Apocalipsis 18:23 - Nuevo Testamento Tzeltal de Amatenango

²³ Sok ma xojobin xan ta atojol te lus yuꞌun te jun lamparae. Sok makꞌ me xꞌaꞌiyotix ta atojol te xniket kꞌin yuꞌun te nujpunele. Aunke te bayal yipik ta balmilal te jchonbajeletik awuꞌune, sok la aloꞌlay ta spisil te nasionetik sok te ma lekuk poxetik yuun pukuje —xchi me.

Bible in Tzeltal Bachajón

²³ Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

Bible in Tzeltal de Oxchuc y Tenejapa

²³ Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

Apocalipsis 18:23 ပူးပေါင်းရင်းမြစ်များ

Hechos 8:11

Y yakꞌojik ta jkuenta yuꞌun bayalix tiempo te sloꞌlaylanej yuꞌun te tut ma tsaꞌamuk snopoje.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 17:2

Te reyetik ta balmilale la yantsinikix te antse, y te machꞌatik aylan ta balmilale laj yakubikix sok te sbino te skuenta mulile —xchi.

Apocalipsis 17:5

Ay tsꞌibabil ta stiꞌsba jun biilil te mukul nax aye: “Te mukꞌul jtejklum Babiloniae, jaꞌ smeꞌ te jmulawil antstike sok ta spisil te tutik pꞌajbil ta balmilale”, xchi.

Apocalipsis 18:22

Ni jaymel ya xꞌaꞌiyot xan ta atojol ta kayailtik te kꞌin yuꞌun te arpaetike, sok te amayiletike, y sok te kornetaetike. Sok maꞌyukix jꞌaꞌteletik ta atojol te ya snaꞌik aꞌtele. Sok ma me chikanukix ta atojol te yokꞌel te mam chaꞌtone.

Apocalipsis 18:3

Yuꞌun spisil te nasionetike yakubik yuꞌun te sbino yuꞌun te tut ma tsaꞌamuke sok yuꞌun te antsiwejele. Te reyetik ta balmilale la yantsinlanikix, y te jchonbajeletik ta balmilale laj kꞌulejibix sok te tut ya skꞌupin sok te stiꞌbalul te tulan ya yakꞌ ta pasele —xchi.

Apocalipsis 18:9

Te reyetik ta balmilal la yantsinanikix, sok la sjoyinlanikix ta spasel te tut te ya skꞌupin stiꞌbalulike. Ya me xꞌokꞌik y ya me yichꞌ yajtal yoꞌtanik yuꞌun te kꞌalal ya yilik te xchꞌailel te xchikꞌelike.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.

Apocalipsis 22:5

Maꞌyukix ajkꞌubal teꞌ aye y te machꞌatik te kuxajtik aye ma puersaukix yuꞌun slusil te lamparae ni te skeaw kꞌajkꞌale. Porke jaꞌ ya yakꞌ sakil kꞌinal te Kajwaltik Diose, sok sbajtel kꞌinal ayik ta ajwalil.

Apocalipsis 6:15

Te machꞌa tulan yaꞌtelik ta balmilale la snakꞌ sbaik ta chꞌentikil y ta latsꞌ-tontikil ta witstikil, jun nax sok te machꞌatik mukꞌ ayike, sok te statal soltaroetike, sok te jkꞌulejetike, sok te machꞌatik beno spuersaike, y spisil te machꞌatik ayik ta mosoile, y sok te genteetik te libre aye.

Apocalipsis 9:21

Y ni maꞌ yijkitayik te milawe, ni te spasel akꞌ-chamele, ni te antsiwejele, ni te elekꞌe.