Apocalipsis 19:7 - Nuevo Testamento Tzeltal de Amatenango

⁷ Junuk koꞌtantik sok ayuk me sbujts koꞌtantik te ya kalbetik te slekilale. Porke la staix yorail te nujpunel yuꞌun te Chꞌin Karnerae. Te machꞌa ya xnujpun soke chapalix.

Bible in Tzeltal Bachajón

⁷ Bayeluc me yutsil co'tantic, tse'eluc me co'tanic soc ac'a calbetic yutsil sc'oblal, como c'ohtix yorahil te ya xnuhpun te Jcolel Tuminchij, soc la schahpanix sba te mach'a ya xnuhpun soque.

Bible in Tzeltal de Oxchuc y Tenejapa

⁷ Ac'a me bujts'najuc co'tantic yu'un soc yacuc me ta tse'ej te co'tantique, soc ac'a calbeytic yutsilal te Diose, melel c'otix yorail te nujbinel yu'un te Alalchije. Xchajbanejix sba te yiname.

Apocalipsis 19:7 ပူးပေါင်းရင်းမြစ်များ

San Mateo 1:20

Te kꞌalal jich snopoj spasix ae, ta xwayuch la yil jtul chꞌul ángel yuꞌun te Kajwaltike. Jich a albot yuꞌun: —Jose, te stsꞌumbalat te jDavide, ma me xiꞌan te ya awikꞌ awinamin te xMariae. Yuꞌun te xchꞌin yal te yikꞌoje jaꞌ ta skuenta te Chꞌul Espiritue.

San Mateo 22:2

—Te tutꞌil ya xkꞌot ta ajwalinel te Diose, jich kꞌoem te tutꞌil jtul rey te la spas kꞌin yuꞌun te ya xnujpun te xnichꞌane.

San Lucas 12:36

Jichukex me te tutꞌil te jꞌaꞌteletik te chapajtik ta smaliyel te yajwalik te baem ta il-nujpunele, te ora ya sjeꞌbeyik te stiꞌpuerta te kꞌalal ya xjul skꞌojkꞌutay te puertae.

San Juan 3:29

Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

2 Corintios 11:2

Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

Efesios 5:23

Porke te mamlalile jaꞌ jolol yuꞌun te yiname jich tutꞌil te Cristo jaꞌ jolol yuꞌun te juju-tijkꞌ hermanoetike. Te Cristoe jaꞌ jkoltawanej yuꞌun te juju-tijkꞌ hermanoetike, te jaꞌ stiꞌbalul kꞌoeme.

Efesios 5:32

Jaꞌ to ben tulan skꞌoplal te mukul aye. Pero te joꞌone ya kal te jaꞌ skꞌoplal Cristo y sok te hermanoetike.

Filipenses 3:3

Porke te machꞌatik batsꞌi yichꞌojik sirkunsisione joꞌotik abi, yuꞌun jchꞌuunejtik te Diose ta skuenta te Espíritu, y ben jun koꞌtantik te ayotikix ta skuenta te Cristo Jesuse. Ma jaꞌuk ya kichꞌtik ta jkuenta te tutik ya spasbot te jtiꞌbalultike.

Apocalipsis 11:13

Y mismo tiempo ya xtal tulan jikichab, y ta skaj te jikichabe ya xjem koel xejtꞌ ta slajunxejtꞌel te mukꞌul jtejklume, y siete mil ta jtul gente ya xcham. Te machꞌatik kuxajtik to jilele, ben xlaj xiꞌik sok ya la yalbeyik slekilal te Dios te ay ta chꞌulchane.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.

Apocalipsis 21:2

La kil chꞌul mukꞌul jtejklum, jaꞌ te achꞌ Jerusalene, te yipal tal ta koel ta chꞌulchan ta stojol te Diose. Lek chapal jachik tutꞌil achꞌix te ya xnujpune.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.