Apocalipsis 19:12 - Nuevo Testamento Tzeltal de Amatenango

¹² Te site xlemlajan jachik tutꞌil xlaplun kꞌajkꞌ. Yichꞌoj ta sjol bayal koronaetik, y yichꞌoj jun biilil te tsꞌibabil te stukel nax snaꞌoje.

Bible in Tzeltal Bachajón

¹² Hich yilel sit te bin ut'il yat c'ahc', soc ay bayel coronahetic ta sjol soc ts'ihbabil sbihil te mayuc mach'a yan ya sna', ha nax ya sna' stuquel.

Bible in Tzeltal de Oxchuc y Tenejapa

¹² Te site jich yac ta tilel te bit'il yat c'ajc'. Ay bayal coronaetic ta sjol. Soc ay ts'ibubil sbiil te ma'yuc mach'a ya sna'e, te ja' nax ya sna' stojol stuquele.

Apocalipsis 19:12 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Mateo 21:5

“Albeyaik te mukꞌul jtejklum Sion: ‘Ilawilik talix te rey awuꞌunike. Chꞌin yakꞌoj sba. Moem tal ta buru, ta jkojt chꞌin buru, yal te ijkatsom chambalame,’ uta me”, xchi.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Lucas 10:22

Y la yal xan: —Te Jtate la yaꞌbonix entregal ta jkꞌab spisil te tutik aye. Maꞌyuk machꞌa ya snaꞌbe sluwar te machꞌa a te Nichꞌanile; jaꞌ nax ya snaꞌbe sluwar te Jtate, Sok maꞌyuk machꞌa ya snaꞌbe sluwar te machꞌa ekꞌa te Jtate; jaꞌ nax stukel te Nichꞌanil te ya snaꞌbe sluware. Sok euk te jayeb machꞌa ya yaꞌbe snaꞌbe sbae —xchi te Jesuse.

San Juan 17:11

“Te joꞌone makꞌ xꞌanonix ta balmilal. Pero te stukelike ya to xjilik ta balmilal. Yan te joꞌone ya xtalonix ta atojol. Chꞌul jTat, kanantaya sok te apoder te machꞌatik awakꞌojbone, yuꞌun jich me jun nax ya xkꞌotik ta spisilik, jich tutꞌil te jun nax ayotike.

San Juan 17:12

Te kꞌalal joy jba sok to ta balmilal ae, la jkanantay y la jkoltay ta skuenta apoder te machꞌatik la awaꞌbone. Ni jtuluk a chꞌay kuꞌun. Jaꞌ nax a chꞌay stukel te machꞌa skꞌoplal ya xchꞌaye, yuꞌun jich me ya xkꞌot ta pasel te tut tsꞌibabil jilele.

Efesios 1:21

Jaꞌ muk a kꞌot yuꞌun spisil te tutik ay spuersa, sok te ay yaꞌtelike, sok te ay spodere y sok te ya xmantalteswanike. Y jaꞌ mukꞌ a kꞌot yuꞌun spisil te tutik aye te tutik ay ta balmilal sok te tutik ya xtal ta patile.

Hebreos 2:9

Pero ya kiltik te Jesus, jaꞌ te machꞌa cheꞌoxeb nax kꞌaal te Dios chꞌin a yakꞌ ke te angeletike. Te Diose, ta skuenta xkꞌuxul yoꞌtan, la skꞌan te cham Jesus yuꞌun ta spisil genteetik. Te ora to, ta skaj te kꞌax swokol ta milele, aꞌbilix te slekilal sok jich ya xꞌakꞌot ta jkuentae.

Apocalipsis 1:14

Te stsotsil sjole ben sak jachik tutꞌil tsots te ben sake, o jachik tutꞌil te bate. Y te site pajal sok yat kꞌajkꞌ.

Apocalipsis 12:3

Te nax a chiknaj ta chꞌulchan jun xan señail: jun mam mukꞌul chan te xiꞌbentik sbae. Tsaj te skolorile sok ay jukeb sjol, lajuneb xulbal, y jujun skorona te jujun sjole.

Apocalipsis 13:1

Te mukꞌul chan ba stejkꞌan sba ta stiꞌil te mare. Sok la kil lokꞌ tal ta mar jkojt chanbalam te xiꞌbentik sbae te ay jukeb sjol y lajuneb xulbal. Ta juju-chꞌix te xulbale ay jujun skorona, y ta jujun te sjole ay sbiilik ta stoybakꞌoptayel ta skontrainel te Diose.

Apocalipsis 19:16

Te ba spalala kamixe y sok te ba yaꞌ tsꞌibabil a te jich ya yale: “Mukꞌul Rey yuꞌun reyetike, y Mukꞌul Ajwalil yuꞌun ajwaliletike”, xchi te sbiile.

Apocalipsis 3:12

“Te machꞌatik ya xjuꞌ yuꞌunik tsalawe ya me kakꞌtalan ta yiptajib te ba templo yuꞌun te Dios kuꞌune. Y ni maꞌyuk tut ora te ya xlokꞌik xan teꞌa. Y ya me jtsꞌibabey ta stojolik te sbiil te Dios kuꞌune y sok te sbiil te mukꞌul jtejklum yuꞌun te Diose kuꞌune. Jaꞌ te achꞌ Jerusalen te ya xkoj tal ta chꞌulchan ta ba ay te Dios kuꞌune. Y jich me ya jtsꞌibabey ta stojolik te yachꞌil jbiile.

Apocalipsis 6:2

La kil, y la jta ta ilel jkojt sakil kawu, y te machꞌa moem aye yichꞌoj ta skꞌab jun tꞌim. Sok aꞌbot jun skorona. Yaꞌiyojix tsalaw y lokꞌ bael yuꞌun ba tsalawanuk xan.