Apocalipsis 15:1 - Nuevo Testamento Tzeltal de Amatenango

¹ La kil ta chꞌulchan jun xan mukꞌul señail te yan ta ilele: Jaꞌ te jukeb angeletik te yichꞌoj jukeb slajibal tulan wokole, te jaꞌ ya stsakay a te jayeb kastigo ya yakꞌ te Diose.

Bible in Tzeltal Bachajón

¹ La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.

Bible in Tzeltal de Oxchuc y Tenejapa

¹ Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

Apocalipsis 15:1 ပူးပေါင်းရင်းမြစ်များ

Apocalipsis 10:3

Tulan a kꞌopoj, jachik tutꞌil ya xꞌawun jkojt choj, y te kꞌalal xꞌawete, jukeb xpumlajan bael ta sjoylejal a kaꞌiy te skꞌope.

Apocalipsis 11:14

Jich ya xkꞌax te xchebal tulan wokole. Pero ya xtalix te yoxebale.

Apocalipsis 14:10

ya me yichꞌ te tulan kastigo yuꞌun Dios, te jich chapalix te maꞌyuk skꞌap te ayix ta yawil yuꞌun te kastigo yuꞌun Diose. Y ya me xꞌaꞌbot kꞌaxuk bayal swokolik ta kꞌajkꞌ y sok asufre ta stojol te chꞌul angeletik y sok te Chꞌin Karnerae.

Apocalipsis 14:19

Te ángele la skꞌaes te sluk ta balmilale y la stuy te ubailtik te tsꞌunbil ta balmilale. Y te nax a la yotses te ba smam kꞌejil yuꞌun te ya spitsꞌbot a te yaꞌlele. Jaꞌ to jaꞌ xyal te tutꞌil ya yakꞌ tulan kastigo te Diose.

Apocalipsis 16:1

La kaꞌiy jun tulan kꞌop te xlokꞌ tal teꞌ ba temploe y te la yalbe te jukeb angeletike: —Baanik y malaik ta sba balmilal te jukeb basoetik yuꞌun te tulan kastigo te ya yakꞌ tal te Diose —xꞌutalanot.

Apocalipsis 17:1

Tal skꞌoponon jtul te ta sjukebal te angeletik te yichꞌojik te jukeb basoetike, y la yalbon: —Laꞌ, ya kꞌabeyat awil te kastigo ya yichꞌ te mera jmulawil ants te teꞌ nakal ba sba te jaꞌe.

Apocalipsis 19:15

Ya xlokꞌ ta stiꞌ jun puñal te beno yee, yuꞌun ya yejchentes a te nasionetike. Ya spasawan ta mantal sok sbaston takꞌin ta stojolik. Ya me yaꞌbe yichꞌik kastigo, jachik tutꞌil ya spitsꞌot ta tekꞌel te yaꞌlel uvae. Y ya me yakꞌtalanbe yuchꞌik te bino yuꞌun te tulan wokole, jaꞌ te kastigo ya xtal ta stojol Dios te spisil ya xjuꞌ yuꞌune, yuꞌun ma xkujchix yuꞌun te tut ma lekuk ya spasike.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.

Apocalipsis 8:13

Teꞌ nax a la kil, y la kaꞌiy tulan yipal ta kꞌop jkojt aguila te yipal ta wilel ta yolil chꞌuchan. Jich a yal: “¡Ay! ¡Ay! Oꞌol me sbaik te machꞌatik aylan ta balmilale te kꞌalal ya xꞌokꞌ te kornetaetik te ya xba yokꞌesinik te oxtul xan angeletike”, xchi.

Apocalipsis 8:2

Teꞌ nax a la kil jukeb angeletik te tekꞌajtik ta sit te Diose. Akꞌtalanbot jukeb kornetaetik.

Apocalipsis 8:6

Te jukeb angeletik te yichꞌojik te jukeb kornetaetike la xchap sbaik yuꞌun ya yokꞌesinik.

Apocalipsis 9:20

Pero te jayeb xan sobra te gente, te machꞌatik maꞌ chamik yuꞌun te wokoletik to, ni maꞌ sujtes yoꞌtanik yuꞌun te tut ma lekuk spasojik ta skꞌabike. Ni maꞌ yijkitayik yichꞌel ta mukꞌ te pukujetike y sok te lotil diosetik te pasbil ta oro sok ta plata sok ta bronse sok ta ton sok ta teꞌ, te ma xjuꞌ ya yilik kꞌinal ni ma xyaꞌi kꞌop ni ma spas xbeen.