilik ayik jilel ta wokol yuꞌun te ben kꞌux te skꞌajkꞌale. Pero ni maꞌ sujtes yoꞌtanik ta stojol Dios, ni maꞌ yalbeyik te slekil skꞌoplale. Sino ke la yalik te tutik la stoyba-kꞌoptayik ta skontrainel te Diose te ya xjuꞌ yuꞌun yakꞌel te tulan wokoletik to.

Apocalipsis 2:16

Jaꞌ yuꞌun, sujtesa awoꞌtan ta stojol Dios. Teme maꞌuke, ya me xtalon ta ora nax, ya me kꞌabe jbaj sok te machꞌatik jich aye sok te puñal te ya xlokꞌ ta jtiꞌe.

Apocalipsis 2:19

“Kiloj spisil te tut ya apase. Jnaꞌoj te xkꞌuxul awoꞌtane, y te xchꞌuunel awoꞌtane, sok te awakꞌoj aba ta abatinele, y sok te kujchem awuꞌun te awokole. Y kiloj te ora to yipalat ta spasel ta mas ke te nail toe.

Apocalipsis 2:2

“Joꞌon jnaꞌoj spisil te tut ya apase. Kiloj te tulan ya xꞌaꞌtejate, y te ya stsꞌijk awuꞌune, y jnaꞌoj te ma xkujch awuꞌun te machꞌatik ma lekikuke. Y jnaꞌoj te awilojix tutꞌ ay yoꞌtanik te machꞌatik te ya skuy sbaik ta apostole y ma jaꞌukik, y ataojbeyix slotik.

Apocalipsis 3:19

“Joꞌon ya jkom y ya jtsits ta spisil te machꞌatik kꞌux ta koꞌtane. Jaꞌ yuꞌun akꞌaik me puersa y sujtesa awoꞌtan ta stojol Dios.