Apocalipsis 19:14 - Nuevo Testamento Tzeltal de Amatenango

¹⁴ Tsꞌaklibil yuꞌun bayal soltaroetik te ay ta chꞌulchane. Slapojik lino pak te ben fino sok te limpio aye, y moemik ta sakil kawuetik.

Bible in Tzeltal Bachajón

¹⁴ T'umbil yu'un te soldadohetic ta ch'ulchan, cajajtic ta saquil cawuhetic soc slapojic lequil lino-pac' te buen sac soc mayuc yabaquil.

Bible in Tzeltal de Oxchuc y Tenejapa

¹⁴ Ts'aclinot yu'un tsobol soldadoetic te ayic ta ch'ulchan. Slapojic lequil lino-pac' te buen saque, soc cajalic ta saquil caballoetic.

Apocalipsis 19:14 ပူးပေါင်းရင်းမြစ်များ

San Mateo 21:5

“Albeyaik te mukꞌul jtejklum Sion: ‘Ilawilik talix te rey awuꞌunike. Chꞌin yakꞌoj sba. Moem tal ta buru, ta jkojt chꞌin buru, yal te ijkatsom chambalame,’ uta me”, xchi.

San Mateo 26:53

¿Meꞌn ma xꞌanaꞌ te ya xjuꞌ kuꞌun te ya jkꞌanbey te jTat te ya skoltayone? Ya me stikonbon tal ta ora mas ta lajchaytijkꞌ te chꞌul angeletik te jichuke.

San Mateo 28:3

Te chꞌul ángele xlemet jich tutꞌil te sanselawe. Ben sak te skꞌuꞌ-spakꞌe jich tutꞌil te jome.

2 Tesalonicenses 1:7

Y te jaꞌexe ya me yaꞌbeyex a kux awoꞌtanik yuꞌun te awokolile, jich mismo te tutꞌil joꞌotik. Jaꞌ te tut kꞌaalil ya xchiknaj tal te Kajwaltik Jesuse sok te angeletik yuꞌune, te ay spoderike te xpumet sok kꞌajkꞌ te ya xtal ta chꞌulchane.

Judas 1:14

Sok euk te jꞌEnoke, te ja sjukkajal stsꞌumbal ta patil te jAdane, la yal ta skuenta Dios te skꞌoplal te gente abi: “La kil te Kajwaltike te sjoyinej tal ta jmil y ta jmil te angeletik yuꞌune.

Apocalipsis 14:1

La kil te chꞌin karnerae, te kotol te ba ay te wits Sione. Sjoyinej te siento kuarenta y kuatro mil ta jtul genteetike te yichꞌojlan tsꞌibayel ta stiꞌsbaik te sbiil te Chin Karnera y sok te State.

Apocalipsis 14:20

Te ubaetike la yichꞌtalan pitsꞌel ta stiꞌil te mukꞌul jtejklume y te ba smam kꞌejile lokꞌ tal chꞌichꞌ. Te stoylejal te chꞌichꞌe kꞌot te ba spreno te kawuetike sok pamaj bael tresientos kilometro.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

Apocalipsis 19:11

La kil jamal te chꞌulchane, y teꞌ chiknaj jkojt sakil kawu a. Y te machꞌa moem aye: “Jun Yoꞌtan” y “Batsꞌi Jich” te sbiile. Porke ta stojil ya spasawan ta mantal y ya xjuꞌ yuꞌun tsalaw.

Apocalipsis 19:8

Akꞌtalanbotix ta slapel te lino pakꞌ te ben finoe, te limpio ay, sok te xlemlune —xchiik. Porke te lino pakꞌe jaꞌ seña te toj te tut ya spas te machꞌatik yuꞌun te Diose.

Apocalipsis 3:4

“Pero te ba Sardise ay to awuꞌun jtul chebuk te maꞌyuk yijkꞌutesej te skꞌuꞌ-spakꞌe. Te stukelike ya me sjoinikon ta beel sok sak te skꞌuꞌ-spakꞌike. Porke aꞌbil ta jkuenta stukelik.

Apocalipsis 4:4

Ta sjoylejal te mukꞌul naktajibale la kil beintikuatro naktajibaletik te jaꞌ nakajtik a te beintikuatro ta tul te mamalikixe. Sak te skꞌuꞌ-spakꞌ slapojike y yichꞌojik jun korona pasbil ta oro ta sjol.

Apocalipsis 7:9

Ta patil la kil bayal genteetik yuꞌun te nasionetik te skajalskaj stsꞌumbale, sok yanetik tutꞌ xkꞌopojik, y sok yanetik slumalik. Tekꞌajtik ta sit te ba ay te mukꞌul naktajibale y ta sit te Chꞌin Karnerae. Lom bayalik, te maꞌyuk machꞌa ya xjuꞌ yuꞌun yajtayele. Sak skꞌuꞌ-spakꞌ yichꞌojik y yichꞌojik bael yaꞌnimal xan ta skꞌabik.