Apocalipsis 16:15 - Nuevo Testamento Tzeltal de Amatenango

¹⁵ “Aꞌiya awaꞌiyik, te joꞌone ya me xtalon, te ma naꞌbiluk tut orae, te jachik tutꞌil jtul jꞌeleke. Ben tsaꞌam slekil te machꞌa xkuxoj yoꞌtane y sok te slapoj skꞌuꞌ-spakꞌe, yuꞌun ma me tꞌaxaluk a y ma me sta kꞌexlal te ya xꞌilot te tꞌaxale”, xchi te Kajwaltike.

Bible in Tzeltal Bachajón

¹⁵ Ya xtalon hich te bin ut'il j'elec'. Bayel me yutsil te mach'a wiq'uil sit soc te ya scanantay sc'u' spac', scuenta yu'un ma ba watal ya xbehen, te q'uexlaltic sba ya x'ilot, xchi te Cajwaltique.

Bible in Tzeltal de Oxchuc y Tenejapa

¹⁵ “Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

Apocalipsis 16:15 ပူးပေါင်းရင်းမြစ်များ

San Mateo 25:13

“Jaꞌ yuꞌun te jaꞌexe, kuxuluk me awoꞌtanik, yuꞌun ma xꞌanaꞌik tut ora ni te tut kꞌaalil ya xtal te Nichꞌanile —xchi te Jesuse.

San Mateo 26:41

Wikꞌa me asitik, kꞌoponaik me Dios yuꞌun. Jich me makꞌ ya ataik il-oꞌtantayel yuꞌun te pukuje. Porke ay spuersa te awoꞌtanike. Jaꞌ nax te atiꞌbalulik te maꞌyuk yipe —xchi.

San Marcos 14:38

Wikꞌa me asitik, kꞌoponaik Dios, yuꞌun jich me makꞌ stsalex a te loꞌlayele. Te jaꞌexe ben bayal sbujtsꞌ te awoꞌtanike. Jaꞌ nax te atiꞌbalulike te maꞌyuk spuersae —xchi.

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

Hechos 20:31

Jaꞌ yuꞌun, kuxa me awoꞌtanik. Naꞌulanaik me, sil tiempo te oxeb jabꞌil te kꞌajkꞌal y ajkꞌubal ma jkom jba te la jtsitsulanexe, sok la kokꞌetay jba te yauk xkꞌot ta awoꞌtanike.

2 Corintios 5:3

Te jich me ya jlaptik te tutꞌil jun kꞌuꞌul-pakꞌal, yuꞌun jich me ma tꞌaxalukotik ya xjilotik a.

1 Tesalonicenses 5:4

Pero te jaꞌexe, kermanotak, maꞌyukex ta ijkꞌal kꞌinal, te yuꞌun chꞌayem awoꞌtanik te tut kꞌaalil te ya sujt tal te Kajwaltike, jich tutꞌil ya xtal te jꞌelekꞌe.

1 Tesalonicenses 5:6

Jaꞌ yuꞌun ma me wakꞌ wayukotik jich tutꞌil te yanetike. Ya skꞌan te kuxul koꞌtantik y pꞌij me ya skꞌan xꞌanotik.

1 Pedro 4:7

Nopolix ya xtal slajibal ta spisil te tutik aye. Jaꞌ yuꞌun, te jaꞌexe naꞌaik me tutꞌ ayex y kuxa me awoꞌtanik ta skꞌoponel Dios.

2 Pedro 3:10

Pero te tut kꞌaalil ya xtal te Kajwaltike, ya xtal jichuk jꞌelekꞌ ta ajkꞌubal. Jich ora ya xlaj te chꞌulchane, te xiꞌxiꞌtik ta aꞌiyele. Te tutik pasbile ya me xlaj ta kꞌajkꞌ, y te balmilale sok spisil te tutik ay ae ya me xlaj ta chikꞌel.

Apocalipsis 22:7

La yal te Jesuse: —Ya me xtalon ta ora. Ben tsaꞌam slekil te machꞌa ya yakꞌ ta jkuenta te skꞌoplal te tut tsꞌibabil liꞌ ba libro to —xchi.

Apocalipsis 3:11

Ya xtalon ta ora. Kꞌeja te tut ay awuꞌune, yuꞌun maꞌyuk machꞌa ya yichꞌbeyat te amajtane.

Apocalipsis 3:18

“Jaꞌ yuꞌun ya kalbeyat te ya amanbon te oro te pasbilix tal ta kꞌajkꞌe, yuꞌun jich batsꞌi kꞌulejat a. Y sok te ya amanbon te sakil kꞌuꞌul-pakꞌal yuꞌun ya alap y ya amuk aba a te kꞌexlaltik sba te tꞌaxalate. Y sok ya amanbon te jun pox yuꞌun te ya awaꞌbey asit te ya awil kꞌinal ae.