Apocalipsis 17:17 - Nuevo Testamento Tzeltal de Amatenango

¹⁷ Dios la yaꞌbe ta yoꞌtanik te ya spasik tut ya skꞌan yoꞌtan stukel. Ya me spasik akuerdo te reyetik te ya yakꞌ sbaik ta skuenta te chanbalam te lom yane, jaꞌ to teme kꞌot ta pasel te tut yaloj te Diose.

Bible in Tzeltal Bachajón

¹⁷ Como Dios la ya'be ta yo'tanic te ya spasic te bin la sc'an yo'tan stuquel, ha te ya schap sc'opic ta yajwalinel te chambahlam te xiweltic sba ha to c'alal ts'acal ya xc'oht te sc'op te Diose.

Bible in Tzeltal de Oxchuc y Tenejapa

¹⁷ Dios yac'ojbey ta yo'tanic te ya spasbeyic te bila ya sc'an yo'tan stuquel te bit'il jun nax te bila snopojique soc te ja' yajwalinejic stuquel te muc'ul chambalam te xi'bantic sbae, ja' to c'alal ya xc'ot ta pasel te sc'op Diose.

Apocalipsis 17:17 ပူးပေါင်းရင်းမြစ်များ

San Lucas 22:22

Yuꞌun te Nichꞌanile puersa me ya xnel bael yuꞌun te tut albil jilel skꞌoplale. Pero oꞌol me sba te winik te machꞌa ya yakon entregale —xchi te Jesuse.

San Lucas 22:3

Jich te pukuje och ta yoꞌtan te Judas te Iscariote xꞌalbote. Jaꞌ jtul te ta xlajchaytulul te jnopojeletike.

San Lucas 22:37

Porke ya kalbeyex te puersa ya xkꞌot ta pasel ta jkuenta te tut tsꞌibabil ta Sjun Diose te ya joyin ta ajtayel te jkꞌaxintayej-mantaletike. Yuꞌun spisil ya xkꞌot ta pasel te tut tsꞌibabil jilel jkꞌoplale —xchi te Jesuse.

San Juan 10:35

Y jnaꞌojtik te ma xjuꞌ ta chꞌayel te tut ya yal te Sjun Diose. Dios la yal te dios sbiilik te machꞌa ay ta skuenta te skꞌop Diose.

San Juan 13:18

Ma apisilikuk te jich ya kalbeyexe, yuꞌun jnaꞌoj te machꞌatik jtsaoje. Pero puersa me ya xkꞌot ta pasel te tut tsꞌibabil ta Sjun te Diose: “Te machꞌa jun nax ya xweꞌon soke, sujtix ta jkontra”, xchi me.

San Juan 13:2

Te pukuje ochemix ta yoꞌtan a te Judas, te xnichꞌan te Simon Iscariote, te snopoj ya yakꞌ entregal te Jesuse. Te Jesuse snaꞌoj te talem ta stojol Dios sok te ya sujtix bael ta stojol Diose, y snaꞌoj ta yoꞌtan te aꞌbilix tulan yaꞌtel yuꞌun te sTate. Jaꞌ yuꞌun te yipalik to ta weꞌel ta mexae, tejkꞌa jajchel, la slokꞌes te xkamixe y la xchuk ta xchꞌujt te jun toayae.

San Juan 19:24

Te soltaroetik la yalbe sbaik: —Makꞌ ya jchꞌiꞌtik. Ya kiltik machꞌa ay suerte ya sta bael —xchiik. Jicha kꞌot ta pasel te tut tsꞌibabil jilel ta Sjun te Diose: “La spuk sbaik a te jkꞌuꞌ-jpakꞌe, y la yilik machꞌa ay suerte yuꞌun te ya sta bael te jman najtꞌil kamixe”, te xchie. Jich a spasik te soltaroetike.

San Juan 19:28

Te Jesuse snaꞌoj te spisil a juꞌix yuꞌun ta pasele. Yuꞌun jich ya xkꞌot ta pasel a te tut tsꞌibabil jile, la yal: —Takin koꞌtan —xchi.

2 Corintios 8:16

Pero kola yal Dios te la yaꞌbe ta yoꞌtan te jTitoe mismo te tutꞌ yajtal koꞌtanex te jaꞌexe.

Apocalipsis 10:7

Yuꞌun te kꞌalal ya sta stiempoal te ya xlijk yokꞌesin te skornetae te sjukebal ángele, ya xkꞌot ta pasel a te tut mukul snopoj ta yoꞌtan te Diose, jachik tutꞌil yaloj te jꞌaꞌteletik yuꞌune, jaꞌ te jꞌalwanejetike”, xchi.

Apocalipsis 15:1

La kil ta chꞌulchan jun xan mukꞌul señail te yan ta ilele: Jaꞌ te jukeb angeletik te yichꞌoj jukeb slajibal tulan wokole, te jaꞌ ya stsakay a te jayeb kastigo ya yakꞌ te Diose.

Apocalipsis 17:13

Te lajuntul reyetik to, jun nax akuerdo ayik, y ya yichꞌik ta jkuenta te spoder y te smantal te chanbalam te lom yane.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.

Apocalipsis 6:11

Jicha akꞌtalanbot sakil skꞌuꞌ-spakꞌik, y altalanbot te ya to xkux yoꞌtanik jun chebuk xanix kꞌaal, jaꞌ to teme tsꞌakay te jaytul xan yermanotak te ayik ta abatinel yuꞌun te Cristoe te puersa jich ya xlajik jachik tutꞌil lajik stukelike.