Apocalipsis 2:26 - Nuevo Testamento Tzeltal de Amatenango

²⁶ “Te machꞌatik ya xjuꞌ yuꞌunik tsalawe y te sigue ya spasik asta ta slajibal kꞌaal te tut ya skꞌan koꞌtane, ya me kakꞌtalanbe yaꞌtel ta stojol te nasionetike,

Bible in Tzeltal Bachajón

²⁶ Te mach'a ya ya'iy tsalaw soc te ya ya'telin spasel te ca'tel c'alal ta slajibal, ya ca'be yich' ya'tel ta stojol te nacionetic;

Bible in Tzeltal de Oxchuc y Tenejapa

²⁶ Te mach'atic ya xju' yu'unic tsalawe soc te ya yat'elinic spasel ja' to c'alal ta slajibal c'aal te bila ya sc'an co'tane, ya me cac'bey yich' yat'elic ta stojol te nacionetique,

Apocalipsis 2:26 ပူးပေါင်းရင်းမြစ်များ

San Mateo 10:22

Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

San Mateo 24:13

Yan te machꞌa ya xjuꞌ yuꞌun kꞌalal ta slajibale, ya me xkol.

San Juan 6:29

Te Jesuse la sjakꞌtalanbe: —Te tut ya skꞌan Dios te ya apasike jaꞌ ya skꞌan ya achꞌuunik te machꞌa la stikon tale —xchi.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

Romanos 8:37

Pero ta spisil to ya me jtsaltik jilel ta skuenta te machꞌa kꞌuxotik ta yoꞌtane.

1 Tesalonicenses 3:5

Jaꞌ yuꞌun, kꞌalal ma stsijk kuꞌun ta mas aye, la jtikon ta jojkꞌoyel tutꞌil ayex sok te tutꞌil ay te xchꞌuunel awoꞌtanike. Jaꞌ la jnaꞌ teme la achꞌuunik sujel yuꞌun te pukuje, sok te jowiluk nax ya xkꞌot te kaꞌteltike.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Santiago 2:20

Pꞌijanik me y naꞌa me te chamen kꞌoem te xchꞌuunel-oꞌtanil yuꞌun te machꞌa maꞌyuk tut juꞌem yuꞌun spasele.

1 Juan 2:19

Te stukelike lokꞌik tal ta koliltik. Pero yuꞌun nanix ma joytikuk a. Te yuꞌunuk joytikuke, maꞌ lokꞌ bael ta koliltik te jichuke. Pero jicha kꞌot ta pasel yuꞌun te ya xchiknaj ta jamal a te ma joy jbajtikuke.

1 Juan 3:23

Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

1 Juan 5:5

Te machꞌa ya xchꞌuun te jaꞌ Xnichꞌan Dios te Jesuse, ya me stsal te balmilale.

Apocalipsis 2:11

“Te machꞌa ay xchikine a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe makꞌ me yil swokolik xchꞌinuk yuꞌun te xchꞌamelal lajele”, uta me —xchi.

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

Apocalipsis 2:7

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe, ya me kꞌabe sweꞌ te sit teꞌ yuꞌun te kuxuyinele te teꞌey ba ay te lekilal yuꞌun te Diose”, uta me —xchi.

Apocalipsis 20:4

La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.

Apocalipsis 21:7

Te machꞌa ya xjuꞌ yuꞌun tsalawe ya me xꞌaꞌbot yuꞌunin spisil te tutik ay. Y joꞌon me Dioson ya xkꞌoon yuꞌunik y te stukelik kal-jnichꞌan ya xkotik.

Apocalipsis 22:5

Maꞌyukix ajkꞌubal teꞌ aye y te machꞌatik te kuxajtik aye ma puersaukix yuꞌun slusil te lamparae ni te skeaw kꞌajkꞌale. Porke jaꞌ ya yakꞌ sakil kꞌinal te Kajwaltik Diose, sok sbajtel kꞌinal ayik ta ajwalil.

Apocalipsis 3:12

“Te machꞌatik ya xjuꞌ yuꞌunik tsalawe ya me kakꞌtalan ta yiptajib te ba templo yuꞌun te Dios kuꞌune. Y ni maꞌyuk tut ora te ya xlokꞌik xan teꞌa. Y ya me jtsꞌibabey ta stojolik te sbiil te Dios kuꞌune y sok te sbiil te mukꞌul jtejklum yuꞌun te Diose kuꞌune. Jaꞌ te achꞌ Jerusalen te ya xkoj tal ta chꞌulchan ta ba ay te Dios kuꞌune. Y jich me ya jtsꞌibabey ta stojolik te yachꞌil jbiile.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 3:5

Te machꞌaik ya xjuꞌ yuꞌunik tsalawe jich me sak te skꞌuꞌ spakꞌ te ya xꞌaꞌbote. Y makꞌ me ya jtupꞌbey te sbiilik te ba ay ta jun yuꞌun te kuxlejale. Sino ke ya kaltalan ta jamal ta stojol te Jtate y ta stojol te angeletik yuꞌune.