Apocalipsis 16:10 - Nuevo Testamento Tzeltal de Amatenango

¹⁰ Te sjoꞌebal ángele la smal te sbaso ta sba te snaktajib te chanbalam te xiꞌbentik sbae. Jich jil ta ijkꞌal kꞌinal te ba ya xmantalaje. Te gentee ya stiꞌtalan yakꞌik yuꞌun te xkꞌuxul swokolike.

Bible in Tzeltal Bachajón

¹⁰ Te yo'ebal ch'ul a'bat la smal te sbahl te copa yu'un ta smuc'ul-huctajib te chambahlam te xiweltic sba, ihc'ub ban c'alal scuentahinej. Te ants-winiquetic la sti'ticlan yaq'uic yu'un sc'uxul te wocol

Bible in Tzeltal de Oxchuc y Tenejapa

¹⁰ Te yo'ebal ch'ul abate ba smal te copa ta bay smuc'ul nactijib te muc'ul chambalam te xi'bantic sbae. Och ta ijc' q'uinal spamal te smaquen-q'uinale. Spisil la sti' yaq'uic yu'un xc'uxul te swocolique.

Apocalipsis 16:10 ပူးပေါင်းရင်းမြစ်များ

San Mateo 13:42

Ya me xchꞌojik ochel te ba yawil kꞌakꞌ te tileme. Teꞌ me ya xkꞌo yokꞌetay sbaik a sok teꞌ me ya xkꞌo skꞌuxilan yeꞌik a.

San Mateo 13:50

Te machꞌatik ma lekuke ya me xchꞌojot ochel ta yawil kꞌakꞌ te tileme. Teꞌ me xkꞌo yokꞌetay sbaik a sok teꞌ me ya skꞌuxilan yeꞌik a —xchi te Jesuse.

San Mateo 22:13

“Te reye la yalbe te machꞌatik ya xchapik te mexae: “Chukbeyaik yok skꞌab, chꞌojaik lokꞌel ta ijkꞌal kꞌinal te ba jwerae. Teꞌ ya xkꞌo yokꞌetay sba a sok teꞌ ya xkꞌo skꞌuxilan ye a”, xyut.

San Mateo 24:51

Ya me yaꞌbe stoj ta kastigo. Teꞌ me ya xbajt a te ba ya xbajt te machꞌatik ma tsaꞌamuk yoꞌtanike. Teꞌ me ya xkꞌo yokꞌetay sba a sok teꞌ me xkꞌo xkꞌuxilan ye a —xchi te Jesuse.

San Mateo 8:12

Pero te machꞌatik skꞌoplal ya xꞌochik te ba ay ta mantal te Diose, jaꞌ me ya yichꞌik chꞌojel bael ta ijkꞌal kꞌinal. Teꞌ me ya xkꞌo yokꞌetay sbaik a, sok teꞌ me ya xkꞌo skꞌuxilan yeꞌik a —xchi te Jesuse.

San Lucas 13:28

Teꞌ me ya awokꞌetay abaik a, y teꞌ me ya akꞌuxilan aweik a te tutꞌil ya awilik te jꞌAbrahame te jꞌIsaake, te Jacobe sok spisil te antibo jꞌalwanejetik te teꞌ ayik te ba ay ta ajwalil te Diose. Yan te jaꞌexe chꞌojbilex lokꞌel ta jwera.

1 Pedro 2:17

Akꞌaik me ta jkuenta spisil genteetik. Kꞌux me xꞌawil te hermanoetike. Xiꞌaik me te Diose. Akꞌaik me ta jkuenta te mukꞌul reye.

Apocalipsis 11:10

Te machꞌatik kuxajtik ta balmilale lom kontentoik yuꞌun te chamike. Batsꞌi lom kontentoik, talel bael ya yaꞌbe sbaik smajtanik yuꞌun. Porke lom bayal a kꞌax swokolik yuꞌun te chꞌatul jꞌalwanejetike.

Apocalipsis 11:2

Pero ma me apꞌis stukel te yamakꞌul te temploe, porke jaꞌa aꞌbotix ta skuenta te machꞌatik ma xchꞌuunejuk te Diose. Jaꞌ te machꞌatik ya xba sjuꞌik ta tekꞌel te chꞌul mukꞌul jtejklum te ya xjalaj oxeb jaꞌbil sok olile.

Apocalipsis 11:8

Te stiꞌbalulik tixajtik me ya xjil ta kayailtik te ba mukꞌul jtejklum te ba jijpanot ta krus te Yajwalike. Jaꞌ te mukꞌul jtejklum Sodoma sbiil, sok Egipto sbiil ta alel.

Apocalipsis 17:17

Dios la yaꞌbe ta yoꞌtanik te ya spasik tut ya skꞌan yoꞌtan stukel. Ya me spasik akuerdo te reyetik te ya yakꞌ sbaik ta skuenta te chanbalam te lom yane, jaꞌ to teme kꞌot ta pasel te tut yaloj te Diose.

Apocalipsis 17:9

“Ya skꞌan te ay spꞌijil awoꞌtan teme ya akꞌan te ya anaꞌbe sluwar to. Te jukeb sjole jaꞌ xyal te jukeb witstikil te ba nakal ta antse, sok jaꞌ seña te juktul reyetike.

Apocalipsis 18:2

Sok tulan skꞌop xꞌawet: —¡Jimix, jimix te mukꞌul jtejklum Babiloniae! Sujtemix ta sna pukujetik. Jaꞌ xchꞌenikix spisil ta jkaj te pukujetik te ma lekuke. Xluchtajibix spisil ta jkaj te mutetik te ma lekuke y te pꞌajbile.

Apocalipsis 18:21

Jich te jtul ángel te bayal yipe la xjach jpꞌej ton te jachik tutꞌil jpꞌej mam chaꞌtone, y la xchꞌoj ochel ta mar. Sok la yal: —Jich me ya yichꞌ tulan jimel te Babilonia te mam mukꞌul jtejklume, y ni jaymel ya xtaot xan ta ilel.

Apocalipsis 18:23

Sok ma xojobin xan ta atojol te lus yuꞌun te jun lamparae. Sok makꞌ me xꞌaꞌiyotix ta atojol te xniket kꞌin yuꞌun te nujpunele. Aunke te bayal yipik ta balmilal te jchonbajeletik awuꞌune, sok la aloꞌlay ta spisil te nasionetik sok te ma lekuk poxetik yuun pukuje —xchi me.

Apocalipsis 8:12

Te xchanebal ángel la yokꞌesin te skornetae. La yixlan xejtꞌ ta yoxxejtꞌel te kajkꞌale, y xejtꞌ ta yoxxejtꞌel te ue, y xejtꞌ ta yoxxejtꞌel te ekꞌetike. Yuꞌun jicha laj ijkꞌub xejtꞌ ta yoxxejtꞌelalik, y maꞌ sakub kꞌinal xejtꞌ ta yoxxejtꞌelal te jun kꞌaale ni ta ajkꞌubal.

Apocalipsis 9:2

La sjeꞌ te chꞌen te lom toyole, y moj tal xchꞌailel te chꞌene, jachik tutꞌil jun mukꞌul jorna. Y te xchꞌailel te chꞌene la yijkꞌutes te kꞌajkꞌale y te ikꞌe.