Apocalipsis 2:13 - Nuevo Testamento Tzeltal de Amatenango

¹³ “Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.

Bible in Tzeltal Bachajón

¹³ Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

Bible in Tzeltal de Oxchuc y Tenejapa

¹³ Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 2:13 ပူးပေါင်းရင်းမြစ်များ

San Mateo 10:23

Te tut ora ya xlijk yilbajinex te jtejklume, ananik bael ta yan jtejklum. Jamal ya kalbeyex, ma to ba ya xjoypꞌe ta ilel awuꞌunik a te mukꞌul jtejklumetik ta Israel te ya xtal te Nichꞌanile.

San Mateo 24:9

“Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj.

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Lucas 21:17

y spisil genteetik ya me spꞌajex ta joꞌon ta jkaj.

Hechos 22:20

Y te kꞌalal milot te awaj-aꞌtel jꞌEstebane te ya yalbeyat akꞌoplale, joꞌon mismo teꞌeyon ekꞌa. Akuerdo ayon ekꞌa te milote, y joꞌon a jkanantaybe skꞌuꞌ-spakꞌ te machꞌatik jmilawetike”, xkut.

Hechos 9:14

Y te ora to jaꞌ talemix liꞌye yuꞌun tulan albil tal yuꞌun te stataletik yuꞌun saserdoteetike te ya yikꞌ bael ta prexo spisil te machꞌatik ya staik ta alel te stsaꞌamul te abiile —xchi.

1 Tesalonicenses 5:21

Kuiadoukex me yuꞌun spisil kꞌopetik, sok akꞌa ta awoꞌtanik te tut leke.

1 Timoteo 5:8

Yuꞌun te machꞌa ma yajtaluk yoꞌtan te machꞌatik ay yuꞌune y sok spisil te machꞌatik ay yuꞌun ta snae, la sjilesix ta chꞌuunel Dios abi, y mas yesuk ke te machꞌatik ma xchꞌuunejuk Diose.

2 Timoteo 1:13

Jaꞌ me ya atam te lekil nojpesel te joꞌon la kalbeyat jilel awaꞌiye. Sok jujun kꞌaal ayuk me xchꞌuunel awoꞌtan y sok skꞌuxul awoꞌtan te kichꞌojtik yuꞌun te jun nax ayotik sok te Cristo Jesuse.

2 Timoteo 2:12

Teme kꞌax jwokoltike, ya me joyintik te ba ay ta ajwalinele. Teme la jmuk ta koꞌtantike, jich ya smukotik ta yoꞌtan ekꞌa.

Hebreos 10:23

Junuk me koꞌtantik, ma me tut xyal koꞌtantik. Ya me jnaꞌtik te tut yipalotik ta smaliyel, sok te xchꞌuunel koꞌtantik te ya kaltik ta jtiꞌtike. Porke te Diose ya skꞌoes ta pasel te tut yalojbotik te ya spasbotike.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Santiago 2:7

¿Meꞌn ma jaꞌuk te machꞌatik ya yixta-kꞌoptayik te ben tsaꞌam sbiil te la yichꞌ alel ta akuentaike?

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 11:3

Y joꞌon ya jtikon bael cheb testigoetik sok skꞌuꞌ-spakꞌik te ay xchꞌixale te ya xkꞌopojik mil dosientos sesenta kꞌaal ta joꞌon jkuenta.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Apocalipsis 13:2

Te chanbalam to te lom xiꞌbentik sba te la kile, pajal sok yilel te jkojt leopardoe. Te yok skꞌabe jachik tutꞌil yok skꞌab oso, y te stiꞌe jachik tutꞌil stiꞌ choj. Te mukꞌul chan la yaꞌbe spoder y sok snaktajib y bayal yaꞌtel.

Apocalipsis 14:12

Jaꞌ yuꞌun te machꞌatik yuꞌunik te Diose sok te machꞌatik ya xchꞌuunbeyik te mantaliletik yuꞌun y te sigue jun yoꞌtanik ta stojol te Jesuse, ya skꞌan te ayuk yip yoꞌtanike.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

Apocalipsis 17:6

Te nax a la jnaꞌ te yakubenix te antse. Jaꞌ yakuben yuꞌun te xchꞌichꞌel te machꞌatik yuꞌunik te Diose y sok te xchꞌichꞌel te machꞌatik miltalanot yuꞌun te la yalik ta jamal te skꞌoplal te Jesuse. Te kꞌalal la kile, lom cham a kaꞌiy yuꞌun.

Apocalipsis 2:2

“Joꞌon jnaꞌoj spisil te tut ya apase. Kiloj te tulan ya xꞌaꞌtejate, y te ya stsꞌijk awuꞌune, y jnaꞌoj te ma xkujch awuꞌun te machꞌatik ma lekikuke. Y jnaꞌoj te awilojix tutꞌ ay yoꞌtanik te machꞌatik te ya skuy sbaik ta apostole y ma jaꞌukik, y ataojbeyix slotik.

Apocalipsis 3:11

Ya xtalon ta ora. Kꞌeja te tut ay awuꞌune, yuꞌun maꞌyuk machꞌa ya yichꞌbeyat te amajtane.

Apocalipsis 3:3

Naꞌa me te pꞌijutesel la awichꞌe y te la awaꞌiye. Jaꞌ me xꞌapas, y sujtesa awoꞌtan ta stojol Dios. Teme ma la akux awoꞌtane, ya xtalon ta atojol jachik tutꞌil jꞌelekꞌ te kꞌalal ma yipalukat ta smaliyele.