Apocalipsis 18:20 - Nuevo Testamento Tzeltal de Amatenango

²⁰ Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Bible in Tzeltal Bachajón

²⁰ ¡Tse'elucat me yu'un, ha'at ch'ulchan, soc ha'ex te ch'ultesbilex, jpuc-c'opex soc jalwanejex, como Dios la ya'be castigo ta acuentahic!

Bible in Tzeltal de Oxchuc y Tenejapa

²⁰ Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Apocalipsis 18:20 ပူးပေါင်းရင်းမြစ်များ

Efesios 2:20

Te jaꞌexe jich kꞌoemex tutꞌil jun mukꞌul na te lijkesbil yiptajib yuꞌun, jaꞌ te apostoletike y sok te jꞌalwanejetike. Y te Jesucristoe ja stonil te xchikin nae.

Efesios 3:5

te tut mukul ay te maꞌyuk machꞌa aꞌbot snaꞌ te ay tal kꞌaale. Pero te ora to Dios la yakꞌix ta naꞌel ta skuenta te chꞌul apostoletike y sok te jꞌalwanejetike ta skuenta te Espíritu yuꞌune.

Efesios 4:11

Y stukel mismo la yakꞌ te majtaniletik te ay apostoletike y machꞌatik ya yalik te skꞌop Diose, y yan ya yalbe skꞌoplal te kolele y ay yan pastoretik y maestroetik.

2 Pedro 3:2

Naꞌaik me te tut la yalik te nail toe te chꞌul jꞌalwanejetike, y sok te smantal te Kajwaltik, te jKoltawanej kuꞌuntike, te la snojpesex te apostoletike.

Judas 1:17

Pero te jaꞌexe, kermanotak te kꞌuxex ta koꞌtane, naꞌaik me te tut la yalik te apostoletik yuꞌun te Kajwaltik Jesucristoe.

Apocalipsis 12:12

Jaꞌ yuꞌun kontentoukex me te jaꞌex te kuxajtikex te ba chꞌulchane. Pero oꞌol me sbaik te machꞌatik kuxajtik ta balmilale y sok ta mare. Porke te pukuje, te lom ilineme, snaꞌoj te ma jalukix ay skꞌaalel, sok koem tal te ya skontrainex”, xchi.

Apocalipsis 18:6

Jich mismo a yichꞌ ekꞌa te tutꞌil a spasbe te yanetike. A me stoj chebuk buelta te tut spasoje. Aꞌ bayalejuk chaꞌmel ta mas tulan te wokol ya yichꞌe jich tutꞌil la yaꞌbe swokol te yanetike.

Apocalipsis 6:10

Tulan ya yalik: “Chꞌul Kajwaltik, y te ben jun awoꞌtane, ¿tut to ora ya awichꞌ jkuenta te machꞌatik ay ta balmilal te la smilotike, y te ya awaꞌbe stoje?” xchiik.