Apocalipsis 2:14 - Nuevo Testamento Tzeltal de Amatenango

¹⁴ “Pero ay tut amulinej kuꞌun. Te teꞌey awuꞌun jtul cheb te ma skꞌan sjilesik te tutiꞌ yakꞌ ta nopel te jBalaame, te la yaꞌbe snop te jBalac te tutꞌil a yakꞌ mulawuk te jꞌisraeletike, te la yaꞌbe sweꞌ te weꞌeliletik te milbil smajtanin lotil diosetike y sok te lijkik ta antsiwejele.

Bible in Tzeltal Bachajón

¹⁴ Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

Bible in Tzeltal de Oxchuc y Tenejapa

¹⁴ Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Apocalipsis 2:14 ပူးပေါင်းရင်းမြစ်များ

San Mateo 18:7

Oꞌol sbaik te genteetike skaj te yalesel ta mulile. Puersa ay machꞌatik ya syaleswan ta mulil, pero oꞌol me sbaik te machꞌa jich ya spase.

Hechos 15:29

Jaꞌ te makꞌ me ya aweꞌbeyik stiꞌbalul chambalametik te ya xmilbot smajtanin te lotil diosetike, sok ma me aweꞌik chꞌichꞌ, ni te stiꞌbalul chambalametik te tsꞌotbil nax snukꞌe, y sok ma me antsiwejanik. Teme ya akom abaik ta spasel to, jich toj ayex bael abi. Ila me abaik kꞌael”, xchiik ta jun.

Hechos 21:25

Yan te machꞌatik ma juriyouk te xchꞌuunejikix te Kajwaltike, la kalbeytikix bael ta jun te tut jnopojtike te ma spas ya sweꞌik tiꞌbal teme ta skuenta ídoloe, sok te chꞌichꞌe, sok stiꞌbalul chambalam te tsꞌotbil nax snukꞌe, sok te makꞌ sꞌantsiwejike —xchiik.

Romanos 11:9

Sok jich a yal euk te jDavide: “Te skꞌinike aꞌ sujtuk ta stranpaik sok ta syajkilik, yuꞌun ya xlaj yal a, y te ya staik kastigo a.

Romanos 14:13

Jaꞌ yuꞌun, makꞌ me kal kaꞌbiyan jbatik ta juju-tulotik. Jaꞌ lek, jaꞌ ya aleik te tut makꞌ xchebaj yoꞌtan yuꞌun a te awermano te makꞌ xyalesot ta mulile o te ma lekuk ya xbajt sok te xchꞌuunel yoꞌtane.

Romanos 14:21

Jaꞌ lek makꞌ ya jweꞌtik tiꞌbal sok ni makꞌ kuchꞌtik bino, ni maꞌyuk tut ya jpastik chꞌinuk, teme yuꞌun jaꞌ ta skaj te ya syalesot ta mulil te awermanoe.

Romanos 9:32

¿Tut yuꞌun? Porke maꞌ yakꞌ ta yoꞌtanik te kolemix ya xjil yuꞌun smulik ta skuenta nax xchꞌuunel yoꞌtanik, yuꞌun skuyojik te jaꞌ toj ya xꞌilot yuꞌun te tut ya spasike. Jaꞌ yuꞌun la xkꞌojchin yokik a te ton te ya syaleswane.

1 Corintios 1:23

Pero te joꞌotike jaꞌ ya kaltik te tutꞌil a milot ta krus te Cristoe. Jaꞌ to jaꞌ nax xcheꞌbantesel yoꞌtanik yuꞌun te juriyoetike, y te machꞌatik ma juriyouke, jowil nax kꞌoem ta yoꞌtanik.

1 Corintios 7:2

Pero ta skaj te ay antsiwejele, ta juju-tul ya skꞌan te ayuk batsꞌi yiname y ta juju-tul te antse ya skꞌan te ayuk batsꞌi smamlale.

Hebreos 13:4

Ta apisilik akꞌaik me ta jkuenta te nujpunele. Y ma me akapik ta mulil te jun nax awayibike, porke Dios ya yichꞌ jkuenta te machꞌatik ya xꞌantsiweje y te machꞌatik ya xkremiweje.

1 Pedro 2:8

Y jich ay skꞌoplal xan ta Sjun Dios: “Jun mukꞌul ton, te jun ton te ya xkꞌojchin-okol te ya syaleswane”, te xchie. Yuꞌun ya xkꞌojchin yokik a te machꞌatik ma xyakꞌik ta jkuenta te tutꞌil ay skꞌoplal te Jesucristoe. Yuꞌun jich chapal skꞌoplalik a.

2 Pedro 2:15

Chꞌayemik ta beel, porke jaꞌ a sjilesikix te tojil bee. Jaꞌ stamojik te tutꞌil ay te jꞌalwanej Balaam te xnichꞌan Beor, te la skꞌan yoꞌtan te ya sta takꞌin ta spasel te tut ma lekuke.

Judas 1:11

¡Oꞌol me sbaik! Porke jaꞌ stamojbeyik sbe te jCaine. Ta skaj nax sganar takꞌin te ya xlaj chꞌay baele, jachꞌik tutꞌil te jBalaame. Y jich tutꞌil te jCore, ya xlaj cham yuꞌun te xkꞌaxemule.

Apocalipsis 2:20

Pero ay tutiꞌ amulinej ta jtojol te maꞌyuk tut ya awalbey te ants Jezabele, te ya yal te jꞌalwanej yuꞌun Dios ta skꞌope, pero ya sloꞌlay te jꞌaꞌteletik kuꞌun yuꞌun te tut ya yakꞌ ta nopele. Sok te ya yakꞌtalanbe spas antsiwejel, y ta sweꞌel weꞌeliletik te milbil smajtanin te lotil diosetike.

Apocalipsis 2:4

“Pero ay tut amulinej kuꞌun: Te maꞌyukix awuꞌun te xkꞌuxul awoꞌtan jich tutꞌil nail toe.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.