Apocalipsis 19:3 - Nuevo Testamento Tzeltal de Amatenango

³ Te nax a la yalik xan: —¡Ay ta albeyel ta ichꞌel ta mukꞌ te Kajwaltike! Te xchꞌailel te mukꞌul jtejklume ni jaymel ya xkom te xtomomet ya xmoe —xchiik.

Bible in Tzeltal Bachajón

³ Cha'c'opojic xan: ¡Aleluya! Sbahtel q'uinal xtomet ta mohel te sch'ahilele, xchihic.

Bible in Tzeltal de Oxchuc y Tenejapa

³ La yalic xan: “¡Ay yutsilal! Sbajt'el q'uinal yac ta moel xch'ailel te muc'ul lume”, xiic ta aw.

Apocalipsis 19:3 ပူးပေါင်းရင်းမြစ်များ

Judas 1:7

Jich mismo sok te angeletik abi, jich mismo te Sodoma y Gomora y sok te jtejklum tijajtik ay ae. Jaꞌ a akꞌot ta lajel yuꞌun te tut ma tojuk a spasike te kꞌayik ta spasel mulil ta stiꞌbalulik te sjoy sbaik ta winikile. Jaꞌ yuꞌun la sta swokolik ta kastigo ta kꞌajkꞌ sbajtel kꞌinal, y jaꞌ ejemplo a jil yuꞌun ta spisil genteetik.

Apocalipsis 14:11

Te xchꞌailel te swokolike ya xmo bael ta sbajtel kꞌinal. Y ni maꞌyukix kuxo-oꞌtan a ta kꞌajkꞌal ajkꞌubal yuꞌun te machꞌatik ya yichꞌik ta mukꞌ te chanbalam te xiꞌbentik sbae y sok te slokꞌole, y sok te yichꞌojbeyik smarka ta skuentae.

Apocalipsis 18:18

Y te kꞌalal ya yilbeyik xchꞌailel te skꞌajkꞌel te mukꞌul jtejklume, ya xꞌawunik: —Maꞌyuk yan mukꞌul jtejklum te ya xjꞌu ya spaj te mukꞌul jtejklum to —xchiik yuꞌun.

Apocalipsis 18:9

Te reyetik ta balmilal la yantsinanikix, sok la sjoyinlanikix ta spasel te tut te ya skꞌupin stiꞌbalulike. Ya me xꞌokꞌik y ya me yichꞌ yajtal yoꞌtanik yuꞌun te kꞌalal ya yilik te xchꞌailel te xchikꞌelike.

Apocalipsis 19:1

Ta patil la kaꞌiy yipalik ta tulan kꞌop te bayalik ta chꞌulchan, te jich la yalik: —¡Ay ta albeyel ta ichꞌel ta mukꞌ te Kajwaltike! Te kolele jaꞌ yuꞌun te Dios kuꞌuntike. Ay slekilal sok ay spoder.

Apocalipsis 19:4

Y te beintikuatro ta tul te lom mamalikixe y sok te chaneb te tut kuxajtike la skejan sbaik kꞌalal ta lum, y la yichꞌik ta mukꞌ te Diose te nakal te ba ay te smukꞌul snaktajibe. Y la yalik: —Jichuk. Ay ta albeyel ta ichꞌel ta mukꞌ te Kajwaltike —xchiik.